Yoxuwa 24:9 - BIBELE Mahungu Lamanene

⁹ Kutani Balaka n'wana Siporo hosi ya Mowabu a ya a ya lwa ni Vaisraele, a rhuma ni vanhu va ya vitana Balaama n'wana Beyori leswaku a ta mi rhuketela,

Xitsonga (Bibele)

⁹ Kavaloko Balaka n'wana Siporo, hosi ya Mowabu, a pfuka a lwa na Israele; a rhuma vanhu ku ya vitana Balaama, n'wana Beyori, a ta ta n'wi rhuketelela.

Yoxuwa 24:9 Referans Kwoze

Mikiya 6:5

N'wina vanhu va mina, ehleketani makungu lawa Balaka hosi ya Mowabu a a ma bohile, mi tsundzuka ni ndlela leyi Balaama n'wana Beyori a hlamuleke Balaka ha yona; mi nga rivali na leswi humeleleke ku sukela eXitimi ku ya fika eGiligala, mi ta tiva ndlela leyi mina HOSI ndzi mi poniseke ha yona.”

Vaavanyisi 11:25

Xana wena u tlula Balaka n'wana Siporo hosi ya Mowabu xana? Xana Balaka ú kale a vangisana ni Vaisraele kumbe ku huma nyimpi a ya lwa na vona, xana?

Tinhlayo 22:2

Balaka n'wana Siporo a a vonile hinkwaswo leswi Vaisraele va endleke Vaamori swona.

Vaavanyisi 11:17

hiloko va rhuma vanhu eka hosi ya Vaedomu, va kombela ku tsemakanya hi le tikweni ra yona, kambe a yi va pfumelelanga. Kutani Vaisraele va tlhela va rhuma vanhu eka hosi ya Vamowabu, kambe na yona yi ala. Hikokwalaho Vaisraele va titshamerile eKadexe.