Yoxuwa 23:16 - BIBELE Mahungu Lamanene

¹⁶ Loko mo tshova ntwanano wa HOSI Xikwembu xa n'wina lowu xi mi leriseke wona, mi ya tirhela swikwembu swin'wana mi swi nkhinsamela, vukari bya HOSI Xikwembu byi ta pfurha ehenhla ka n'wina, kutani mi ta hatla mi hela etikweni leri ro saseka leri HOSI Xikwembu xi mi nyikeke rona.”

Xitsonga (Bibele)

¹⁶ Kutakuloko mi tlula ntwanano lowu Yehovha, Xikwembu xa n'wina, a mi leriseke wona, mi ya tirhela swikwembu swin'wana, mi khinsama emahlweni ka swona vukari bya Yehovha byi ta mi pfurhela kutani mi ta hatlisa mi fa etikweni lerinene leri a mi nyikeke rona.”

Yoxuwa 23:16 Referans Kwoze

2 TIHOSI 24:20

Leswi humeleleke eYerusalema ni le tikweni ra Yuda, swi vangiwile hi vukari bya HOSI Xikwembu, kutani swi fika laha xi va cukumetaka kule na xona. Kavaloko Sedekiyasi a pfukela hosi ya le Babilona.

1 TIHOSI 14:15

HOSI Xikwembu xi ta ba Vaisraele: Va ta fana ni rihlanga leri tsekatsekisiwaka hi mati ya nambu; HOSI Xikwembu xi ta va tsavula etikweni lerinene leri xi ri nyikeke vakokwa wa vona; xi ta va hangalasa entsungeni lowuya wa nambu wa Yufrata, hikuva va yimisile timhandze ta vona ta Axera xikwembukazi, kutani ha tona va hlundzukisile ngopfu HOSI Xikwembu.

2 TIHOSI 17:7

Leswi swi humelerile hikuva Vaisraele a va dyoherile HOSI Xikwembu xa vona. Hambileswi Xikwembu a xi va humesile etikweni ra Egipta leswaku va nga ha fumiwi hi Faro hosi ya Egipta, vona va yile emahlweni va gandzela swikwembu swimbe;

Yeremiya 32:24

Valala va le ku fumbeteleni ka misava yo khandziya ha yona erirhangwini ra muti; va le Yerusalema va le kusuhi ni ku tinyiketa eka Vakalediya lava, hikuva va hluriwa hi matlhari ni tindlala ni mintungu. Leswi u nga tshama u swi vula, swi le ku humeleleni, na wena wa swi vona.

Tinhlayo 33:56

kutani leswi a ndzi ehleketile ku swi endla eka vona, ndzi ta swi endla eka n'wina.’ ”

Duteronoma 6:15

hikuva HOSI Xikwembu xa n'wina, xona lexi tshamaka exikarhi ka n'wina, xi lava ku gandzeriwa xi ri xoxe ntsena; loko mi nga endli tano, xi ta mi hlundzukela, xi mi herisa emisaveni hi vukari bya xona.

Duteronoma 17:3

Munhu loyi, a nga va a yile a ya tirhela swikwembu swin'wana a swi gandzela, kumbe a gandzela dyambu, kumbe n'weti, kumbe tinyeleti, swi nga swilo leswi ndzi mi ariseke ku swi gandzela.

Duteronoma 28:15

“Kasi loko mi nga yingisi leswi HOSI Xikwembu xi mi byelaka swona, ni loko mi nga tikarhateli ku hanya hi swileriso ni milawu hinkwayo leyi ndzi mi lerisaka yona namuntlha, makhombo lama nga ta mi tela hi xitalo hi lawa:

Vaavanyisi 2:14

Hikokwalaho, HOSI Xikwembu xi karihela Vaisraele, kutani xi va tshika va hlaseriwa hi vaxanisi va vona, xi va nyiketa eka valala va vona lava va va rhendzeleke, va nga ha koti ku va hlula.

Vaavanyisi 2:20

Kutani HOSI Xikwembu xi karihela Vaisraele, xi ku: “Leswi vanhu lava va tshoveke ntwanano wa mina lowu ndzi wu endleke ni vatata wa vona, ni leswi va nga yingisangiki rito ra mina,

1 SAMIELE 12:25

Kambe loko mi ya emahlweni mi endla leswo biha, mi ta kukuleriwa kule, n'wina ni hosi ya n'wina.”

1 TIHOSI 9:6

Kambe loko mi ndzi fularhela, wena kumbe vana va wena, ni loko mi nga hlayisi milawu ya mina ni swileriso leswi ndzi mi nyikeke swona, kambe mi suka mi ya tirhela swikwembu swimbe, mi swi nkhinsamela,

1 TIHOSI 9:7

ndzi ta susa vanhu va Israele etikweni leri ndzi va nyikeke rona. Na yona Tempele leyi ndzi yi hlawuleke ku twarisa vito ra mina eka yona, ndzi ta yi cukumeta kule na mina; kutani vanhu va Israele va ta hundzuka xihlambanyiso ni xihlekiso exikarhi ka vamatiko hinkwavo.

Esaya 24:5

Lava akeke misaveni, va yi nyamisile, hikuva va tlurile milawu ya Xikwembu ni swiletelo swa xona, va tshova ni ntwanano wa xona lowu nga heriki.

Yeremiya 32:23

Va tekile tiko ra kona ri va ra vona, kambe va arile ku ku yingisa, va tlula ni milawu ya wena. Leswi u va leriseke ku swi endla, a va swi endlanga, hikokwalaho u va vangerile makhombo lawa hinkwawo.