Yoxuwa 18:8 - BIBELE Mahungu Lamanene

⁸ Loko vavanuna lava a va fanele ku ya tsala-tsala tindhawu ta tiko va lava ku famba, Yoxuwa a va lerisa a ku: “Mi rhendzeleka ni tiko hinkwaro mi ri karhi mi tsala-tsala tindhawu ta rona, kutani mi tlhela mi vuya haleno ka mina. Mina ndzi ta mi vutisela timhaka eka HOSI Xikwembu kwala Xilo hi ku tirhisa vuhlolotwana.”

Xitsonga (Bibele)

⁸ Kavaloko vanhu lava va suka, va famba. Kutani Yoxuwa a lerisa lava sukeke ku ya tsala tiko, a ku: “Fambani, mi tifambela etikweni, mi tsala rona, kutani mi ta vuya eka mina. Kutani ndzi ta mi encenyetela hi vuhlolotwana exivandleni lexi, emahlweni ka Yehovha, eXilo.”

Yoxuwa 18:8 Referans Kwoze

Varhoma 14:19

Loko swi ri tano ke, a hi laveni leswi hi pfunaka ku hanya hi ku rhula, ni ku akisana.

Yoxuwa 18:10

Yoxuwa a va vutisela timhaka eka HOSI Xikwembu hi ku tirhisa vuhlolotwana eXilo; kutani a avela Vaisraele tiko, nyimba yin'wana ni yin'wana yi kuma xiphemu xa yona.

1 SAMIELE 14:41

Kutani Sawulo a khongela HOSI Xikwembu, a ku: “We Xikwembu xa Israele, [hikwalaho ka yini u nga ndzi hlamulanga namuntlha, mina nandza wa wena. Loko nandzu wa kona wu ri na mina kumbe n'wana wa mina Yonatani, a ku hume ‘Urimi’, we HOSI Xikwembu xa Israele. Kambe loko nandzu wu ri ni tiko ra wena ra Israele,] a ku hume ‘Thumimi’.” Kutani vuhlolotwana byi komba Yonatani na Sawulo, lavan'wana va pona.

Yoxuwa 18:6

Kutani n'wina mi ta tsala tinhlamuselo ta swiphemu leswi swa 7, mi ndzi tisela leswi mi swi tsaleke. Mina ndzi ta mi vutisela timhaka eka HOSI Xikwembu xa hina hi ku tirhisa vuhlolotwana.

Yoxuwa 18:1

Loko Vaisraele va tekile tiko hinkwaro ra Kanana, ntshungu hinkwawo wu hlengeletana eXilo wu dzima Ntsonga lowo Hlawuleka.

Yoxuwa 15:1

Va ka Yuda va averiwile tindhawu ta vona hi ku ya hi mindyangu ya vona. Tiko ra vona hi tlhelo ra le dzongeni a ri navile ku ya fika endzilekaneni wa tiko ra Edomu, ni ku ya fika emananga ya Sini kwale dzongeni.

Yoxuwa 13:7

Sweswi avela tinyimba leta 9 ni hafu ya va ka Manase etiko leri, yi va ndzhaka ya vona.”

Genesa 13:17

Suka u famba u rhendzeleka ni tiko leri hinkwaro, u kondza u ri hlanganisa, hikuva ndzi ta ku nyika rona.”

Yoxuwa 18:9

Kutani vavanuna lava va khoma ndlela va ya rhendzeleka ni tiko hinkwaro va ri karhi va tsala tindhawu ta tiko ra kona ebukwini, va ri avanyisa hi swiphemu swa 7, hi ku ya hi miti ya rona; kutani va tlhelela eka Yoxuwa emixaxeni le Xilo.

Esaya 34:17

HOSI Xikwembu xi swi avela tindhawu, xi swi bela ni mindzilekana; tiko ra Edomu ri ta va kaya ra swona hilaha ku nga heriki, swi ta tshama eka rona minkarhi hinkwayo.