Yoxuwa 23:10 - BIBELE Mahungu Lamanene

¹⁰ Wanuna un'we exikarhi ka n'wina ú kota ku hlongorisa vavanuna va madzana-dzana, hikuva HOSI Xikwembu xa n'wina hi xona xi mi lwelaka, hilaha xi tshembiseke hakona.

Xitsonga (Bibele)

¹⁰ Munhu un'we exikarhi ka n'wina u ta hlongorisa khume ra madzana ya vona; hikuva i Yehovha, Xikwembu xa n'wina, la mi lwelaka hilaha a mi byeleke hakona.

Yoxuwa 23:10 Referans Kwoze

Duteronoma 32:30

Xana munhu a nga hlongorisa vanhu va gidi a ri yexe xana? Hambi vanhu vambirhi va nga hlula vanhu va khume ra magidi ke? E-e, sweswo swi nga endleka ntsena loko HOSI Xikwembu, Ribye ra vona leri tiyeke, xi lo va tshika, xi va fularhela.

Levhitika 26:8

Vavanuna va ka n'wina va ntlhanu va nga hlongorisa valala va 100, kasi vavanuna va 100 va nga hlongorisa valala va 10 000; mi ta swi kota ku hlula valala va n'wina hi fumu.

Duteronoma 3:22

Wena u nga ma chavi, hikuva HOSI Xikwembu xa wena hi xona lexi xi nga ta ku lwela.’

Eksoda 14:14

HOSI Xikwembu, hi xona xi nga ta mi lwela, n'wina mo miyela mi ku whííí!”

Pisalema 35:1

We HOSI, hlasela lava va ndzi hlaselaka, u lwa ni lava lwaka na mina.

Duteronoma 20:4

hikuva HOSI Xikwembu xa n'wina, hi xona xi mi lwelaka; xi ta famba na n'wina, xi mi hlulela valala.’

Varhoma 8:31

Loko swi ri tano, xana hi nga ha vula yini etimhakeni teto ke? Loko Xikwembu xi yima na hina, i mani la nga lwaka na hina xana?

Pisalema 46:7

HOSI ya matimba hinkwawo yi na hina, khokholo ra hina i Xikwembu xa va ka Yakobo.

Yoxuwa 23:3

Hinkwaswo leswi HOSI Xikwembu xi swi endleke vamatiko lava hinkwavo hikwalaho ka n'wina, mi swi vonile. Hi xona HOSI Xikwembu xa n'wina lexi xi mi lweleke.

1 SAMIELE 14:6

Yonatani a byela jaha leri a ri n'wi rhwalela matlhari, a ku: “A hi tsemakanye hi ya laha makhuna lawaya ma goveke kona; kumbexana HOSI Xikwembu xi ta hi pfuna, hikuva ku hava lexi nga sivelaka HOSI Xikwembu ku hi lamulela, hambi hi tele kumbe hi nga talanga.”

Yoxuwa 10:42

Yoxuwa ú kotile ku teka matiko lawa hinkwawo ni tihosi ta wona hi nkarhi wun'we hikuva HOSI Xikwembu xa Israele a xi lwela Vaisraele.

Vaavanyisi 15:15

Kutani Samsoni a kuma rihlaya ra mbhongolo leya ha ku faka, a ri teka, a dlaya vavanuna vo ringana 1 000 ha rona.

2 SAMIELE 23:8

Mavito ya tinhenha tinharhu letikulu ta Davhida hi lawa: Yo sungula a a ri Yixibaali wa le Hakimoni, loyi a a rhangela tinhenha letin'wana timbirhi. Siku rin'wana a khoma tlhari ra yena a ya lwa ni vanhu vo ringana 800, a va dlaya xikan'we hinkwavo.

Vaavanyisi 3:31

Endzhaku ka Ehudi, ku ta Xamgari n'wana Anati, a dlaya Vafilista va 600 hi nhonga yo tontswa yo khayima swifuwo. Kutani na yena a lamulela Vaisraele.

Duteronoma 20:3

a ku: ‘N'wina Vaisraele, namuntlha mi le nyimpini, mi lwa ni valala va n'wina. Mi nga tsemeki minhlana, naswona mi nga va chavi, mi nga tshukisiwi mi rhurhumela emahlweni ka vona,

Duteronoma 28:7

“HOSI Xikwembu xi ta mi hlulela valala lava va nga ta mi pfukela: Va ta mi tela va xaxamerile, kambe va ta tlhela hi ku tsutsuma, va hangalaka va ku bàmfée!

Duteronoma 32:20

kutani xi ku: ‘Mina a ndzi nga ha vi na mhaka na vona, ndzi ta vona leswaku va ta helela kwihi, hikuva i vanhu lavo homboloka ngopfu, lava nga tshembekangiki ni kutsongo!

Yoxuwa 23:11

Mi fanele ku vona leswaku mi rhandza HOSI Xikwembu xa n'wina!

1 TIKRONIKA 5:22

va dlaya van'wana lavo tala, hikuva Xikwembu a xi yima na vona. Kutani Vaisraele va tshama ematikweni lawa ku kondza va yisiwa evukhumbini.

Esaya 30:17

Vavanuna va ka n'wina va 1 000 va ta tsutsuma hi ku chava munhu un'we ntsena, vanhu va ntlhanu exikarhi ka valala va n'wina, va ta mi hlongorisa, mi ta tsutsuma mi siya ntsena mhandze ya mujeko entshaveni, ni mfungho exintshabyanini.

Zakariya 12:8

Enkarhini wolowo, HOSI Xikwembu xi ta sirhelela vaaki va Yerusalema, leswaku lava tsaneke exikarhi ka vona va ta tiya ku fana na Davhida. Loko va ri vatukulu va Davhida, vona va ta rhangela tiko ku fana ni ntsumi ya Xikwembu, kumbe ku fana ni Xikwembu hi xiviri.

Levhitika 26:7

Mi ta kota ku hlongorisa valala va n'wina, mi va hlula hi fumu.

1 TIKRONIKA 5:20

Vaisraele a va tshemba Xikwembu; kutani hi siku ra nyimpi, va huwelela eka xona, kutani xi amukela xirilo xa vona, xi va pfuna ku hlula va ka Hagara ni vaseketeri va vona.