Biblia Todo Logo
Bib sou entènèt

- Piblisite -




Yoxuwa 2:14 - BIBELE Mahungu Lamanene

14 Kutani vavanuna va ku ka yena: “Swi nga antswa ku fa hina! Loko mo ka mi nga byeli munhu leswi hi teleke swona, hi ta mi tsetselela, hi va lava tshembekeke eka n'wina, loko HOSI Xikwembu xi hi nyika tiko leri.”

Gade chapit la Kopi

Xitsonga (Bibele)

14 Vavanuna lava va ku eka yena: “Vutomi bya hina ematshan'weni ya n'wina ku fa loko mi nga byeli munhu timhaka ta hina kutakuloko Yehovha a hi nyikile tiko, hi ta mi tsetselela ni ku mi endlela leswinene.”

Gade chapit la Kopi




Yoxuwa 2:14
18 Referans Kwoze  

Ku katekile lava nga ni tintswalo, hikuva va ta kombiwa tintswalo.


Vanhu vo tala va nga tiendla vanghana va wena, kambe exikarhi ka vona, i un'we ntsena loyi a ku rhandzaka kukota makwenu.


Kutani sweswi, ndzi kombela leswaku mi ndzi byela loko mi tsakela n'wini wanga ni loko mi ta kota ku n'wi pfuna; naswona loko mi nga swi koti ndzi byeleni, ndzi ta tiva leswaku ndzi fanele ku endla yini.”


Loko hosi Akabu a hundza hi kwalaho, muprofeta a n'wi huwelela, a ku: “We hosi! Mina nandza wa wena a ndzi ri exivindzini xa nyimpi, kutani yin'wana ya tinhenha ta ka hina yo tshuka yi fularhele nyimpi, kutani yi tisa mubohiwa, yi ku ka mina: ‘Ndzi hlayisele munhu loyi. Loko o tshuka a tsutsuma, u ta dlawa ematshan'wini ya yena, kumbe u ta riha hi mali ya tisilivhere ta 3 600.’


Siku rin'wana, Davhida a ku: “Xana ú kona munhu wa rixaka ra Sawulo loyi a ha hanyaka xana? Ndzi lava ku n'wi komba tintswalo, hikwalaho ka Yonatani.”


Hikokwalaho, tikombe u ri la tshembekaka eka mina nandza wa wena; xinakulobye lexi u nga xi endla na mina nandza wa wena, u xi endlile emahlweni ka HOSI Xikwembu. Kambe loko ndzi ri ni nandzu, u nga kali u ndzi yisa eka tata wa wena, ndzi dlaye hi wexe!”


Loko a ri Rahava lowa nghwavava ni ndyangu wa ka vona, ni va ka vona hinkwavo, Yoxuwa ú ponisile vutomi bya vona, kutani ku fikela ni namuntlha Rahava wa ha tshama etikweni ra Israele hi mhaka ya leswi a tumbeteke vanhu lava Yoxuwa a a va rhumile ku ya valanga muti wa Yeriko.


Muti lowu ni swilo hinkwaswo leswi nga ka wona swi ta nyiketiwa eka HOSI Xikwembu leswaku xi swi herisa; ku ta pona ntsena Rahava loyi wa nghwavava ni hinkwavo lava a nga na vona endlwini ya yena, hikuva yena ú tumbetile vanhu lava a hi va rhumile.


Ndzi tshembiseni leswaku mi ta ponisa tata wa mina ni mana wa mina, ni vamakwerhu va xinuna ni va xisati, ni va mindyangu ya vona hinkwavo; hi poniseni leswaku hi nga dlayiwi.”


Yindlu leyi Rahava a a tshama eka yona a yi akiwile yi khomana ni rirhangu. Kutani Rahava a humesa vavanuna lava va tinhlori hi ku va nembeleta hi le fasitereni hi ngoti.


Loko nkarhi wa yena wa ku hundza emisaveni wu ri kusuhi, Yakobo a vitana n'wana wa yena Yosefa, a ku ka yena: “Loko u ndzi tsakela hakunene, ndzi kombela leswaku u vekela voko ra wena exikarhi ka milenge ya mina, u tiboha leswaku u ta va munhu wo tshembeka, wa ntiyiso, eka mina: U nga tshuki u ndzi lahla laha tikweni ra Egipta,


Kutani Yoxuwa a byela vavanuna vambirhi lava va nga ya va ya valanga tiko a ku ka vona: “Yanani endlwini ya wansati lowa nghwavava, mi fika mi n'wi humesa ni va ka vona hinkwavo hilaha mi nga n'wi tshembisa hakona hi ku hlambanya.”


Hiloko Davhida a rhuma vanhu va ya eka va le Yabexe-Giliyadi ni marungulo lama nge: “Ingi HOSI Xikwembu xi nga mi katekisa, hikuva ku tshembeka ka n'wina eka Sawulo n'wini wa n'wina ku tikombile hi leswi mi nga n'wi lahla.


HOSI Xikwembu a xi mi kombise tintswalo ta xona leto tshembeka, leto tiya; kutani na mina ndzi ta khomana na n'wina hi moya lowunene, hikwalaho ka mhaka leyi mi yi endleke.


Lava lukaka mano layo biha, va endla xihoxo; lava nga ni makungu lamanene, vanhu va va tsakela ni ku va tshemba.


Kavaloko ndhuna ya nyimpi yi tlherisa jaha rero, yi ri lerisa, yi ku: “U nga tshuki u byela munhu leswaku u ndzi tivisile timhaka leti.”


Swiv nou:

Piblisite


Piblisite