Yoxuwa 3:11 - BIBELE Mahungu Lamanene

¹¹ Vonani, Areka ya Ntwanano wa N'wini wa misava hinkwayo hi yona yi nga ta mi rhangela yi pela nambu wa Yordani.

Xitsonga (Bibele)

¹¹ Maswivo, areka ya ntwanano wa Hosi ya misava hinkwayo, yi ta famba emahlweni ka n'wina enambyeni wa Yordani.

Yoxuwa 3:11 Referans Kwoze

Zakariya 6:5

Kutani ntsumi yi ndzi hlamula yi ku: “Leswi i mimoya ya mune ya le tilweni; a yi tile emahlweni ka N'wini wa misava hinkwayo, kutani sweswi ya hangalaka.

Zakariya 4:14

Kutani ntsumi yi ndzi hlamusela yi ku: “Leswi swi komba vavanuna vambirhi, lava hlawuriweke ku tisa mafurha enkambaneni, va ta tirhela HOSI Xikwembu xa misava hinkwayo.”

Pisalema 24:1

Misava ni hinkwaswo leswi nga ka yona i swa HOSI Xikwembu; matiko ni hinkwavo lava akeke eka wona i swa xona.

Mikiya 4:13

HOSI Xikwembu xi ri: “N'wina vaaki va Siyoni, sukani mi yima, mi va ba ku fana ni loko mi hula mavele; ndzi ta mi nyika matimba, mi tiya wonge mo va nkuzi ya timhondzo ta nsimbhi ni swinyondzwana swa koporo; mi ta ba vanhu va matiko layo tala mi va phatlulela. Xuma lexi va nga tihlengeletela xona, ni rifuwo ra vona, mi ta swi teka mi swi nyiketa eka mina HOSI Xikwembu, N'wini wa misava hinkwayo.”

Yoxuwa 3:13

Loko vaprista lava rhwaleke Areka ya Ntwanano wa HOSI Xikwembu xa misava hinkwayo va peta minkondzo ya vona ematini ya nambu wa Yordani, mati ma ta yima ku khuluka, kutani lama taka hi tlhelo ra hala henhla ka nambu lowu ma ta hlengeletana ndhawu yin'we ma endla ndhundhuma.”

Zakariya 14:9

HOSI Xikwembu xi ta fuma misava hinkwayo, xi ta va Xikwembu xi ri xoxe; hi siku rero, ku ta gandzeriwa xona ntsena.

Sofoniya 2:11

HOSI Xikwembu xi ta va ba hi ndlela yo chavisa, swikwembu hinkwaswo leswi nga misaveni, xi ta swi tsongahata, kutani vanhu va tinxaka hinkwato va ta xi nkhinsamela ematikweni ya vona.

Yeremiya 10:7

Xana i mani la nga ta ka a nga ku chavi, we Mufumi wa matiko, xana? Ku xiximiwa hi vanhu swi ku fanerile, hikuva exikarhi ka tintlhari hinkwato ni tihosi hinkwato ta misava, ku hava na un'we loyi a ringanaka na wena.

Esaya 54:5

Mina Muendli wa wena, ndzi ta va nuna wa wena, vito ra mina, ndzi HOSI ya matimba hinkwawo; mina Muhlawuleki wa Israele, ndzi mukutsuri wa wena, Xikwembu xa misava hinkwayo, va vula mina.

Esaya 3:12

Vanhu va mina va fambisiwa hi vana, va fumiwa hi vavasati. N'we vanhu va mina, varhangeri va n'wina va mi lahla, va mi hambukisa endleleni leyinene.

Ntirho 41:11

I mani la ndzi lombeke xanchumu lexi ndzi bohekaka ku n'wi tlherisela xona ke? Hinkwaswo leswi nga hansi ka dyambu i swa mina!

Duteronoma 9:3

Namuntlha swi tiveni leswaku loyi a mi rhangeleke ku fana ni ndzilo lowu chavisaka, i HOSI Xikwembu xa n'wina; hi xona lexi nga ta herisa vanhu lava ni ku mi hlulela vona, kutani mi ta kota ku va hlongola, mi va hangalasa hi ku hatlisa, hilaha HOSI Xikwembu xi mi tshembiseke hakona.

Pisalema 97:5

Tintshava ta n'oka kukota mafurha emahlweni ka HOSI Xikwembu, xona N'wini wa misava hinkwayo.

1 TIKRONIKA 29:11

Vukulu, ni matimba, ni ku twala, ni ku fuma, ni ku dzuneka, swi le ka wena we HOSI. Hinkwaswo leswi nga tilweni ni laha misaveni i swa wena. Hi wena la fumaka ni ku rhangela swilo hinkwaswo.