Yoxuwa 4:24 - BIBELE Mahungu Lamanene

²⁴ Hikokwalaho vanhu va misava hinkwavo va ta swi tiva leswaku HOSI Xikwembu xi ni matimba lamakulu, kutani va ta xixima HOSI Xikwembu xa n'wina hilaha ku nga heriki.”

Xitsonga (Bibele)

²⁴ leswaku matiko hinkwawo ya misava ma tiva leswaku voko ra Yehovha ri ni matimba, mi ta chava Yehovha, Xikwembu xa n'wina hi laha ku nga heriki.”

Yoxuwa 4:24 Referans Kwoze

Pisalema 106:8

Hambiswiritano xi va ponisile hikwalaho ka vito ra xona, leswaku xi twarisa matimba ya xona lamakulu.

Pisalema 89:13

U ni matimba ya tinhenha; loko u tlakusa voko ra wena ra xinene, ntamu wa wena wa vonaka.

1 TIKRONIKA 29:12

Vanhu va nyikiwa vukosi ni vukulukumba hi wena, hi wena la fambisaka swilo hinkwaswo; ntamu ni vunhenha swi le ka wena, vanhu hinkwavo va kurisiwa ni ku tiyisiwa hi wena ntsena.

2 TIHOSI 19:19

Sweswi ke, wena HOSI Xikwembu xa hina, ndza ku khongela, hi lamulele emavokweni ya Senakeribi, leswaku mimfumo hinkwayo ya misava yi ta tiva leswaku hi wena ntsena u nga Xikwembu, wena HOSI.”

Eksoda 15:16

Va weriwile hi ku chava ni gome, hikwalaho ka matimba ya voko ra wena, va yimile va nga ha tshukatshuki, ku kondza loko vanhu va wena va hundza, we HOSI, ina, vanhu va wena lava u nga tikumela vona va ko va hundza.

Eksoda 14:31

Vaisraele va vona leswi HOSI Xikwembu xi swi endleke loko xi lwa ni Vaegipta hi matimba ya xona lamakulu, va xi chava ngopfu, kutani va pfumela eka xona ni le ka nandza wa xona Muxe.

Duteronoma 6:2

N'wina ni vana va n'wina ni vatukulu va n'wina, chavani HOSI Xikwembu xa n'wina. Evuton'wini bya n'wina hinkwabyo, hanyani hi ku hlayisa milawu ni swileriso hinkwaswo leswi ndzi mi byeleke swona. Loko mi endla tano, mi ta hanya masiku layo tala.

Yeremiya 32:40

Ndzi ta endla na vona ntwanano lowu nga heriki; a ndzi nga tshiki ku va katekisa; ndzi ta va pfuna ku ndzi komba xichavo va nga ha ndzi fularheli.

Pisalema 89:7

Hakunene we Xikwembu, wa chaviseka swinene ehubyeni ya vahlawuriwa va le henhla, wa xiximeka ku tlula hinkwavo lava va ku rhendzeleke.

2 TIHOSI 5:15

Naamani a tlhelela eka munhu wa Xikwembu swin'we ni vaheleketi va yena hinkwavo. A nghena endlwini ya Elixa, a vulavula a yimile, a ku: “Waswivo! Sweswi ndza swi tiva leswaku a ku na Xikwembu xin'wana emisaveni hinkwayo, loko ku nga ri etikweni ra Israele. Sweswi ndzi kombela leswaku u amukela nyiko leyi humaka eka mina nandza wa wena.”

1 SAMIELE 17:46

Namuntlha HOSI Xikwembu xi ta ku nyiketa emavokweni ya mina. Ndzi ta ku ba, u wela hansi, kutani ndzi ta tsema nhloko ya wena. Namuntlha ndzi ta nyiketa mintsumbu ya mavuthu ya Vafilista eka makoti ni swivandzana. Hikona misava hinkwayo yi nga ta tiva leswaku, etikweni ra Israele, Xikwembu xi kona!

Eksoda 20:20

Kutani Muxe a hlamula Vaisraele, a ku: “Mi nga chavi! Xikwembu xi tile ku ta mi kambela, mi ta hamba mi va ni xichavo eka xona, mi nga ha dyohi.”

Eksoda 9:16

Kambe ndzi ku tshikile u hanya, xikongomelo xa kona ku ri ku ku komba matimba ya mina, leswaku vito ra mina ri ta twarisiwa emisaveni hinkwayo.

Duteronoma 28:10

Vanhu hinkwavo laha misaveni, va ta swi vona leswaku mi vuriwa vanhu va HOSI Xikwembu, kutani va ta mi chava.

1 TIHOSI 8:60

Hikokwalaho, vanhu hinkwavo va misava va ta tiva leswaku HOSI hi yona yi nga Xikwembu, a ku na xin'wana ehandle ka xona.

1 TIHOSI 8:40

Hi ndlela leyi, va ta ku chava, masiku hinkwawo ya ku hanya ka vona etikweni leri u ri nyikeke vatata wa hina.

Ntirho 40:9

Xana u ni matimba yo ringana ni ya mina, u nga balekisa tilo ku fana na mina ke?

Esaya 52:10

HOSI Xikwembu xi ta kombisa matimba ya xona layo hlawuleka, vanhu va matiko hinkwawo va ta ma vona; misava hinkwayo yi ta swi vona loko Xikwembu xa hina xi ponisa vanhu va xona.