Yoxuwa 2:4 - BIBELE Mahungu Lamanene

⁴ Kambe Rahava a a tekile vavanuna lava vambirhi a ya va tumbeta; kutani a hlamula a ku: “Kunene hi swona, vavanuna vona a va tile laha ka mina, kambe lomu a va huma kona a ndzi ku tivi.

Xitsonga (Bibele)

⁴ Kavaloko loyi a teka vavanuna lavambirhi a va fihla, kutani a ku: “Kunene vavanuna va tile eka mina kambe a ndzi va tivi laha va pfaka kona;

Yoxuwa 2:4 Referans Kwoze

2 TIHOSI 6:19

Kavaloko Elixa a ku ka vona: “Mi lahlekile, a hi yona ndlela, ni muti a hi wona; ndzi landzeni, ndzi ta mi yisa eka munhu loyi mi n'wi lavaka.” Kutani a va yisa eSamariya.

Eksoda 1:19

Vona va hlamula Faro, va ku: “Vavasati va Vaheveru va tiyile, a va fani ni vavasati va Vaegipta! Loko lava va tisungukati va nga si fika eka vona, va va kuma va tintshunxile!”

Yakobo 2:25

Hi ndlela yoleyo, xana Rahava lowa nghwavava, loyi a rhurheleke tinhlori ni ku komba vavanuna volavo endlela yo baleka ha yona, a nga endliwanga la lulameke hi mhaka ya mintirho xana?

Yoxuwa 2:3

Kutani hosi ya muti wa Yeriko yi rhuma vanhu eka Rahava va fika va ku ka yena: “Humesa vavanuna lava nga fika va nghena laha ndlwini ya wena, hikuva va tele ku ta valanga tiko hinkwaro.”

Yoxuwa 2:5

Kuteloko ri pela, nkarhi lowu nyangwa a yi lava ku pfariwa, va sukile va famba; lomu va nga ya kona, mina a ndzi ku tivi, va landzeni hi ku hatlisa, ndza tshemba leswaku mi ta va kuma.”

Yoxuwa 6:17

Muti lowu ni swilo hinkwaswo leswi nga ka wona swi ta nyiketiwa eka HOSI Xikwembu leswaku xi swi herisa; ku ta pona ntsena Rahava loyi wa nghwavava ni hinkwavo lava a nga na vona endlwini ya yena, hikuva yena ú tumbetile vanhu lava a hi va rhumile.

Yoxuwa 6:25

Loko a ri Rahava lowa nghwavava ni ndyangu wa ka vona, ni va ka vona hinkwavo, Yoxuwa ú ponisile vutomi bya vona, kutani ku fikela ni namuntlha Rahava wa ha tshama etikweni ra Israele hi mhaka ya leswi a tumbeteke vanhu lava Yoxuwa a a va rhumile ku ya valanga muti wa Yeriko.