Yoxuwa 2:11 - BIBELE Mahungu Lamanene

¹¹ Timhaka leti ti hi tshukisile ngopfu loko hi ti twa; a ka ha ri na munhu loyi a nga ni matimba hi ku chava n'wina, hikuva HOSI Xikwembu xa n'wina hi xona xi nga Xikwembu xa le henhla tilweni ni le hansi emisaveni.

Xitsonga (Bibele)

¹¹ Hi swi yingisile, kutani timbilu ta hina ti n'okile; a ku nga ha vi na ku tiya eka hina emahlweni ka n'wina: hikuva i Yehovha, Xikwembu xa n'wina, lexi nga Xikwembu le henhla ematilweni, ni la hansi emisaveni.

Yoxuwa 2:11 Referans Kwoze

Duteronoma 4:39

Ku sukela namuntlha, mi nga ha rivali leswaku HOSI i Xikwembu ematilweni ni laha misaveni, a ku na xin'wana ehandle ka xona.

Yoxuwa 5:1

Kuteloko tihosi hinkwato ta Vaamori lava a va akile entsungeni wa nambu wa Yordani hi tlhelo ra vupeladyambu, ni tihosi hinkwato ta Vakanana lava a va akile kusuhi ni lwandle ti twa leswaku HOSI Xikwembu xi phyiserile Vaisraele mati ya nambu wa Yordani va kondza va wu tsemakanya, ti tshuka ngopfu, ti hela ni matimba hi ku chava Vaisraele.

Esaya 13:7

Hikokwalaho, vanhu hinkwavo va ta hela ntamu, hinkwavo va ta tsemeka nhlana;

Yoxuwa 7:5

Vavanuna va muti wa Ayi va hlongorisile Vaisraele ku sukela enyangweni ya muti, ku kondza va ya fika eXebarimi, va dlaya Vaisraele va kwalomu ka 36 loko va ri karhi va rhelela. Kutani Vaisraele va tshuka swinene, va hela ni matimba.

Pisalema 102:15

Vanhu va matiko hinkwawo va ta chava vito ra HOSI, tihosi hinkwato ta misava ti ta xixima ku dzuneka ka yona,

Pisalema 83:18

Kutani vanhu va ta tiva leswaku hi wena ntsena u vuriwaka HOSI, wena Xikwembu lexi nga henhla-henhla, lexi fumaka misava hinkwayo.

1 TIHOSI 8:60

Hikokwalaho, vanhu hinkwavo va misava va ta tiva leswaku HOSI hi yona yi nga Xikwembu, a ku na xin'wana ehandle ka xona.

Nhlavutelo 6:16

Va vitana tintshava ni maribye va ku: “Hi weleni ehenhla, mi hi funengeta leswaku loyi a tshameke exiluvelweni a ta kala a nga hi voni, ni vukari bya Xinyimpfana byi ta kala byi nga hi fikeli.

Nahume 2:10

Muti wa Ninivha wu herile, wu herisiwile, wu hundzuke rhumbi! Va hela mbilu, matsolo ya vona ma gudlagudla, va twa switlhavi emirini hinkwawo, hinkwavo va hundzuka tinghohe hi ku chava.

Pisalema 22:14

Matimba ya mina ma hela kukota mati lama halatiweke, marhambu ya mina hinkwawo ma gudla-gudla, ni mbilu ya mina yi fana ni mafurha lama n'okisiwaka endzilweni.

Yoxuwa 14:8

Kambe vamakwerhu lava a ndzi fambile na vona va vuyile va nyamisa vanhu timbilu, kasi mina ndzi tinyiketile ku landza HOSI Xikwembu.

Duteronoma 20:8

Tindhuna ti ta ya emahlweni ti vulavula na vona ti ku: ‘Loko ku ri ni loyi a chavaka, loyi a tshukeke, a a tlhelele ekaya, hikuva swi nga endla leswaku lavan'wana na vona va hela matimba.’

Duteronoma 1:28

Xana hi tlhandluka hi ya kwihi xana? Lava hi va rhumeke va hi hete matimba hi ku hi byela leswaku vanhu va kona va tiyile, naswona va hi tlula hi ku tala; va ni miti leyikulu swinene, leyi makhumbi ya yona ma leheke ma ya dliva tilo! Etikweni rero, va vonile ni swihontlovila swa rixaka ra va ka Anaka.’

Eksoda 15:14

Vanhu va matiko va swi twile, kutani va rhurhumela hi ku chava, Vafilista va tela hi rhumbu.

Eksoda 15:15

Varhangeri va le Edomu va tshukisiwile, vafambisi va le Mowabu va biwile hi ripfalo, vaaki hinkwavo va Kanana va herile matimba.

2 TIHOSI 5:15

Naamani a tlhelela eka munhu wa Xikwembu swin'we ni vaheleketi va yena hinkwavo. A nghena endlwini ya Elixa, a vulavula a yimile, a ku: “Waswivo! Sweswi ndza swi tiva leswaku a ku na Xikwembu xin'wana emisaveni hinkwayo, loko ku nga ri etikweni ra Israele. Sweswi ndzi kombela leswaku u amukela nyiko leyi humaka eka mina nandza wa wena.”

Pisalema 58:7

A va dzudzeke va nyamalala ku fana ni mberha, a va kandziyeriwe hansi va vuna kukota byanyi.

Esaya 19:1

Lawa i mahungu hi tlhelo ra tiko ra Egipta. Vonani, HOSI Xikwembu xa ta, xi ta hi papa ra rivilo swinene, xi tela Vaegipta; swifaniso swa swikwembu swa Vaegipta swi ta rhurhumela emahlweni ka xona, hambi va ri vona Vaegipta va ta hela matimba hi ku chava.

Ezekiele 21:15

Hikokwalaho vanhu va ta tsemeka nhlana, ku wa lavo tala exikarhi ka vona; etinyangweni ta vona hinkwato ndzi vekile banga leri dlayaka. Yo! Ra hatima kukota rihati, ri vekeriwa ku herisa vanhu!

Yoxuwa 2:24

Kutani va ku ka Yoxuwa: “Hakunene HOSI Xikwembu xi nyiketile tiko hinkwaro emavokweni ya hina; tlhandlakambirhi, vaaki va rona hinkwavo va tshuke ngopfu hi ku chava hina.”

Yoxuwa 9:24

Va hlamula Yoxuwa va ku ka yena: “Hina malandza ya wena hi endlile swilo leswi hikuva hi twile leswaku hakunene HOSI Xikwembu xa n'wina xi lerisile Muxe nandza wa xona leswaku a mi nyika tiko hinkwaro, ni ku herisa vaaki va rona va suka emahlweni ka n'wina. Kutani hi chavile swinene hi ehleketa leswaku mi nga hi dlaya.

Nehemiya 6:16

Valala va hina ni vamatiko hinkwavo lava hi rhendzeleke, va tshuke ngopfu va tlhela va hela ni matimba loko va twa timhaka leti, hikuva a va swi vona leswaku Xikwembu xa hina hi xona xi hi pfuneke ku heta ntirho lowu.

Estere 8:17

Kutani exifundzheni xin'wana ni xin'wana ni le mutini wun'wana ni wun'wana laha nawu ni xileriso xa hosi a swi fika kona, Vayuda a va yimbelela va tsakile, ku tlhela ku va ni nkhuvo ni siku ra ximusi. Kutani vanhu lavo tala va tinxaka-xaka va tivula Vayuda, hikuva a va sungurile ku chava Vayuda swinene.