Yoxuwa 22:10 - BIBELE Mahungu Lamanene

¹⁰ Loko va ka Rhuveni ni va ka Gadi ni hafu ya nyimba ya va ka Manase va fika exifundzheni lexi xi nga kusuhi ni nambu wa Yordani, etikweni ra Kanana, va akile alitari leyikulu swinene kwala kusuhi ni nambu.

Xitsonga (Bibele)

¹⁰ Va fika eribuwini ra Yordani leri nga endzilakaneni wa tiko ra Kanana, kutani vana va Rhuveni, ni vana va Gadi, ni va hafu ya nyimba ya Manase, va aka alitari eribuwini ra Yordani, yi nga alitari leyikulu swinene.

Yoxuwa 22:10 Referans Kwoze

Genesa 28:18

Kutani Yakobo a pfuka nimpundzu swinene, a teka ribye leri a a ri khegerile, a ri yimisa leswaku ri ta va xitsundzuxo, a chela mafurha ehenhla ka rona.

Yoxuwa 22:9

Kutani va ka Rhuveni ni va ka Gadi ni hafu ya va ka Manase va hambana ni Vaisraele emutini wa Xilo etikweni ra Kanana, va tlhelela emakaya etikweni ra Giliyadi, ri nga tiko leri va ri tekeke ri va ra vona, hilaha HOSI Xikwembu xi leriseke hakona.

Yoxuwa 22:11

Kutani Vaisraele va twa van'wana va ku: “Vonani, va ka Rhuveni ni va ka Gadi ni hafu ya nyimba ya va ka Manase va akile alitari kwala tikweni ra Kanana, exifundzheni lexi xi nga kusuhi ni nambu wa Yordani, endhawini leyi nga ya n'wina Vaisraele.”

Esaya 19:19

Enkarhini wolowo, ku ta va ni alitari ya HOSI Xikwembu exikarhi ka tiko ra Egipta, ni ribye ra xona ra xitsundzuxo endzilekaneni wa kona.

Genesa 12:7

Kutani HOSI Xikwembu xi humelela eka Abrama xi ku ka yena: “Tiko leri, ndzi ta ri nyika vatukulu va wena.” Hiloko Abrama a aka alitari, a akela HOSI Xikwembu lexi humeleleke eka yena.

Genesa 12:8

Kutani Abrama a suka kwalaho a ya entshaveni leyi yi nga vuxeni bya muti wa Betele, a fika a dzima ntsonga kona. Hi tlhelo ra vupeladyambu a ku ri ni muti wa Betele, kasi evuxeni a ku ri ni muti wa Ayi. Kutani Abrama a akela HOSI Xikwembu alitari, a xi gandzela kona.