Yoxuwa 18:3 - BIBELE Mahungu Lamanene

³ Kutani Yoxuwa a ku ka Vaisraele: “Xana ma ha yimela yini, leswi mi tshikaka ku nghena mi teka tiko leri HOSI Xikwembu xa vatata wa n'wina xi mi nyikeke rona xana?

Xitsonga (Bibele)

³ Kavaloko Yoxuwa a ku eka vana va Israele: “Mi ta hlwela ku yisa kwihi ku ya teka tiko leri Yehovha, Xikwembu xa vatata wa n'wina, a mi nyikeke rona xana?

Yoxuwa 18:3 Referans Kwoze

Swivuriso 13:4

Lolo ri fa hi ku navela, kambe a ri kumi nchumu; munhu wa migingiriko yena, ú dya a xurha.

Vaavanyisi 18:9

Va hlamula va ku: “Tanani hi famba hi ya va hlasela. Tiko rona ri sasekile swinene, hi ri vonile. Ma ha tshamela yini xana? Mi nga heti nkarhi, nghenani mi teka tiko ra kona ri va ra n'wina.

Matewu 20:6

Kuteloko a humile kambe kwalomu ka nkarhi wa 5 nimadyambu, a vona van'wana va lo yima, kutani a ku ka vona: ‘Mi tshamele yini siku hinkwaro mi nga tirhi nchumu xana?’

Swivuriso 15:19

Ndlela yo lolo yi tlhumile hi mitwa, kasi gondzo ra lowa migingiriko, ri khuleriwile ri basa.

Swivuriso 10:4

Ku tshama hi mavoko swi chela vusiwana, migingiriko yona ya fumisa.

Sofoniya 3:16

Esikwini rero, va ta vulavula na Yerusalema, va ku: “We Siyoni, u nga chavi, mavoko ya wena ma nga debyi;

Yohane 6:27

Mi nga tirheleni swakudya leswi bolaka, kambe tirhelani swakudya leswi nga boriki, swi nga leswi nyikaka vutomi lebyi nga heriki. Swakudya leswi, mi ta nyikiwa hi N'wana-wa-Munhu, hikuva hi yena loyi Xikwembu Tatana xi n'wi fungheke hi mfungho wa xona.”

Eklesiasta 9:10

Xin'wana ni xin'wana lexi u xi endlaka, tinyikete eka xona hi ntamu, hikuva exivandleni xa vafi lexi u yaka eka xona, a ku tirhiwi, a ku ehleketiwi, ku hava vutlhari ni vutivi.

Yoxuwa 18:2

Exikarhi ka Vaisraele a ka ha sele tinyimba ta 7 leti a ti nga si averiwa ndzhaka ya tona.

Yoxuwa 18:4

Ndzi hlawuleleni vavanuna vanharhu enyimbeni yin'wana ni yin'wana, lava ndzi nga ta va rhuma va ya rhendzeleka ni tiko hinkwaro va ri karhi va tsala-tsala tindhawu leti va navelaka leswaku ti va ndzhaka ya vona; kutani va ta tlhela va vuya haleno ka mina.

Yoxuwa 1:6

U fanele ku tiya, u va ni xivindzi, hikuva hi wena u nga ta fikisa vanhu lava etikweni leri ndzi tshembiseke vatata wa vona hi ku hlambanya leswaku ndzi ta va nyika rona ri va ndzhaka ya vona.

Yoxuwa 13:1

Enkarhini lowu, Yoxuwa a a dyuharile swinene. Kutani HOSI Xikwembu xi ku ka yena: “U dyuharile ngopfu, kambe ka ha sele tindhawu to tala ta tiko leti mi faneleke ku ti teka ti va ta n'wina.