Yoxuwa 23:15 - BIBELE Mahungu Lamanene

¹⁵ HOSI Xikwembu xi nga tisa swilo leswo biha eka n'wina, mi kondza mi hela etikweni leri ro saseka leri xi mi nyikeke rona, ku fana ni leswi xi endleke leswaku swilo leswi swinene hinkwaswo leswi xi mi tshembiseke swona, swi hetiseka.

Xitsonga (Bibele)

¹⁵ Kutani, kukotisa loko marito hinkwawo lamanene, lawa Yehovha a mi byeleke wona, ma endleriwile n'wina, na swona Yehovha u ta tiyisa ehenhla ka n'wina, marito hinkwawo layo biha mi ko mi hela ehenhla ka tiko lerinene leri Yehovha Xikwembu xa n'wina, a mi nyikeke rona.

Yoxuwa 23:15 Referans Kwoze

1 Vatesalonika 2:16

Va ringetile ni ku hi sivela ku dyondzisa vamatiko emahungu lawa a ma ta va ponisa, kutani hi mukhuva lowu va kurisile nandzu wa swidyoho swa vona masiku hinkwawo; kambe sweswi, eku heteleleni, vukari bya Xikwembu byi va wele henhla.

Vaavanyisi 13:1

Vaisraele va tlhela va endla leswo biha emahlweni ka HOSI Xikwembu, kutani xi va nyiketa emavokweni ya Vafilista, va va hansi ka vona ku ringana malembe ya 40.

Vaavanyisi 6:1

Vaisraele va endla leswo biha emahlweni ka HOSI Xikwembu, kutani xi va nyiketa emavokweni ya Vamidiyani ku ringana malembe ya 7.

Vaavanyisi 3:8

Hikokwalaho, HOSI Xikwembu xi va karihela, xi va nyiketa emavokweni ya Kuxani-Rixatayimi hosi ya le Mesopotamiya, kutani Vaisraele va va malandza ya yena ku ringana malembe ya 8.

Vaavanyisi 3:12

Vaisraele va tlhela va endla leswo biha emahlweni ka HOSI Xikwembu. Kutani xi nyika Egiloni hosi ya Vamowabu ematimba yo hlula Vaisraele, hikuva a va endlile leswo biha emahlweni ka xona.

1 TIHOSI 8:56

“A ku nkhensiwe HOSI leyi nyikeke vanhu va yona va Israele eku tshamiseka, hi ku ya hi switshembiso swa yona hinkwaswo; a ku na rito ni rin'we leri nga wela hansi, ra switshembiso swa yona leswinene leswi yi swi vuleke hi nomo wa Muxe nandza wa yona.

1 TIHOSI 14:15

HOSI Xikwembu xi ta ba Vaisraele: Va ta fana ni rihlanga leri tsekatsekisiwaka hi mati ya nambu; HOSI Xikwembu xi ta va tsavula etikweni lerinene leri xi ri nyikeke vakokwa wa vona; xi ta va hangalasa entsungeni lowuya wa nambu wa Yufrata, hikuva va yimisile timhandze ta vona ta Axera xikwembukazi, kutani ha tona va hlundzukisile ngopfu HOSI Xikwembu.

Esaya 24:6

Hikokwalaho, misava yi wele hi ndzhukano, lava akeke ka yona va beriwa milandzu ya vona, va fa va hela, ku to sala va nga ri vangani ntsena.

Yeremiya 32:24

Valala va le ku fumbeteleni ka misava yo khandziya ha yona erirhangwini ra muti; va le Yerusalema va le kusuhi ni ku tinyiketa eka Vakalediya lava, hikuva va hluriwa hi matlhari ni tindlala ni mintungu. Leswi u nga tshama u swi vula, swi le ku humeleleni, na wena wa swi vona.

Yeremiya 35:17

Hikokwalaho mina HOSI ya matimba hinkwawo, Xikwembu xa Israele, ndzi vurisa sweswo ndzi ri, tiko ra Yuda ni vaaki hinkwavo va muti wa Yerusalema, ndzi ta va vangela makhombo hinkwawo lawa ndzi ma vuleke, hikuva ndzi vulavurile na vona kambe a va yingisanga; ndzi va vitanile kambe a va ndzi hlamulanga.”

Levhitika 26:3

“Hlayisani milawu ya mina, mi yingisa ni swileriso swa mina, mi hanya ha swona.

Yeremiya 32:42

“Mina HOSI ndzi ri, ndzi vangerile vanhu lava emakhombo lamakulu, kambe sweswi mina hi xiviri xa mina ndzi ta va tisela minkateko hinkwayo leyi ndzi va tshembiseke yona.