Yoxuwa 22:11 - BIBELE Mahungu Lamanene

¹¹ Kutani Vaisraele va twa van'wana va ku: “Vonani, va ka Rhuveni ni va ka Gadi ni hafu ya nyimba ya va ka Manase va akile alitari kwala tikweni ra Kanana, exifundzheni lexi xi nga kusuhi ni nambu wa Yordani, endhawini leyi nga ya n'wina Vaisraele.”

Xitsonga (Bibele)

¹¹ Kavaloko vana va Israele va twa leswaku va ku: “Maswivo! Vana va Rhuveni ni vana va Gadi, ni va hafu ya nyimba ya Manase va akile alitari leyi langutaneke ni tiko ra Kanana, eribuwini ra Yordani, hitlhelo ra vana va Israele.”

Yoxuwa 22:11 Referans Kwoze

Yohane 1:28

Timhaka teto ti humelele eBetaniya, entsungeni wa Yordani, laha Yohane a a khuvulela kona.

Yoxuwa 2:7

Kutani varhumiwa va sungula ku landza vavanuna va Israele hi ndlela leyi kongomaka enambyeni wa Yordani, va famba va kondza va ya fika ehlalukweni; kuteloko va ha ku huma va landza vavanuna va Israele, nyangwa yi pfariwa.

Yohane 20:12

a vona tintsumi timbirhi leti ambaleke swo basa, ti tshamile, yin'wana hi le tinhlokweni, yin'wana hi le milengeni, laha ntsumbu wa Yesu a wu latiwile kona.

Yohane 20:1

Nimpundzu wa siku ra Sonto, loko ka ha phumile, Mariya wa Magadala a ya esirheni, kutani a ya kuma leswaku ribye ri susiwile enon'weni wa sirha.

Vaavanyisi 12:5

Kutani va le Giliyadi va teka mahlaluko ya Yordani, va sivela va ka Efrayimi ku hundza. Loko munhu un'wana wa ka Efrayimi loyi a balekelaka nyimpi a fika a ku: “Ndzi kombela ku hundza”, vavanuna va le Giliyadi a va n'wi vutisa va ku: “U wa ka Efrayimi xana?” Loko a hlamula a ku: “E-e”,

Yoxuwa 22:10

Loko va ka Rhuveni ni va ka Gadi ni hafu ya nyimba ya va ka Manase va fika exifundzheni lexi xi nga kusuhi ni nambu wa Yordani, etikweni ra Kanana, va akile alitari leyikulu swinene kwala kusuhi ni nambu.

Yoxuwa 22:16

“Ntshungu hinkwawo wa HOSI Xikwembu wu vula sweswo wu ri: ‘Xana i mhaka muni leyi mi yi endleke namuntlha, leswi mi tshikeke ku tshembeka eka HOSI Xikwembu xa Israele, mi tshika ni ku xi landza, mi tlhela mi xi fularhela hi ku ya tiakela alitari xana?

Yoxuwa 22:19

Loko mi vona leswaku tiko ra n'wina ri nyamile, tsemakanyelani etikweni ra HOSI Xikwembu, laha ku nga ni Ntsonga wa xona, mi fika mi tilavela tindhawu ta n'wina exikarhi ka hina; ntsena mi nga tshuki mi fularhela HOSI Xikwembu kumbe mi endla leswaku na hina hi xi fularhela, hi ku tiakela alitari ya n'wina ehandle ka alitari ya HOSI Xikwembu xa hina.

Duteronoma 12:11

Hikokwalaho, mi fanele ku ya endhawini leyi HOSI Xikwembu xi nga ta yi hlawula leswaku vito ra xona ri gandzeriwa eka yona, mi yisa swilo hinkwaswo leswi ndzi nga ta mi lerisa swona, swi nga leswi: Magandzelo ya n'wina lama hisiwaka ni lama dyiwaka, ni vukhume bya n'wina, ni mihlengo ya n'wina, ni tinyiko hinkwato leti mi tiboheke ku ti humesela HOSI Xikwembu.