Yoxuwa 3:7 - BIBELE Mahungu Lamanene

⁷ HOSI Xikwembu xi ku ka Yoxuwa: “Ku sukela namuntlha ndzi ta ku tlakusa emahlweni ka Vaisraele, va ta tiva leswaku ndzi ta va na wena, ku fana ni leswi ndzi veke na Muxe.

Xitsonga (Bibele)

⁷ Yehovha a ku eka Yoxuwa: “Namuntlha ndzi ta sungula ku ku kurisa emahlweni ka Vaisraele hinkwavo, va ta tiva leswaku ndzi ta va na wena kukotisa leswi ingi ndzi ri na Muxe.

Yoxuwa 3:7 Referans Kwoze

Yoxuwa 4:14

Hi siku rero, HOSI Xikwembu xi kurisile Yoxuwa emahlweni ka Vaisraele hinkwavo; kutani va sungula ku n'wi komba xichavo, ku fana ni leswi va kombeke Muxe xichavo vutomi bya yena hinkwabyo.

Yoxuwa 1:5

Evuton'wini bya wena hinkwabyo a ku nga vi na munhu loyi a nga ta ku hlula; ndzi ta va na wena ku fana ni leswi ndzi veke na Muxe; a ndzi nga ku fularheli, naswona a ndzi nga ku tshiki u ri wexe.

1 TIKRONIKA 29:25

HOSI Xikwembu xi nyika Solomoni endzhuti emahlweni ka Vaisraele, xi tiyisa vuhosi bya yena ku tlula bya tihosi tin'wana leti nga tshama ti va kona exikarhi ka Vaisraele.

Pisalema 18:35

We HOSI, u ndzi tamerisa xitlhangu ku nga ku ponisa ka wena; voko ra wena ra xinene ra ndzi seketela, wa ndzi kurisa, loko u tikarhatela mina.

Yoxuwa 1:17

Hi ta ku yingisa etimhakeni hinkwato ku fana na leswi Muxe hi n'wi yingisiseke swona; ho navela ntsena leswaku HOSI Xikwembu xa wena xi va na wena ku fana ni leswi a xi ri na Muxe!

Ntirho 7:17

Xana munhu wa nyama o va yini, leswaku u tikarhatela yena xana? Ku n'wi anakanya hi ndlela leyi, a swi pfuni nchumu!

2 TIKRONIKA 1:1

Solomoni n'wana Davhida a tiya evuhosini bya yena, HOSI Xikwembu xi va na yena, xi n'wi endla la tivekaka swinene.

Yohane 17:1

Yesu ú vurile timhaka leti. Kutani a tlakusa mahlo, a languta etilweni, a ku: “Tatana, nkarhi wu fikile; dzunisa N'wana wa wena, leswaku N'wana a ku dzunisa.

Vafilipiya 1:20

Ku langutela ka mina ni ku tshemba ka mina, hileswaku a ndzi nga khomiwi hi tingana niswitsanana, kambe hi ku tiya ka mina ndzi nga chavi nchumu, sweswi kukota minkarhi hinkwayo, ndzi ta twarisa vukulu bya Kriste emirini wa mina, hambi hi ku hanya ka mina, hambi hi ku fa ka mina.

Yoxuwa 3:6

Yoxuwa a byela ni vaprista a ku: “Rhwalani Areka ya Ntwanano, mi rhangela Vaisraele emahlweni.” Kutani Vaprista va rhwala Areka ya Ntwanano va famba emahlweni ka Vaisraele.

Yoxuwa 3:8

Kutani u ta lerisa vaprista lava rhwaleke Areka ya Ntwanano u ku ka vona: ‘Loko mi fika kusuhi ni mati ya nambu wa Yordani mi fanele ku yima.’ ”

Yoxuwa 1:9

Tsundzuka leswi ndzi ku leriseke swona: Tiya, u va ni xivindzi; u nga chavi nchumu, u nga heli matimba, hikuva mina HOSI Xikwembu xa wena ndzi ta va na wena hinkwako lomu u nga ta ya kona.”