Yoxuwa 2:12 - BIBELE Mahungu Lamanene

¹² Kutani sweswi ndzi tshembiseni hi ku hlambanya emahlweni ka HOSI Xikwembu leswaku leswi ndzi mi khomeke hi tintswalo, na n'wina mi ta komba tintswalo eka ndyangu wa ka hina; ndzi nyikeni ni xikombiso lexi khorwisaka.

Xitsonga (Bibele)

¹² Sweswi, ndza mi khongela, ndzi hlambanyeleni ha Yehovha leswaku, kukotisa leswi ndzi mi tsetseleleke, na n'wina mi ta tsetselela yindlu ya tatana, kambe ndzi nyikeni xitshembiso lexi tiyeke,

Yoxuwa 2:12 Referans Kwoze

Yoxuwa 2:18

Wena u fanele ku vona leswaku loko hi fika laha tikweni, ngoti leyi yo tshwuka u yi bohelela efasitereni leri u hi nembeleteke ha rona, naswona tata wa wena, ni mana wa wena, ni vamakwenu, ni va ka n'wina hinkwavo u fanele ku va hlengeleta endlwini ya wena.

Yakobo 2:13

Hakunene muavanyisi a nga ka a nga tsetseleri munhu loyi a nga tsetselelangiki van'wana; kasi loyi a tsetselelaka van'wana wa khana esikwini ra ku avanyisa.

1 Timotiya 5:8

Loko munhu a nga pfuni maxaka ya yena, ngopfu-ngopfu lava va nga va ndyangu wa yena wa xiviri, ú landzurile vupfumeri, kutani ú tlula ni vamatiko hi ku biha.

Varhoma 1:31

a va na ripfalo, a va na nomo lowu tshembekeke, a va na vunene, a va na tintswalo;

Marka 14:44

Loyi a n'wi xengaka a a va nyikile xikombiso a ku: “Loyi ndzi nga ta n'wi ntswontswa, hi yena, n'wi khomeni mi famba na yena, mi n'wi rindza swinene.”

Yeremiya 12:16

Vamatiko lava, khale va dyondzisile vanhu va mina ku hlambanya hi vito ra Baali. Kambe loko va nga dyondza ku khongela ku fana ni Vaisraele, ni loko va nga hlambanya hi vito ra mina va ku: ‘HOSI i Xikwembu lexi hanyaka!’ va ta kuma ku tshamiseka exikarhi ka vanhu va mina.

Estere 8:6

Xana ndzi nga tiya hi ndlela yihi, loko ndzi vona khombo leri lavaka ku humelela varikwerhu, xana? Kumbe ndzi nga tiyiserisa ku yini ku vona maxaka ya mina ma lovisiwa, xana?”

2 TIKRONIKA 36:13

Nebukadnetsara a a hlambanyisile Sedekiyasi emahlweni ka Xikwembu leswaku a ta yingisa Vababilona, kambe Sedekiyasi a pfukela hosi ya Babilona, naswona a tiomisa nhloko, a ala ku tlhelela eka HOSI, Xikwembu xa Israele.

1 SAMIELE 30:15

Kutani Davhida a n'wi vutisa a ku: “Xana u nga ndzi heleketa laha ntlawa lowu wa swigevenga wu nga kona, xana?” Mufana a hlamula a ku: “Ina ndzi nga ku heleketa eka vanhu lava, loko u hlambanya emahlweni ka Xikwembu leswaku u nga ka u nga ndzi dlayi, kumbe ku ndzi nyiketa emavokweni ya n'wini wa mina!”

Yoxuwa 9:15

Kutani Yoxuwa a endla xinakulobye na vona, a tlhela a endla na vona ntwanano wa leswaku va ta tshikiwa va hanya; na vona varhangeri va ntshungu va tshembisana na vona hi ku hlambanya.

Yoxuwa 2:13

Ndzi tshembiseni leswaku mi ta ponisa tata wa mina ni mana wa mina, ni vamakwerhu va xinuna ni va xisati, ni va mindyangu ya vona hinkwavo; hi poniseni leswaku hi nga dlayiwi.”

Eksoda 12:13

Loko mi ri n'wina, swi ta tikomba hi ngati lomu mi nga ta va mi ri kona; loko ndzi vona ngati, ndzi ta hundza ntsena ndzi nga mi khumbi. Khombo a ri nga mi weli ri mi herisa, loko ndzi ri karhi ndzi lovisa tiko ra Egipta.

Genesa 24:9

Kutani nandza a vekela voko ra yena exikarhi ka milenge ya n'wini wa yena Abrahama, a tiyisa mhaka leyi hi ku hlambanya.

Genesa 24:3

kutani ndzi ta ku hlambanyisa emahlweni ka HOSI Xikwembu xa matilo ni misava, leswaku u nge tshuki u laverile n'wananga ensati exikarhi ka vanhwanyana va Vakanana lava ndzi tshamaka etikweni ra vona;

Genesa 21:23

hikokwalaho, ndzi kombela leswaku u ndzi tshembisa hi ku hlambanya emahlweni ka Xikwembu leswaku u nga ka u nga ndzi kanganyisi, mina ni vana va mina kumbe vatukulu va mina; ndzi tshembise leswaku leswi ndzi kombeke ku tshembeka ka mina eka wena, na wena u ta endla tano eka mina ni tiko ra mina leri u luveleke eka rona.”

Genesa 40:14

Kambe ndzi kombela leswaku u nga ndzi rivali loko se swi ku fambela kahle. U fanele ku ndzi pfuna, u ndzi vulavulela na hosi Faro, leswaku na mina ndzi ta huma laha khotsweni.

Yoxuwa 2:19

Loko un'wana o tshuka a humile, a famba-famba ehandle, ú ta va a lo tilavela rifu, hina a hi nga vi na nandzu; kambe loko un'wana wa lava u nga ta va u ri na vona endlwini o tshuka a vavisiwile, nandzu wu ta va na hina.

Yoxuwa 6:22

Kutani Yoxuwa a byela vavanuna vambirhi lava va nga ya va ya valanga tiko a ku ka vona: “Yanani endlwini ya wansati lowa nghwavava, mi fika mi n'wi humesa ni va ka vona hinkwavo hilaha mi nga n'wi tshembisa hakona hi ku hlambanya.”

Vaavanyisi 1:24

Tinhlori ti vona wanuna a huma emutini, kutani ti ku ka yena: “Hi kombela leswaku u hi komba ndlela yo nghena laha mutini, kutani hina hi ta ku tsetselela.”