Yoxuwa 2:2 - BIBELE Mahungu Lamanene

² Van'wana va ya byela hosi ya muti wa Yeriko va ku ka yona: “Hi ku tivisa leswaku vusiku bya namuntlha ku fikile vavanuna van'wana va Vaisraele ku ta valanga tiko.”

Xitsonga (Bibele)

² Hosi ya Yeriko yi byeriwa mhaka leyi, va ku: “Waswivo, vavanuna va vana va Israele va tile halenu nivusiku ku kamba tiko.”

Yoxuwa 2:2 Referans Kwoze

Daniele 4:35

Vanhu hinkwavo va misava a hi nchumu emahlweni ka yena, lava akeke emisaveni, ni swivumbiwa hinkwaswo swa le tilweni, swi fumiwa hi yena. Ku hava loyi a nga n'wi sivelaka, kumbe loyi a nga n'wi vutisaka a ku: ‘U endla yini xana?’

Esaya 43:13

Xikwembu hi mina ntsena, ndzi ta va xona minkarhi hinkwayo; loko ndzi khoma xilo, a ku na la nga xi vutlaka, ni loko ndzi tirha, a ndzi kavanyetiwi hi munhu.”

Swivuriso 21:30

Munhu, hambi a lo tlharihisa ku yini kumbe a twisisa ngopfu, a kuma ni switsundzuxo, a nge koti ku lwa na HOSI Xikwembu.

Pisalema 127:1

Loko yindlu yi nga akiwi hi HOSI, ntirho wa vaaki a wu pfuni nchumu. Loko muti wu nga rindziwi hi HOSI, valanguteri va rindzela mahala.

Yoxuwa 2:1

Loko va ri eXitimi, Yoxuwa n'wana Nuni a rhuma vavanuna vambirhi leswaku va nyengeleta va ya valanga tiko ra Kanana, a ku ka vona: “Fambani mi ya xiyaxiya tiko, kambe mi xiya ngopfu muti wa Yeriko.” Kutani vavanuna lava va suka va famba, va ya fika endyangwini wa wansati wa nghwavava loyi a va ku i Rahava kutani va xwa kona.

Yoxuwa 2:3

Kutani hosi ya muti wa Yeriko yi rhuma vanhu eka Rahava va fika va ku ka yena: “Humesa vavanuna lava nga fika va nghena laha ndlwini ya wena, hikuva va tele ku ta valanga tiko hinkwaro.”

Vaavanyisi 18:2

Kutani va ka Dani va hlawula vavanuna vo tiya va ntlhanu va huma emindyangwini hinkwayo ya nyimba ya ka vona, va va rhuma va suka eSora ni le Exitawulu, leswaku va ya valanga ni ku xiyaxiya tiko, va ku ka vona: “Fambani mi ya xiyaxiya tiko.” Kavaloko vavanuna lava va famba va ya humelela hi le mutini wa Mika emagangeni ya Efrayimi, va fika va xwa kona.