Yoxuwa 21:3 - BIBELE Mahungu Lamanene

³ Kutani Vaisraele va endla hilaha HOSI Xikwembu xi leriseke hakona: Va teka miti leyi ni madyelo ya yona ya swifuwo emigangeni ya vona, va nyika Valevhi.

Xitsonga (Bibele)

³ Kavaloko vana va Israele va nyika Valevhi hi ku lerisa ka Yehovha, miti leyi ni matikwana ya yona, va ma pambula endzhakeni ya vona.

Yoxuwa 21:3 Referans Kwoze

Genesa 49:7

A va rhukaniwe, hikuva va leva, va pfurha, xifafa xa vona xi va endlisa nsele. Ndzi ta va hambanyisa emitini ya Yakobo, ndzi ta va hangalasa etikweni ra Israele.

Yoxuwa 21:2

emutini wa Xilo etikweni ra Kanana, va fika va ku ka vona: “HOSI Xikwembu xi lerisile leswaku hina hi nyikiwa miti yo tshama eka yona, ni madyelo ya yona ya swifuwo.”

Yoxuwa 21:4

Kutani ku huma xiphemu xa mindyangu ya va ka Kohata: Valevhi lava va nga vatukulu va muprista Aroni va kumile miti ya 13, yi huma eka nyimba ya ka Yuda, ni ya ka Simiyoni, ni ya ka Benjamini.

Tinhlayo 35:7

Miti hinkwayo leyi mi nga ta yi nyika Valevhi yi ta va 48, yi va ni madyelo ya yona.

Yoxuwa 21:41

Miti hinkwayo leyi Valevhi va nyikiweke yona emigangeni ya Vaisraele, i 48. Hinkwayo a yi rhendzeriwa hi madyelo ya yona ya swifuwo.