Yoxuwa 24:25 - BIBELE Mahungu Lamanene

²⁵ Kutani hi siku rero Yoxuwa a endla ntwanano ni Vaisraele, a va vekela swiletelo ni milawu eXikeme.

Xitsonga (Bibele)

²⁵ Hi siku rolero Yoxuwa a endlela tiko ntwanano, kutani a va vekela nawu ni ku lerisa eXikeme.

Yoxuwa 24:25 Referans Kwoze

Eksoda 15:25

Muxe a huwelela eka HOSI Xikwembu, kutani xi n'wi komba ximudyana; Muxe a xi hoxa ematini, kutani mati ya kona ma nweka. Laha Mara, hi kona HOSI Xikwembu xi vekeleke Vaisraele swiletelo ni milawu; naswona, hi kona laha xi va kambeleke kona.

Nehemiya 9:38

“Hikokwalaho ka swilo leswi hinkwaswo, hina Vaisraele hi endla ntwanano lowu hi wu tsalaka kunene; varhangeri va hina, ni Valevhi, ni vaprista va hina va wu tiyisa hi ku fungha.

2 TIKRONIKA 23:16

Kutani Yoyada na hosi Yowasi ni tiko hinkwaro va endla ntwanano, va tiboha ku va vanhu va HOSI Xikwembu.

2 TIHOSI 11:17

Kutani Yoyada a endla ntwanano exikarhi ka HOSI Xikwembu ni hosi Yowasi, swin'we ni vanhu va yena leswaku va va vanhu va HOSI Xikwembu; naswona a endla ntwanano exikarhi ka hosi Yowasi ni vanhu va yena.

2 TIKRONIKA 29:10

Sweswi ndzi ehleketa ku pfuxa ntwanano exikarhi ka hina na HOSI, Xikwembu xa Israele, leswaku ku hlundzuka ka xona ku vohla ku nga hi lovisi.

2 TIKRONIKA 15:15

Kutani va ka Yuda hinkwavo va tsaka swinene, hikuva a va tibohile hi mbilu hinkwayo, va swi tsakela swinene ku namarhela HOSI Xikwembu, na xona xi nkhensa ku tikomba eka vona. Kutani xi va nyika ku rhula matlhelo hinkwawo.

2 TIKRONIKA 15:12

Kutani va pfuxa ntwanano wa vona na HOSI, Xikwembu xa vatata wa vona, va tiboha ku xi tirhela hi mbilu hinkwayo ni moya hinkwawo.

Yoxuwa 24:26

Kutani Yoxuwa a tsala marito lawa eka Buku ya Nawu wa Xikwembu; a teka ribye lerikulu, a ri yimisa ehansi ka murhi wa nkuhlu, entsongeni wa HOSI Xikwembu.

Yoxuwa 24:1

Yoxuwa a hlengeleta tinyimba hinkwato ta Vaisraele eXikeme. Kutani a vitana vakulukumba, ni varhangeri, ni vaavanyisi, ni tindhuna ta Israele, va ya yima emahlweni ka HOSI Xikwembu.

Duteronoma 29:1

Lawa i marito ya ntwanano lowu HOSI Xikwembu xi leriseke Muxe ku wu endla ni Vaisraele, loko va ri etikweni ra Mowabu; ntwanano lowu, wu landza lowu xi wu endleke na vona entshaveni ya Horebe.

Eksoda 24:3

Kutani Muxe a ya tivisa vanhu marito hinkwawo ya HOSI Xikwembu ni swileriso swa xona hinkwaswo; vanhu hinkwavo va hlamula hi nomo wun'we, va ku: “Hinkwaswo leswi HOSI Xikwembu xi leriseke swona, hi ta swi endla.”

Genesa 35:4

Kutani va nyika Yakobo swikwembu hinkwaswo swa vamatiko leswi a va ri na swona, va n'wi nyika ni swingwavila leswi a swi ri entindleveni ta vona. Hiloko Yakobo a ya swi celela ehansi ka murhi wa nkuhlu lowu a wu ri kwale kusuhi ni muti wa Xikeme.