Yoxuwa 23:2 - BIBELE Mahungu Lamanene

² Kutani Yoxuwa a hlengeleta Vaisraele hinkwavo, va ri ni vakulukumba va vona, ni varhangeri, ni vaavanyisi, ni tindhuna, a ku ka vona: “Sweswi mina ndzi dyuharile swinene.

Xitsonga (Bibele)

² Yoxuwa a hlengeleta Vaisraele hinkwavo, va ri vakulukumba va vona, ni tindhuna ta vona, ni vaavanyisi va vona, ni tindhuna ta nyimpi ya vona, a ku eka vona:

Yoxuwa 23:2 Referans Kwoze

Yoxuwa 24:1

Yoxuwa a hlengeleta tinyimba hinkwato ta Vaisraele eXikeme. Kutani a vitana vakulukumba, ni varhangeri, ni vaavanyisi, ni tindhuna ta Israele, va ya yima emahlweni ka HOSI Xikwembu.

1 TIKRONIKA 28:1

Davhida a hlengeleta varhangeri hinkwavo va Israele eYerusalema, va nga varhangeri va tinyimba ta ka vona, ni vafambisi va mavuthu lama sirhelelaka hosi, ni tindhuna ta mintlawa ya masocha ya 1 000 ni ya 100; naswona a ku ri ni vahlayisi va xuma xa hosi ni xa vana va yona, ni varisi va swifuwo swa le vuhosini, ni valanguteri va le ntsindza, ni tinhenha, ni vakulukumba lavan'wana hinkwavo.

Duteronoma 31:28

Ndzi vitaneleni vakulukumba hinkwavo va tinyimba ta ka n'wina, ni tindhuna ta n'wina, leswaku ndzi ta vulavula marito lawa va ri karhi va swi twa; ndzi ta kombela matilo ni misava ku va timbhoni ta mina.

Yoxuwa 23:3

Hinkwaswo leswi HOSI Xikwembu xi swi endleke vamatiko lava hinkwavo hikwalaho ka n'wina, mi swi vonile. Hi xona HOSI Xikwembu xa n'wina lexi xi mi lweleke.

Yoxuwa 13:1

Enkarhini lowu, Yoxuwa a a dyuharile swinene. Kutani HOSI Xikwembu xi ku ka yena: “U dyuharile ngopfu, kambe ka ha sele tindhawu to tala ta tiko leti mi faneleke ku ti teka ti va ta n'wina.

1 SAMIELE 12:2

Sweswi, hosi leyi hi yona mufambisi wa n'wina. Mina ndzi dyuharile, ndzi basile nhloko; vana va mina va kona exikarhi ka n'wina. Ndzi vile mufambisi wa n'wina ku sukela evuhlangini bya mina, ku fikela namuntlha.

1 TIHOSI 1:1

Eminkarhini yoleyo, hosi Davhida a a ri munhu wa masiku, a dyuharile, ku fikela laha hambiloko va n'wi funengeta hi minkumba, a a nga ha twi ku kufumela.

1 TIHOSI 8:1

Kutani Solomoni a hlengeleta vakulukumba va tiko ra Israele, va nga vafambisi va tinyimba hinkwato, ni varhangeri va mindyangu ya Vaisraele; va ta ka yena entsindza le Yerusalema, ku ta teka Areka ya Ntwanano wa HOSI Xikwembu emutini wa Davhida lowu vuriwaka Siyoni, va tlhandluka na yona va ya eTempeleni.

1 TIKRONIKA 23:2

Davhida a hlengeleta varhangeri hinkwavo va Vaisraele, a rhamba ni vaprista ni Valevhi.

1 TIKRONIKA 27:27

Ximeyi wa le Rhama a a hlayisa masimu ya vhinya. Vhinyo ya kona ni swibya leswi yi cheriwaka eka swona, a swi ri emavokweni ya Zabidi wa le Xifimi.