Yoxuwa 22:18 - BIBELE Mahungu Lamanene

¹⁸ leswi namuntlha mi tshikaka ku landza HOSI Xikwembu? Loko namuntlha mi fularhela HOSI Xikwembu, mundzuku xi ta hlundzukela ntshungu hinkwawo wa Vaisraele.

Xitsonga (Bibele)

¹⁸ Kambe n'wina mi fularhela Yehovha namuntlha! Kungakuloko mi pfukela Yehovha namuntlha, mundzuku u ta karihela nhlengeletano hinkwayo ya Israele.

Yoxuwa 22:18 Referans Kwoze

Tinhlayo 16:22

Kutani va wela hansi hi mimombo, va ku: “Oho Xikwembu, wena Xikwembu xa swilo hinkwaswo leswi hanyaka, xana u nga hlundzukela ntlawa lowu hinkwawo hikwalaho ka ku dyoha ka munhu un'we xana?”

Yoxuwa 22:16

“Ntshungu hinkwawo wa HOSI Xikwembu wu vula sweswo wu ri: ‘Xana i mhaka muni leyi mi yi endleke namuntlha, leswi mi tshikeke ku tshembeka eka HOSI Xikwembu xa Israele, mi tshika ni ku xi landza, mi tlhela mi xi fularhela hi ku ya tiakela alitari xana?

2 TIKRONIKA 34:33

Kutani Yosiyasi a herisa swilo hinkwaswo swa manyala leswi a swi ri etikweni hinkwaro ra Israele, a lerisa vaaki hinkwavo va tiko ku gandzela HOSI Xikwembu xa vona. Loko Yosiyasi a ha hanya, Vaisraele a va tshikanga ku famba etindleleni ta HOSI, Xikwembu xa vakokwa wa vona.

2 TIKRONIKA 25:27

Himpfhuka xa loko Amasiya a a fularhele HOSI Xikwembu, vanhu van'wana eYerusalema a va tshamela ku endla makungu ya ku n'wi dlaya, kutani siku rin'wana Amasiya a ya tumbela emutini wa Lakixi; kambe va rhuma van'wana va ya n'wi dlayela kwale Lakixi.

1 TIKRONIKA 21:14

Kutani HOSI Xikwembu xi rhumela ntungu etikweni ra Israele, ku fa vavanuna va 70 000.

1 TIKRONIKA 21:1

Sathana a pfilunganya makungu ya Vaisraele, kutani a kucetela Davhida ku hlaya ntsengo wa vona.

2 TIHOSI 17:21

Loko HOSI Xikwembu xi hambanisile Vaisraele va le Samariya ni rixaka ra Davhida eYerusalema, vona va vekile Yerobuwamu n'wana Nebati leswaku a va hosi ya vona, kutani Yerobuwamu a va hambukisela kule ni HOSI Xikwembu, a va kucetela ku endla swidyoho leswikulu.

1 TIHOSI 9:6

Kambe loko mi ndzi fularhela, wena kumbe vana va wena, ni loko mi nga hlayisi milawu ya mina ni swileriso leswi ndzi mi nyikeke swona, kambe mi suka mi ya tirhela swikwembu swimbe, mi swi nkhinsamela,

2 SAMIELE 24:1

Hosi Xikwembu xi tlhela xi hlundzukela Vaisraele, kutani xi kucetela Davhida ku endla leswi nga ta va khunguvanyisa, xi ku ka yena: “Famba u hlaya vanhu va Israele ni va le Yuda.”

1 SAMIELE 12:20

Samiele a hlamula Vaisraele a ku: “Hambileswi mi endleke xidyoho lexikulu lexi, mi nga chaveni! Ntsena mi nga fularheli HOSI Xikwembu, kambe mi xi tirhela hi timbilu ta n'wina hinkwato.

1 SAMIELE 12:14

Loko mi chava HOSI Xikwembu, ni loko mi xi tirhela, ni loko mi yingisa rito ra xona, mi nga fularheli ku lerisa ka xona, ni loko sweswi n'wina ni hosi leyi yi mi fumaka mi landza HOSI Xikwembu, hikwaswo swi ta mi fambela swinene.

Yoxuwa 22:20

Xana vukari bya HOSI Xikwembu a byi welanga ntshungu hinkwawo wa Vaisraele, loko Akani a tlurile xileriso hi tlhelo ra swilo leswi swi nyiketiweke leswaku swi herisiwa xana? Akani a nga fanga a ri yexe hi mhaka ya nandzu wa yena.’ ”

Yoxuwa 7:21

Exikarhi ka swilo leswi a hi swi phanghile, ndzi vonile xiambalo xo saseka lexi humaka eXinara, ni silivhere yo tika 2,4 kg, ni gadi ra nsuku ro tika 600 g, kutani ndzi swi navela, hiloko ndzi swi teka; sweswi swilo leswi ndzi swi celerile entsongeni wa mina, ehansi ka swona ndzi rhangisile silivhere.”

Yoxuwa 7:11

Vaisraele va dyohile; va tshovile ntwanano wa mina lowu ndzi va leriseke wona; va pamburile swilo swin'wana eka leswi swi nyiketiweke leswaku swi herisiwa; va yivile va tlhela va hemba; swilo leswi va swi vekile exikarhi ka tinhundzu ta vona.

Yoxuwa 7:1

Vaisraele va tlurile nawu hi tlhelo ra swilo leswi nyiketiweke leswaku swi herisiwa, hikuva Akani n'wana Karimi wa Zabidi wa Zera, wa nyimba ya ka Yuda, ú pamburile swilo swin'wana leswi nyiketiweke leswaku swi herisiwa. Hikwalaho ka swona, HOSI Xikwembu xi hlundzukela Vaisraele.

Duteronoma 7:4

hikuva vavasati lava va nga hambukisa vana va n'wina va majaha, kutani va nga ha ndzi yingisi, va tirhela swikwembu swin'wana. Loko vo endla sweswo va ta hlundzukisa HOSI Xikwembu xa n'wina, xi hatla xi mi herisela makumu.

Levhitika 10:6

Kutani Muxe a byela Aroni ni vana va yena Eliyazara na Itamara, a ku: “Mi nga tshuki mi rila nkosi lowu; mi nga tshiki misisi ya n'wina yi hangalaka, kumbe ku handzulela swiambalo swa n'wina. Loko mo endla sweswo, mi ta fa, mi tlhela mi endla leswaku HOSI Xikwembu xi hlundzukela ntshungu hinkwawo. Loko va ri Vaisraele lavan'wana, vona va nga rila nkosi wa lava dlayiweke hi ndzilo lowu humaka eka HOSI Xikwembu.

Tinhlayo 32:15

Loko sweswi n'wina mi tshika ku landza HOSI Xikwembu, na xona xi ta tlhela xi tshika vanhu lava emananga kutani hi n'wina mi nga ta va mi va dlayisile.”

Yoxuwa 22:15

Kutani va ya fika etikweni ra Giliyadi eka va ka Rhuveni ni va ka Gadi ni hafu ya nyimba ya va ka Manase va ku ka vona: