Yoxuwa 18:21 - BIBELE Mahungu Lamanene

²¹ Miti ya va nyimba ya ka Benjamini hi ku ya hi mindyangu ya vona hi leyi: Yeriko, na Beta-Hogila, na Emeke-Kesisi;

Xitsonga (Bibele)

²¹ Miti ya nyimba ya vana va Benjamini, hi tindlu ta vona: hi leyi: Yeriko, Beta-Hogila, Emeke-Kesisi;

Yoxuwa 18:21 Referans Kwoze

Yoxuwa 18:12

En'walungwini ndzilekana wa va ka Benjamini wu sukela enambyeni wa Yordani, kutani wu tlhandluka wu kongoma exintshabyaneni lexi nga en'walungwini wa Yeriko, wu ya emahlweni wu tsemakanya hi le magangeni wu kongoma evupeladyambu wu ya helela emananga ya Beta-Avene.

Luka 19:1

Kutani Yesu a nghena emutini wa Yeriko, a tsemakanya exikarhi ka wona.

Luka 10:30

Kutani Yesu a hlamula, a ku: “Munhu un'wanyana a a rhelela hi le Yerusalema, a ya eYeriko, kutani a wela emavokweni ya swigevenga, swi n'wi hluvula swiambalo, swi n'wi ba, kutani swi suka swi famba, swi n'wi siya a ri kusuhi ni ku fa.

Yoxuwa 18:19

Kutani wu hundza wu ya ta hi le n'walungwini wa xintshabyana xa Beta-Hogila, wu ya helela ensongeni wa Lwandle-ra-ku-fa, lowu wu nga en'walungwini, laha nambu wa Yordani wu helelaka kona edzongeni. Lowu hi wona ndzilekana wa le dzongeni.

Yoxuwa 15:6

Wu famba wu kongoma eBeta-Hogila, wu hundza wu ya ta hi le n'walungwini wa Beta-Araba, wu ya fika eribyeni ra Bohani n'wana Rhuveni.

Yoxuwa 6:1

Muti wa Yeriko a wu gogiwile endzeni ni le handle hikuva vaaki va wona a va chava Vaisraele. A ku nga ri na munhu loyi a a huma emutini kumbe loyi a a nghena kona.

Yoxuwa 2:1

Loko va ri eXitimi, Yoxuwa n'wana Nuni a rhuma vavanuna vambirhi leswaku va nyengeleta va ya valanga tiko ra Kanana, a ku ka vona: “Fambani mi ya xiyaxiya tiko, kambe mi xiya ngopfu muti wa Yeriko.” Kutani vavanuna lava va suka va famba, va ya fika endyangwini wa wansati wa nghwavava loyi a va ku i Rahava kutani va xwa kona.

Yoxuwa 18:20

Evuxeni nambu wa Yordani hi wona ndzilekana wa kona. Leyi hi yona mindzilekana hinkwayo ya ndzhaka ya va ka Benjamini hi ku ya hi mindyangu ya vona.

Yoxuwa 18:22

na Beta-Araba, na Semarayimi, na Betele;

1 TIHOSI 3:4

Siku rin'wana hosi Solomoni a ya eGibiyoni ku ya humesa kona magandzelo, hikuva xitsunga lexi xo hlawuleka a xi tlula swin'wana hi ntikelo. (Solomoni ú humesile eka xona magandzelo yo hisiwa ya madzana-dzana.)

Ezekiele 48:23

Miganga ya tinyimba tin'wana ta Israele, na yona yi ta sukela endzilekaneni wa tiko hi tlhelo ra le vuxeni, yi ya fika eLwandle ra Mediteraniya hi tlhelo ra vupeladyambu. Muganga lowo sungula wu ta va wa Benjamini.

Vaavanyisi 1:16

Vatukulu va Mukeni loyi a a ri mukon'wana wa Muxe, va famba swin'we ni va ka Yuda, va suka emutini wa Mincindzu, va ya emananga ya Yuda lama nga dzongeni kusuhi na Aradi, va fika va tshama exikarhi ka vanhu va kona.