Yoxuwa 18:1 - BIBELE Mahungu Lamanene

¹ Loko Vaisraele va tekile tiko hinkwaro ra Kanana, ntshungu hinkwawo wu hlengeletana eXilo wu dzima Ntsonga lowo Hlawuleka.

Xitsonga (Bibele)

¹ Nhlengeletano hinkwayo ya vana va Israele yi hlangana eXilo; kutani va dzima kona tabernakela ya nhlengeletano, hikuva tiko a ri fumiwa hi vona.

Yoxuwa 18:1 Referans Kwoze

Yoxuwa 19:51

Leyi hi yona ndzhaka leyi muprista Eliyazara na Yoxuwa n'wana Nuni ni varhangeri va mindyangu ya tinyimba ta Vaisraele va yi aveke hi ku tirhisa vuhlolotwana emahlweni ka HOSI Xikwembu le Xilo, enyangweni ya Ntsonga lowo Hlawuleka. Hi ndlela leyi, ku va loko va hetile ku avela vanhu etiko.

1 SAMIELE 1:3

Wanuna loyi a a toloverile ku suka emutini wa yena lembe rin'wana ni rin'wana, a tlhandlukela emutini wa Xilo a ya khongela ni ku humesela HOSI ya matimba hinkwawo emagandzelo. Vana va Heli, Hofini na Finiyasi, a va ri vaprista va HOSI Xikwembu kwale Xilo.

Yoxuwa 21:2

emutini wa Xilo etikweni ra Kanana, va fika va ku ka vona: “HOSI Xikwembu xi lerisile leswaku hina hi nyikiwa miti yo tshama eka yona, ni madyelo ya yona ya swifuwo.”

Yeremiya 26:6

yindlu leyi ndzi ta yi wisa ku fana ni ya le Xilo, na wona muti lowu ndzi ta wu hundzula ndzhukano eka vanhu va matiko hinkwawo.’ ”

Yoxuwa 22:9

Kutani va ka Rhuveni ni va ka Gadi ni hafu ya va ka Manase va hambana ni Vaisraele emutini wa Xilo etikweni ra Kanana, va tlhelela emakaya etikweni ra Giliyadi, ri nga tiko leri va ri tekeke ri va ra vona, hilaha HOSI Xikwembu xi leriseke hakona.

Pisalema 78:66

Valala va yena ú va hangalasile, va tlhela ni tingana letikulu.

1 TIHOSI 14:2

Kutani Yerobuwamu a ku ka nsati wa yena: “Hundzuluxa maambalele ya wena, leswaku vanhu va nga ku tivi wena nkosikazi; kutani u suka, u kongoma le Xilo, laha ku nga ni muprofeta Ahiya, yena loyi a ndzi tiviseke leswaku ndzi ta va hosi ya tiko leri.

1 TIHOSI 2:27

Hi mukhuva wolowo, Solomoni a hlongola Abiyatara entirhweni wa vuprista bya HOSI Xikwembu, kutani rito leri HOSI Xikwembu xi ri vuleke ehenhla ka yindlu ya Heli emutini wa Xilo, ri va ri hetiseka.

1 SAMIELE 1:24

Loko a n'wi lumurile, a tlhandluka a ya eXilo na yena, a ri ni homu ya nkuzi ya malembe manharhu, ni xinkwamana xa mapa, ni khuwana ra vhinyo; a yisa n'wana eTempeleni ya HOSI, hambileswi a a ha ri ntsongo ngopfu.

Vaavanyisi 18:31

Xifaniso lexi Mika a tivatleleke xona, va ka Dani va xi tshikile xi yimisa sweswo, nkarhi hinkwawo lowu yindlu ya Xikwembu yi veke emutini wa Xilo.

1 TIHOSI 14:4

Nkosikazi ya Yerobuwamu yi endlisa sweswo: Yi suka yi kongoma le Xilo, kutani yi fika emutini wa muprofeta Ahiya. Ahiya a a dyuharile ngopfu, na mahlo ya yena a ma ri ni riphume, ma nga ha voni.

Vaavanyisi 21:19

Hiloko va ku: “Emutini wa Xilo, ku ni nkhuvo lowu endleriwaka HOSI Xikwembu lembe rin'wana ni rin'wana. Muti lowu wu le n'walungwini wa Betele, evuxeni bya gondzo leri humaka eBetele ri ya eXikeme, edzongeni ra Lebona.”

