Yoxuwa 2:5 - BIBELE Mahungu Lamanene

⁵ Kuteloko ri pela, nkarhi lowu nyangwa a yi lava ku pfariwa, va sukile va famba; lomu va nga ya kona, mina a ndzi ku tivi, va landzeni hi ku hatlisa, ndza tshemba leswaku mi ta va kuma.”

Xitsonga (Bibele)

⁵ kutani loko va lava ku pfala nyangwa ya muti byi ri vusikwanyana, vanhu lava va humile; a ndzi tivi laha va yeke kona; hatlisani ku va landza, hikuva mi nga va kuma.”

Yoxuwa 2:5 Referans Kwoze

Nhlavutelo 21:25

Ninhlekanhi, tinyangwa ta wona a ti nga pfariwi, naswona vusiku a byi nga vi kona eka wona.

Ezekiele 47:12

Emagangeni hinkwawo ya nambu hala ni hala, ku ta mila mirhi ya mihandzu yo hambana-hambana, yi va swakudya swa vanhu. Matluka ya mirhi ya kona a ma nga dzudzeki, ni mihandzu ya yona a yi nga kayiveli. N'hweti yin'wana ni yin'wana ku ta vupfa mihandzu leyintshwa, hikuva mati ya nambu lowu ma ta tshama ma ri karhi ma khuluka ma huma eTempeleni. Mihandzu ya kona yi ta va swakudya swa vanhu, matluka ya kona ma ta va murhi wo tshungula lava vabyaka.”

Yeremiya 50:20

Loko minkarhi leyi yi ta va yi fikile, vanhu va nge koti ku kuma nandzu kumbe xihoxo exikarhi ka Vaisraele ni va ka Yuda, hambiloko va ringeta swinene; ku ta va ku ri hava, hikuva ndzi ta va ndzi tsetselerile masalela ya vona, ndzi va rivalela swidyoho swa vona.”

Esaya 60:11

Tinyangwa ta wena a ti nga ha pfariwi, ti ta tshama ti pfuriwile vusiku ni nhlekanhi, hikuva vanhu va ta ku tisela xuma xa matiko ya vona, tihosi ta vona ti ta va rhangela emahlweni.

Nehemiya 13:19

Hikokwalaho, ndzi lerisa leswaku loko Savata yi nga si sungula, enkarhini lowu dyambu ri yaka eku peleni, tinyangwa ta muti wa Yerusalema ti fanele ku pfariwa, ti tshamisa sweswo ku kondza Savata yi hundza. Kutani ndzi veka malandza ya mina ya rindza etinyangweni leswaku ku nga vi na nhundzu leyi nghenisiwaka emutini wa Yerusalema hi siku ra Savata.

Yoxuwa 2:7

Kutani varhumiwa va sungula ku landza vavanuna va Israele hi ndlela leyi kongomaka enambyeni wa Yordani, va famba va kondza va ya fika ehlalukweni; kuteloko va ha ku huma va landza vavanuna va Israele, nyangwa yi pfariwa.

Yoxuwa 2:4

Kambe Rahava a a tekile vavanuna lava vambirhi a ya va tumbeta; kutani a hlamula a ku: “Kunene hi swona, vavanuna vona a va tile laha ka mina, kambe lomu a va huma kona a ndzi ku tivi.

Yoxuwa 2:6

Kambe Rahava a a khandziyisile vavanuna lava elwangwini ra yindlu a ya va funengeta hi ntsembyani lowu a a wu fumbile kwale henhla ka lwangu.

1 SAMIELE 19:14

Loko Sawulo a rhumela vanhu ku ya khoma Davhida, Mikala a ku ka vona: “Wa vabya!”