Yoxuwa 18:10 - BIBELE Mahungu Lamanene

¹⁰ Yoxuwa a va vutisela timhaka eka HOSI Xikwembu hi ku tirhisa vuhlolotwana eXilo; kutani a avela Vaisraele tiko, nyimba yin'wana ni yin'wana yi kuma xiphemu xa yona.

Xitsonga (Bibele)

¹⁰ Kutani Yoxuwa a va encenyetela hi vuhlolotwana eXilo, emahlweni ka Yehovha, kutani Yoxuwa a avanyisela vana va Israele tiko, a nyika un'wana ni un'wana ku averiwa ka yena.

Yoxuwa 18:10 Referans Kwoze

Vakolosa 1:12

Naswona, nkhensani Tatana, loyi a endleke leswaku na n'wina mi averiwa ndzhaka ya vahlawuriwa, eku fumeni ka ku vonakala.

Timhaka 13:19

Kuteloko xi herisile va miganga ya 7 etikweni ra Kanana, xi avela vatatana tiko ra kona, ri va ndzhaka ya vona.

Yoxuwa 18:6

Kutani n'wina mi ta tsala tinhlamuselo ta swiphemu leswi swa 7, mi ndzi tisela leswi mi swi tsaleke. Mina ndzi ta mi vutisela timhaka eka HOSI Xikwembu xa hina hi ku tirhisa vuhlolotwana.

Timhaka 26:18

u ta pfula mahlo ya vona leswaku va huma emunyameni, va nghena eku vonakaleni, ni leswaku va huma eku fumeni ka Sathana va nghena eka Xikwembu; loko va pfumela ka mina, va ta kuma ku rivaleriwa ka swidyoho, kutani va ta averiwa ndzhaka exikarhi ka vahlawuriwa va Xikwembu.’

Yohane 17:2

Hakunene, u n'wi nyikile vuhosi ehenhla ka vanhu hinkwavo, leswaku hinkwavo lava u n'wi nyikeke vona, yena a va nyika vutomi lebyi nga heriki.

Matewu 27:35

Loko va n'wi vambile, va avelana swiambalo swa yena hi ku hoxa vuhlolotwana,

Ezekiele 48:29

HOSI N'wini wa hinkwaswo ú vula sweswo ú ri: “Hi rona tiko leri mi nga ta ri avela tinyimba ta Israele, ni miganga ya kona yi ta va yona yoleyo!”

Ezekiele 47:22

Mi ta avelana miganga ya rona hi vuhlolotwana, mi nga rivali ni valuveri lava ku nga khale va akile exikarhi ka n'wina ni ku kuma vana va ri laha ka n'wina; mi ta amukela vanhu lava va ri vaakatiko ku fana na n'wina, va phakeriwa masimu ku fana ni Vaisraele va xiviri, etinyimbeni ta vona.

Swivuriso 18:18

Mhaka ya vanhu va matimba lava lwetanaka, yi nga tsemiwa hi ku hoxa vuhlolotwana.

Pisalema 61:5

We Xikwembu, u yingisile xikombelo xa mina, hikuva u ndzi nyikile ndzhaka, va nga vanhu lava chavaka vito ra wena.

Pisalema 47:4

Tiko leri nga ndzhaka ya hina, leri hi tidzunisaka ha rona, hi xona xi nga hi hlawulela rona, hikuva xa hi rhandza hina va ka Yakobo.

Yoxuwa 19:51

Leyi hi yona ndzhaka leyi muprista Eliyazara na Yoxuwa n'wana Nuni ni varhangeri va mindyangu ya tinyimba ta Vaisraele va yi aveke hi ku tirhisa vuhlolotwana emahlweni ka HOSI Xikwembu le Xilo, enyangweni ya Ntsonga lowo Hlawuleka. Hi ndlela leyi, ku va loko va hetile ku avela vanhu etiko.

Yoxuwa 18:8

Loko vavanuna lava a va fanele ku ya tsala-tsala tindhawu ta tiko va lava ku famba, Yoxuwa a va lerisa a ku: “Mi rhendzeleka ni tiko hinkwaro mi ri karhi mi tsala-tsala tindhawu ta rona, kutani mi tlhela mi vuya haleno ka mina. Mina ndzi ta mi vutisela timhaka eka HOSI Xikwembu kwala Xilo hi ku tirhisa vuhlolotwana.”

Tinhlayo 34:16

HOSI Xikwembu xi ku ka Muxe:

Yoxuwa 18:9

Kutani vavanuna lava va khoma ndlela va ya rhendzeleka ni tiko hinkwaro va ri karhi va tsala tindhawu ta tiko ra kona ebukwini, va ri avanyisa hi swiphemu swa 7, hi ku ya hi miti ya rona; kutani va tlhelela eka Yoxuwa emixaxeni le Xilo.

Yoxuwa 18:11

Kutani ku huma xiphemu lexi averiweke va ka Benjamini hi ku ya hi mindyangu ya vona, yi nga ndhawu leyi yi nga xikarhi ka nyimba ya ka Yuda ni nyimba ya ka Yosefa.

Yeremiya 7:12

“Yanani exivandleni xa mina lexo hlawuleka xa le Xilo, laha vito ra mina ri nga rhanga ri tiviwa kona, mi ta vona leswi ndzi swi endleke kona hikwalaho ka vubihi bya Vaisraele vanhu va mina.

Mikiya 2:5

Enkarhini lowu vanhu va mina va nga ta hlengeletiwa va tlheriseriwa swa vona, n'wina a mi nga nyikiwi nchumu!”

Yoxuwa 14:2

Ndzhaka ya vona va va averile hi ku tirhisa vuhlolotwana, hilaha HOSI Xikwembu xi leriseke Muxe hakona leswaku a avela tinyimba ta Israele ta 9 ni hafu.

Yoxuwa 14:5

Vaisraele va avile tiko hilaha HOSI Xikwembu xi leriseke Muxe hakona.

Yoxuwa 23:4

Vonani, ndzi mi averile matiko hinkwawo lawa ma ha saleke, ni hinkwawo lawa ndzi ma tekeke, ku sukela enambyeni wa Yordani ku ya fika eLwandle ra Mediteraniya evupeladyambu, leswaku ma va ndzhaka ya tinyimba ta n'wina.

1 TIKRONIKA 24:5

Mintlawa leyi yi hlawuriwile hi ku hoxa vuhlolotwana, leswaku exikarhi ka va ka Eliyazara ni le xikarhi ka va ka Itamara ku va ni varhangeri va mintirho ya le Tempeleni, yi nga mintirho ya Xikwembu.

Nehemiya 11:1

Emutini wa Yerusalema a ku tshama varhangeri; kutani ntshungu wu hoxa vuhlolotwana leswaku exikarhi ka mindyangu yin'wana na yin'wana ya khume, ku hlawuriwa ndyangu wun'we wu ya tshama emutini lowo hlawuleka wa Yerusalema, kasi mindyangu leyi salaka ya 9 yona yi tshama emitini yin'wana.