Yoxuwa 22:34 - BIBELE Mahungu Lamanene

³⁴ Va ka Rhuveni ni va ka Gadi va ku: “Alitari leyi, i vumbhoni exikarhi ka hina leswaku HOSI hi xona Xikwembu.”

Xitsonga (Bibele)

³⁴ Vana va Rhuveni ni vana va Gadi va thya alitari vito; hikuva va ku: “Hi yona mbhoni exikarhi ka hina leswaku Yehovha i Xikwembu.”

Yoxuwa 22:34 Referans Kwoze

Matewu 4:10

Hiloko Yesu a ku ka yena: “Suka Sathana, hikuva ku tsariwile leswi: “ ‘U ta gandzela Hosi, Xikwembu xa wena, u tirhela xona ntsena.’ ”

Yoxuwa 22:27

kambe leyi yi nga ta va vumbhoni exikarhi ka hina na n'wina, ni le xikarhi ka lava va nga ta ta endzhaku ka hina, leswaku hina ha xi tirhela HOSI Xikwembu hi ku xi humesela magandzelo ya hina lama hisiwaka, ni timhamba ni magandzelo ya xinakulobye; hikuva loko ni nga endli tano, vana va n'wina va ta byela vana va hina eminkarhini leyi taka vaku: ‘A ku na nchumu lexi xi nga xa n'wina eka HOSI Xikwembu.’

Esaya 43:10

N'wina Vaisraele, mi timbhoni ta mina, ndzi mi hlawurile ku va malandza ya mina lama nga ta pfumela ni ku twisisa leswaku hi mina Loyi-a-nga-kona. Ehandle ka mina, a ku vanga na xikwembu xin'wana, naswona ku nge pfuki ku vile na xin'wana.

1 TIHOSI 18:39

Loko vanhu va vona sweswo, va korhama hinkwavo, mimombo ya vona yi kondza yi khumba misava, kutani va huwelela va ku: “HOSI, hi xona Xikwembu! HOSI, hi xona Xikwembu!”

Yoxuwa 24:27

Yoxuwa a byela Vaisraele hinkwavo a ku: “Vonani, ribye leri ri ta va mbhoni ya hina, hikuva marito hinkwawo ya HOSI Xikwembu lawa xi hi byeleke wona, ri ma twile. Loko mo sungula ku xisa Xikwembu xa n'wina, ribye leri ri ta va mbhoni leyi yi nga ta mi kaneta.”

Genesa 31:47

Kutani Labani a thya nhulu leyi vito ra Yegara-Sahaduta, kasi Yakobo yena a yi thya vito ra Galede.

Genesa 31:48

Labani a ku: “Nhulu leyi, i xitsundzuxo exikarhi ka mina na wena.” Hikokwalaho yi thyiwa vito ra Galede (hileswaku: “Nhulu ya xitsundzuxo”).

Esaya 19:19

Enkarhini wolowo, ku ta va ni alitari ya HOSI Xikwembu exikarhi ka tiko ra Egipta, ni ribye ra xona ra xitsundzuxo endzilekaneni wa kona.