Yoxuwa 18:12 - BIBELE Mahungu Lamanene

¹² En'walungwini ndzilekana wa va ka Benjamini wu sukela enambyeni wa Yordani, kutani wu tlhandluka wu kongoma exintshabyaneni lexi nga en'walungwini wa Yeriko, wu ya emahlweni wu tsemakanya hi le magangeni wu kongoma evupeladyambu wu ya helela emananga ya Beta-Avene.

Xitsonga (Bibele)

¹² Ndzilakana wa vona en'walungwini, wu suka eYordani, wu khandziya entsungeni wa Yeriko, en'walungwini; kutani wu khandziya entshaveni, evupeladyambu, kutani wu ya fika emananga ya Beta-Avene.

Yoxuwa 18:12 Referans Kwoze

Yoxuwa 16:1

Ndzilekana wa tiko leri va ka Yosefa va averiweke rona wu sukela enambyeni wa Yordani, kusuhi ni muti wa Yeriko, hi tlhelo ra le vuxeni bya swihlovo swa Yeriko, wu kongoma emananga. Ndzilekana lowu wu tlhandluka wu sukela eYeriko wu ya ta hi le magangeni, wu famba ku ya fika eBetele.

Yoxuwa 7:2

Loko va ri mutini wa Yeriko, Yoxuwa a rhuma vavanuna va ya mutini wa Ayi, lowu nga kusuhi ni muti wa Beta-Avene, hi tlhelo ra le vuxeni bya muti wa Betele, a ku ka vona: “Tlhandlukani mi ya valanga matshamelo ya muti.” Kutani va tlhandluka va famba va ya valanga muti wa Ayi.

Hosiya 10:5

Vaaki va Samariya va khomile hi gome, va vilelela rhole ra le Beta-Avene; va le ku rileni ka nkosi wa rona, ni swiphukuphuku leswa vaprista va rona swi le ku kalakaleni, hikuva ku dzuneka ka rona ku dzudzekile.

Hosiya 5:8

Chayani nanga eGibeya, eRhama banani mhalamhala, yi mbvungunyiseni le Beta-Avene! Mi fikeriwile, n'wina va ka Benjamini!

Hosiya 4:15

Hambileswi mi endlaka vunghwavava n'wina vanhu va Israele, vanhu va Yuda va nga tshuki va wela enandzwini wolowo. Mi nga tshuki mi ya eGiligala, mi nga tlhandlukeli eBeta-Avene; mi nga tshuki mi ku: “Ndza hlambanya emahlweni ka HOSI, Xikwembu lexi hanyaka!”

Yoxuwa 6:1

Muti wa Yeriko a wu gogiwile endzeni ni le handle hikuva vaaki va wona a va chava Vaisraele. A ku nga ri na munhu loyi a a huma emutini kumbe loyi a a nghena kona.

Yoxuwa 3:16

kutani mati lama khulukaka ma ta hi hala tlhelo ra le henhla ka nambu ma yima, ma endla ndhundhuma ma ya fika ni le mutini wa Adama lowu nga kusuhi na Saretani. Mati lama khulukaka ma rhelela ma kongoma eLwandle ra Araba, ri nga Lwandle-ra-ku-fa, ma tsemeka, ma nga ha khuluki, kutani Vaisraele va pela nambu wa Yordani, ku langutana na Yeriko.

Yoxuwa 2:1

Loko va ri eXitimi, Yoxuwa n'wana Nuni a rhuma vavanuna vambirhi leswaku va nyengeleta va ya valanga tiko ra Kanana, a ku ka vona: “Fambani mi ya xiyaxiya tiko, kambe mi xiya ngopfu muti wa Yeriko.” Kutani vavanuna lava va suka va famba, va ya fika endyangwini wa wansati wa nghwavava loyi a va ku i Rahava kutani va xwa kona.

Yoxuwa 8:15

Kutani Yoxuwa ni Vaisraele hinkwavo va endla wonge va va chava, va suka va tsutsuma va kongoma emananga.

Yoxuwa 18:11

Kutani ku huma xiphemu lexi averiweke va ka Benjamini hi ku ya hi mindyangu ya vona, yi nga ndhawu leyi yi nga xikarhi ka nyimba ya ka Yuda ni nyimba ya ka Yosefa.

1 SAMIELE 13:5

Kutani Vafilista va hlengeletana ku ya lwa ni Vaisraele. A va ri ni makalichi ya 3 000, ni vagadi va tihanci va 6 000, ni masocha layo tala kukota sava eribuweni ra lwandle. Kutani va hloma matlhari va ya gova eMikamaxa, hi tlhelo ra vuxa bya Beta-Avene.