Yoxuwa 3:5 - BIBELE Mahungu Lamanene

⁵ Kutani Yoxuwa a byela Vaisraele a ku: “Tibasiseni, hikuva mundzuku HOSI Xikwembu xi ta endla swihlamariso exikarhi ka n'wina.”

Xitsonga (Bibele)

⁵ Yoxuwa a byela tiko, a ku: “Tibasisani, hikuva mundzuku Yehovha u ta endla mahlori exikarhi ka n'wina.”

Yoxuwa 3:5 Referans Kwoze

Yoxuwa 7:13

Suka u yima u ya basisa Vaisraele; u ta va byela ku tibasisela siku ra mundzuku, hikuva mina HOSI Xikwembu xa vona ndzi ni rito eka vona leri nge: ‘Exikarhi ka n'wina Vaisraele ku ni swilo leswi nyiketiweke leswaku swi herisiwa, kutani valala va n'wina mi nga ka mi nga va hluli, loko swilo leswi swi nyiketiweke leswaku swi herisiwa, mi nga si swi susa exikarhi ka n'wina.’

Levhitika 20:7

Hikokwalaho, hambanani ni mikhuva yo tano, mi va lava hlawulekeke: Hi mina HOSI, Xikwembu xa n'wina.

Yuwele 2:16

Hlengeletani ntshungu mi wu basisa, vitanani vakulukumba, mi hlengeleta ni vana, hambi swi ri swihlangi swa le makatleni. Jaha lera ha ku tekaka, ri humeseni endlwini ya rona, hlomisa na rona, a ri hume.

1 SAMIELE 16:5

Yena a va hlamula a ku: “Hi ku rhula ntsena! Ndzi tele ku humesela HOSI Xikwembu egandzelo. Tibasiseni leswaku mi ta va na mina egandzelweni.” Kutani Samiele a basisa Yese ni majaha ya yena, a va rhamba egandzelweni.

Yohane 17:19

Kutani ndzi tihlawulekisa hikwalaho ka vona, leswaku na vona va hlawulekisiwa entiyisweni.

Levhitika 10:3

Kutani Muxe a ku ka Aroni: “Leswi hi swona HOSI Xikwembu a xi vula swona loko xi ku: ‘Lava va tshinelaka kusuhi na mina, va fanele ku ndzi chava, Vaisraele hinkwavo va fanele ku ndzi dzunisa.’ ” Loko a ri Aroni, a tikhoma a miyela.

Pisalema 86:10

Wena u nkulukumba, naswona u endla swilo leswo hlamarisa. Hakunene, hi wena ntsena u nga Xikwembu.

Ntirho 1:5

Loko masiku ya nkhuvo wo karhi ma herile, Yobo a a tala ku vitana vana va yena leswaku a ta va basisa; hi siku rero a a hubuta, a ya humesa magandzelo lama hisiwaka, a humesela un'wana ni un'wana wa vana lava, hikuva a a ku: “Vana va mina va nga va va dyoherile Xikwembu, va xi rhuketela emiehleketweni ya vona.” Yobo a a endlisa sweswo minkarhi hinkwayo.

Yoxuwa 3:13

Loko vaprista lava rhwaleke Areka ya Ntwanano wa HOSI Xikwembu xa misava hinkwayo va peta minkondzo ya vona ematini ya nambu wa Yordani, mati ma ta yima ku khuluka, kutani lama taka hi tlhelo ra hala henhla ka nambu lowu ma ta hlengeletana ndhawu yin'we ma endla ndhundhuma.”

Yoxuwa 3:15

Vaprista lava rhwaleke Areka va fika enambyeni wa Yordani va peta milenge ya vona ematini (nambu wa Yordani wu tala wu fika emagangeni nkarhi hinkwawo wa ntshovelo),

Tinhlayo 11:8

Vaisraele a va rhendzeleka va swi hlengeleta, kutani a va swi sila eswihisweni, kumbe va swi kandza ematshurini, va swi sweka hi timbita, va endla swimbhundzwa; a swi nandziha ku fana ni swinkwa leswi omeke leswi totiweke mafurha.

Yoxuwa 3:4

leswaku mi ta kota ku tiva ndlela leyi mi nga ta famba hi yona hikuva a mi si tshama mi famba hi ndlela leyi. Kambe ku fanele ku sala mpfhukanyana wa kwalomu ka 1 km exikarhi ka n'wina na Areka ya Ntwanano; mi nga tshuki mi tshinela kusuhi na yona.”

Yoxuwa 3:6

Yoxuwa a byela ni vaprista a ku: “Rhwalani Areka ya Ntwanano, mi rhangela Vaisraele emahlweni.” Kutani Vaprista va rhwala Areka ya Ntwanano va famba emahlweni ka Vaisraele.

Pisalema 77:15

Hi matimba ya wena, u kutsurile vanhu va wena, va nga va ka Yakobo ni va ka Yosefa.