Yoxuwa 4:12 - BIBELE Mahungu Lamanene

¹² Va ka Rhuveni ni va ka Gadi ni hafu ya nyimba ya va ka Manase va perile nambu va hlomile matlhari, va rhangile emahlweni hilaha Muxe a a va lerisile hakona.

Xitsonga (Bibele)

¹² Vana va Rhuveni, ni vana va Gadi, ni hafu ya nyimba ya Manase, va famba va hlomile emahlweni ka vana va Israele, hilaha Muxe a va byeleke hakona.

Yoxuwa 4:12 Referans Kwoze

Yoxuwa 1:14

Vasati va n'wina, ni swihlangi swa n'wina, ni swifuwo swa n'wina swi ta sala haleno ntsungeni wa Yordani, etikweni leri Muxe a mi nyikeke rona; kambe masocha ya n'wina hinkwawo ma fanele ku hloma matlhari, ma famba ni vamakwavo ma ya va pfuna

Eksoda 13:18

Kambe Xikwembu xi va rhendzelekisile hi ndlela ya mananga, leyi kongomaka Lwandle-ro-Tshwuka, va hlomile matlhari.

Tinhlayo 1:24

ni vanhu va ka Gadi, hi nyimba ya vona, ni mindyangu ya vona, ni miti ya vona, loko va hlayiwa hi mavito va ri lava ringaneke ku hloma matlhari, va malembe ya 20 ni ku tlula,

Tinhlayo 32:17

Kutani hi ta hatla hi hloma matlhari hi rhangela Vaisraele, hi kondza hi ya va fikisa etindhawini ta vona. Swihlangi swa hina swi ta sala swi tshamile emakhokholweni, swi sirhelelekile eka vaaki va tiko.

Duteronoma 3:18

“Enkarhini wolowo, ndzi va lerisile ndzi ku: ‘HOSI Xikwembu xa n'wina xi mi nyikile tiko leri ri va ra n'wina. Masocha ya n'wina hinkwawo ma fanele ku pela nambu wa Yordani ma hlomile, ma rhangela Vaisraele, vona vamakwenu.

Duteronoma 33:21

Va tihlawulerile ndhawu leyo saseka etikweni, yi nga ndhawu leyi a yi hlayiseriwe mufambisi wa mavuthu, loko varhangeri va Vaisraele va hlengeletanile; va ka Gadi va endlile leswi HOSI Xikwembu xi swi nkhensaka, va hlayisa ni swiletelo leswi xi swi nyikeke Vaisraele.”

Yoxuwa 4:11

Loko va perile hinkwavo, vaprista va khupuka ni Areka ya HOSI Xikwembu va ya rhanga emahlweni ka Vaisraele.

Yoxuwa 4:13

Lava hundzeke emahlweni ka HOSI Xikwembu va kongoma erivaleni ra Yeriko va hlomile matlhari va tiyimiserile ku lwa nyimpi, a va ri kwalomu ka 40 000.