Timhaka 7:45

Endzhaku ka swona, vatata wa hina lava amukeleke ntsonga lowu, va wu nghenisa, va ri na Yoxuwa, emisaveni ya vamatiko lava Xikwembu a xi va hlongorile emahlweni ka vona; kutani swi fambisa sweswo ku fikela eminkarhini ya Davhida.

Yoxuwa 18:2

Exikarhi ka Vaisraele a ka ha sele tinyimba ta 7 leti a ti nga si averiwa ndzhaka ya tona.

Yoxuwa 18:8

Loko vavanuna lava a va fanele ku ya tsala-tsala tindhawu ta tiko va lava ku famba, Yoxuwa a va lerisa a ku: “Mi rhendzeleka ni tiko hinkwaro mi ri karhi mi tsala-tsala tindhawu ta rona, kutani mi tlhela mi vuya haleno ka mina. Mina ndzi ta mi vutisela timhaka eka HOSI Xikwembu kwala Xilo hi ku tirhisa vuhlolotwana.”

Yoxuwa 22:12

Loko ntshungu wa Vaisraele wu twa mhaka leyi, wu hlengeletana hinkwawo eXilo, wu hloma matlhari ku ya lwa ni va ka Rhuveni ni va ka Gadi ni hafu ya nyimba ya va ka Manase.

2 SAMIELE 7:6

Mina HOSI a ndzi si tshama endlwini, ku sukela enkarhini lowu ndzi humeseke Vaisraele etikweni ra Egipta, ku fikela namuntlha; ndzi rhendzelekile na vona hinkwako ndzi ri karhi ndzi tshama entsongeni.

Nehemiya 9:24

Kutani vatukulu va vona va nghenile va teka tiko leri ri va ra vona; wena u va hlulerile Vakanana, vona vaaki va tiko, u va nyiketa emavokweni ya Vaisraele, u nyiketa ni tihosi ta Vakanana ni vanhu lava tshamaka etikweni rero leswaku Vaisraele va ta endla leswi va swi tsakelaka ha vona.

Pisalema 78:60

Xi herisile vutshamo bya xona bya le Xilo, wu nga ntsonga lowu a xi tshama eka wona exikarhi ka vanhu va xona.

Yeremiya 26:9

Hikwalaho ka yini u tiendla muprofeta la vulavulaka hi vito ra HOSI Xikwembu, kutani u vula leswaku yindlu leyi yi ta wa ku fana ni ya le Xilo, ni leswaku muti lowu wu ta hundzuka rhumbi, ku nga ha tshami munhu eka wona, xana?” Kutani ntshungu lowu a wu ri kona eTempeleni wu rhendzela Yeremiya.

Yeremiya 41:5

ku humelela vavanuna va 80, va huma eXikeme ni le Xilo ni le Samariya, va ta ni mavele ni mirhi ya risuna, va ta swi humesela HOSI Xikwembu endlwini ya xona; a va byewurile malebvu, va handzulerile swiambalo, va tixekelerile hi mikwana.

Tinhlayo 32:22

tiko hinkwaro ri kondza ri vekiwa ehansi ka xona. Endzhaku ka sweswo mi nga ha ntshunxeka, mi tlhelela emakaya, hikuva mi ta va mi hetisile tifanelo ta n'wina eka HOSI Xikwembu ni le ka Vaisraele. Kutani hi kona tiko leri ri nga ta va ra n'wina emahlweni ka HOSI Xikwembu.

Yoxuwa 22:19

Loko mi vona leswaku tiko ra n'wina ri nyamile, tsemakanyelani etikweni ra HOSI Xikwembu, laha ku nga ni Ntsonga wa xona, mi fika mi tilavela tindhawu ta n'wina exikarhi ka hina; ntsena mi nga tshuki mi fularhela HOSI Xikwembu kumbe mi endla leswaku na hina hi xi fularhela, hi ku tiakela alitari ya n'wina ehandle ka alitari ya HOSI Xikwembu xa hina.

Vaavanyisi 21:12

Kutani exikarhi ka vanhu va muti wa Yabexe-Giliyadi, va kuma vanhwanyana va 400 lava tengeke, lava nga si tshamaka va tivana ni wanuna, kutani va va teka va ya na vona emixaxeni ya le Xilo, etikweni ra Kanana.