Yoxuwa 23:3 - BIBELE Mahungu Lamanene

³ Hinkwaswo leswi HOSI Xikwembu xi swi endleke vamatiko lava hinkwavo hikwalaho ka n'wina, mi swi vonile. Hi xona HOSI Xikwembu xa n'wina lexi xi mi lweleke.

Xitsonga (Bibele)

³ “Ndzi dyuharile, ni ku taleriwa hi masiku. Mi vonile hinkwaswo leswi Yehovha, Xikwembu xa n'wina, a swi endleleke matiko hinkwawo lawa, emahlweni ka n'wina; hikuva i Yehovha, Xikwembu xa n'wina, loyi a mi lwelaka.

Yoxuwa 23:3 Referans Kwoze

Eksoda 14:14

HOSI Xikwembu, hi xona xi nga ta mi lwela, n'wina mo miyela mi ku whííí!”

Yoxuwa 10:42

Yoxuwa ú kotile ku teka matiko lawa hinkwawo ni tihosi ta wona hi nkarhi wun'we hikuva HOSI Xikwembu xa Israele a xi lwela Vaisraele.

Yoxuwa 10:14

Siku ro fana ni leri, a ri nga si tshama ri va kona, leri HOSI Xikwembu xi nga yingisa rito ra munhu. HOSI Xikwembu xi va lwerile Vaisraele!

Malakiya 1:5

Swilo leswi mi ta swi vona hi mahlo n'wina Vaisraele, kutani mi ta vula mi ku: ‘HOSI Xikwembu i xikulu, vukulu bya xona byi vonaka ni le handle ka tiko ra hina.’ ”

Duteronoma 20:4

hikuva HOSI Xikwembu xa n'wina, hi xona xi mi lwelaka; xi ta famba na n'wina, xi mi hlulela valala.’

Duteronoma 4:9

“Hlayisani timhaka leti swinene, mi ti veka embilwini; mi nga tshuki mi rivala leswi mi swi voneke; evutomini hinkwabyo bya n'wina, mi nga tshuki mi hambana na swona; vana va n'wina ni vatukulu va n'wina, va dyondziseni swona.

Duteronoma 1:30

HOSI Xikwembu xa n'wina lexi xi mi rhangeleke emahlweni, hi xona xi nga ta mi lwela, ku fana ni leswi xi mi endleleke swona etikweni ra Egipta, mi ri karhi mi swi vona.

Yoxuwa 23:10

Wanuna un'we exikarhi ka n'wina ú kota ku hlongorisa vavanuna va madzana-dzana, hikuva HOSI Xikwembu xa n'wina hi xona xi mi lwelaka, hilaha xi tshembiseke hakona.

Ezekiele 20:28

Ndzi lo na va fikisa etikweni leri ndzi hlambanyeke ku va nyika rona, vona vo sungula ku tsakela switsunga leswo tlakuka ni mirhi leyi tlhumeke, kutani va ya gandzela kona swikwembu swa hava, va ndzi hlundzukisa hi ku yisa kona magandzelo ya vona, ma nga lama hisiwaka ni layo nun'hwela ni ya swakunwa.

Eksoda 19:4

‘Mi swi vonile hi n'wexe leswi ndzi swi endleke eka Vaegipta; mi vonile ni hilaha ndzi mi rhwaleke hakona ndzi mi tisa ka mina, ku fana ni gama leri rhwalaka mavondlo ya rona etimpapeni.

Duteronoma 7:17

“Mi nga tshuki mi anakanya leswaku vanhu lava va mi tlula hi ku tala ni leswaku mi nge swi koti ku va tekela tiko ra vona ri va ra n'wina, e-e!

Duteronoma 7:24

Xi ta nyiketa tihosi ta wona emavokweni ya n'wina, kutani mi ta dlaya mavito ya tona ma nyamalala laha misaveni; ku hava munhu loyi a nga ta mi tiyela, ku kondza mi va herisela makumu.