Yoxuwa 20:9 - BIBELE Mahungu Lamanene

⁹ Miti leyi, a yi hlawuleriwa Vaisraele hinkwavo, ni lava va luveleke exikarhi ka vona, leswaku munhu un'wana ni un'wana loyi a dlayaka un'wana, kambe ku nga ri havomu, a ta tsutsuma a ya tumbela eka yona, leswaku a ta ka a nga dlayiwi hi murihiseli a kondza a ya avanyisiwa hi ntshungu.

Xitsonga (Bibele)

⁹ Hi yona miti leyi vekeriweke vana va Israele hinkwavo, ni muluveri la luvelaka exikarhi ka vona, leswaku un'wana ni un'wana la dlayeke munhu, ku nga ri ha vomu, a tiva ku balekela kona. A nga tshuki a dlawa hi voko ra murihiseri wa ngati, a nga si humelela emahlweni ka nhlengeletano.

Yoxuwa 20:9 Referans Kwoze

Tinhlayo 35:15

Miti leyi ya 6 yi ta va vutumbelo bya n'wina ni vaendzi va n'wina ni lava luveleke exikarhi ka n'wina; munhu un'wana ni un'wana loyi a dlayaka un'wana, kambe ku nga ri ha vomu, ú ta tsutsuma a ya tumbela emitini ya kona.

Yoxuwa 20:6

Mudlayi ú ta tshama emutini wolowo ku kondza ku fika siku leri a nga ta ya yima emahlweni ka ntshungu a avanyisiwa. Loko munhu loyi a nga muprista lonkulu enkarhini wolowo a lova, mudlayi a nga ha tlhelela eka rikwavo, endyangwini wa yena, emutini lowu a nga suka eka wona.”

Yoxuwa 20:4

Mudlayi ú ta tsutsumela eka wun'wana wa miti leyi, a fika a yima enyangweni, a hlamusela mhaka ya yena eka vakulukumba; kutani va ta n'wi nghenisa emutini, va n'wi komba ndhawu ya yena leswaku a ta tshama na vona.

Tinhlayo 35:13

Kutani miti leyi ya 6 leyi mi nga ta yi nyika Valevhi, yi ta va miti ya n'wina yo ya tumbela eka yona.

Yoxuwa 20:8

Entsungeni wa nambu wa Yordani, evuxeni bya Yeriko, va hlawula muti wa Beseri lowu wu nga emananga erivaleni, wu nga muti wa nyimba ya ka Rhuveni, ni muti wa Ramoto lowu wu nga eGiliyadi, wu nga wa nyimba ya ka Gadi, ni muti wa Golani lowu wu nga eBaxani, wu nga wa nyimba ya ka Manase.