Yoxuwa 19:41 - BIBELE Mahungu Lamanene

⁴¹ Tiko leri ri nga ndzhaka ya vona ri katsa miti leyi: Sora, na Exitawulu, na Yiri-Xemexe;

Xitsonga (Bibele)

⁴¹ Ndzilakana wa ndzhaka ya vona a wu ri Sora; na Exitawulu, na Yiri-Xemexe;

Yoxuwa 19:41 Referans Kwoze

2 TIKRONIKA 11:10

na Sora, na Ayaloni, na Hebroni. Hi yona miti leyi rirhangu ra yona ri pfuxiweke, etikweni ra Yuda ni ra Benjamini.

1 TIKRONIKA 2:53

Exikarhi ka va le Kiriyata-Yeyarimi, ku ni va le Itira, ni va le Puti, ni va le Xuma, ni va le Mixira, swin'we ni va le Sora ni va le Exitawulu. Hinkwavo i va ka Xobala.

Vaavanyisi 18:2

Kutani va ka Dani va hlawula vavanuna vo tiya va ntlhanu va huma emindyangwini hinkwayo ya nyimba ya ka vona, va va rhuma va suka eSora ni le Exitawulu, leswaku va ya valanga ni ku xiyaxiya tiko, va ku ka vona: “Fambani mi ya xiyaxiya tiko.” Kavaloko vavanuna lava va famba va ya humelela hi le mutini wa Mika emagangeni ya Efrayimi, va fika va xwa kona.

Vaavanyisi 16:31

Kutani vamakwavo wa Samsoni ni va ka vona hinkwavo va rhelela va ya teka ntsumbu wa yena, va tlhela na wona va ya wu lahla esirheni ra Manowaka tata wa yena, exikarhi ka muti wa Sora ni wa Exitawulu. Samsoni ú vile murhangeri wa Vaisraele ku ringana malembe ya 20.

Vaavanyisi 13:25

Loko Samsoni a ri eka Mixaxa-ya-Dani, exikarhi ka muti wa Sora ni wa Exitawulu, a sungula ku ngheniwa hi Moya wa HOSI Xikwembu.

Vaavanyisi 13:2

Emutini wa Sora, a ku ri ni wanuna un'wana wa nyimba ya ka Dani, loyi a va ku i Manowaka. Nsati wa yena a a ri mhika.

Yoxuwa 15:33

Miti yi leyi nga etimbaleni hi leyi: Exitawulu, na Sora, na Axina;

Yoxuwa 19:40

Kutani ku huma xiphemu xa vu-7 lexi averiweke va ka Dani hi ku ya hi mindyangu ya vona.

Yoxuwa 19:42

na Xaalabini, na Ayaloni, na Yitila;