Yoxuwa 22:25 - BIBELE Mahungu Lamanene

²⁵ HOSI Xikwembu xi vekile nambu wa Yordani wu va wona ndzilekana exikarhi ka hina na n'wina va ka Rhuveni ni va ka Gadi, kutani a ku na nchumu lexi xi nga xa n'wina eka HOSI Xikwembu.’ Hi ndlela leyi, vana wa n'wina va ta endla leswaku lava va ka hina va tshika ku gandzela HOSI Xikwembu.

Xitsonga (Bibele)

²⁵ Hikuva exikarhi ka hina na n'wina, vana va Rhuveni ni vana va Gadi, Yehovha u vekile ndzilakana, a ri Yordani: a mi na ku averiwa na Yehovha!’ Hi mukhuva wolowo vana va n'wina va ta sivela vana va hina ku chava Yehovha.

Yoxuwa 22:25 Referans Kwoze

Timhaka 8:21

Ntirho lowu a hi wa wena, a wu ngheni eka wona, hikuva mbilu ya wena a yi lulamanga emahlweni ka Xikwembu.

Nehemiya 2:20

Mina ndzi va hlamurile ndzi ku: “Xikwembu xa matilo, xi ta endla leswaku hi humelela entirhweni wa hina. Hina, hi malandza ya xona, kutani ntirho wo aka, hi ta wu sungula. Loko mi ri n'wina, a mi na nchumu laha Yerusalema, naswona a mi na fanelo ya ku va laha, ni ndzhaka mi hava.”

1 TIHOSI 15:30

Swi vangiwile hi swidyoho leswi Yerobuwamu a swi endleke, ni leswi a dyohiseke Vaisraele ha swona, hikuva ha swona a a hlundzukisile ngopfu HOSI Xikwembu xa Israele.

1 TIHOSI 14:16

Xona xi ta fularhela Vaisraele hikwalaho ka swidyoho leswi Yerobuwamu a swi endleke, ni leswi a kuceteleke Vaisraele ku swi endla.”

1 TIHOSI 12:16

Loko Vaisraele hinkwavo va vona leswaku hosi Rhobuwamu a nga lavi ku va yingisa, va n'wi hlamula va ku: “I ncini xi nga xa hina erixakeni ra Davhida? Ku hava ndzhaka ya hina endyangwini wa n'wana Yese. Tlhelelani emakaya, vavanuna va Israele! Sala u langutela swa ndyangu wa wena, we Davhida.” Kutani Vaisraele va tlhelela emakaya.

2 SAMIELE 20:1

A ku ri ni munhu wa ka Benjamini loyi a a nga pfuni nchumu, loyi a va ku i Xeba n'wana Bikri; o tshuka a humelela le Giligala, a chaya nanga, a ku: “Erixakeni ra Davhida, ku hava lexi nga xa hina. A hi na ndzhaka erixakeni ra n'wana Yese. Tlhelelani emakaya n'wina hinkwenu, vavanuna va Israele!”

1 SAMIELE 26:19

Hikokwalaho, wena hosi n'wini wanga, ndzi kombela leswaku u yingisa marito ya mina nandza wa wena: Loko ku ri leswaku i HOSI Xikwembu lexi ku susumeteke ku lwa na mina, hiswona, ndzi ta xi humesela gandzelo ra risuna ra ku tisola. Kambe loko u kuceteriwile hi vanhu, vona va tivangela khombo emahlweni ka HOSI Xikwembu, hikuva namuntlha va ndzi hlongorile, va ndzi sivela ku titwa ndzi ri un'wana wa vaaki va tiko ra HOSI Xikwembu, va ku ka mina: ‘Famba u ya tirhela swikwembu swimbe.’

Yoxuwa 22:27

kambe leyi yi nga ta va vumbhoni exikarhi ka hina na n'wina, ni le xikarhi ka lava va nga ta ta endzhaku ka hina, leswaku hina ha xi tirhela HOSI Xikwembu hi ku xi humesela magandzelo ya hina lama hisiwaka, ni timhamba ni magandzelo ya xinakulobye; hikuva loko ni nga endli tano, vana va n'wina va ta byela vana va hina eminkarhini leyi taka vaku: ‘A ku na nchumu lexi xi nga xa n'wina eka HOSI Xikwembu.’

Yoxuwa 22:24

Kambe hina hi akile hi ku chava leswaku eminkarhini leyi taka, vana va n'wina va ta byela vana va hina va ku: ‘Xana mi tiva yini hi HOSI Xikwembu xa Israele xana?

Yoxuwa 22:26

Hikwalaho ka leswi, hi te ha ha aka alitari, kambe yi nga ri yo humesela eka yona magandzelo lama hisiwaka kumbe timhamba,

Pisalema 16:5

We HOSI, hi wena ndzhaka leyi ndzi averiweke yona, hi wena u ndzi timulaka torha; vutomi bya mina byi fumbarheriwile hi wena.