Yoxuwa 17:2 - BIBELE Mahungu Lamanene

² Va ka Manase lavan'wana, va averiwile ndzhaka ya vona hi ku ya hi mindyangu ya vona, yi nga leyi: Ndyangu wa ka Abiezere, ni wa ka Heleke, ni wa ka Asiriele, ni wa ka Xikeme, ni wa ka Hefere, ni wa ka Xemida. Lava hi vona vatukulu va xinuna va Manase n'wana Yosefa hi ku ya hi mindyangu ya vona.

Xitsonga (Bibele)

² Va hoxa vuhlolotwana ku nyika vana lava seleke va Manase ndzhaka, hi tindlu ta vona; va ri vana va Abiezere, ni vana va Heleke, ni vana va Asiriele, ni vana va Xikeme, ni vana va Hefere, ni vana va Xemida: hi vona vana va xinuna va Manase, n'wana Yosefa, hi tindlu ta vona.

Yoxuwa 17:2 Referans Kwoze

1 TIKRONIKA 7:18

Makwavo wa Giliyadi wa xisati i Hamoleketa, mana wa Ixihodo, na Abiezere, na Mahela.

Vaavanyisi 8:2

Kambe yena a va hlamula a ku: “I ncini lexi ndzi xi endleke, lexi nga ringanisiwaka ni leswi n'wina mi swi endleke, xana? Leswi n'wina va ka Efrayimi mi swi khwajeke, swi tlula leswi hina va ka Abiezere hi swi tshoveleke,

Vaavanyisi 6:11

Siku rin'wana ntsumi ya HOSI Xikwembu yi humelela, yi fika yi tshama ehansi ka murhi wa nkuhlu lowu nga le Ofira, emutini wa Yowasi lowa Muabiezere. Gidiyoni n'wana Yowasi a a ri eku huleni ka koroni exihundleni, laha mihandzu ya vhinya yi pyaxeriwaka kona, leswaku Vamidiyani va nga swi voni.

Yoxuwa 17:1

Kutani va ka Manase mativula ya Yosefa va averiwa tiko ra vona. Makiri mativula ya Manase ú averiwile tiko ra Giliyadi ni ra Baxani, hikuva a a ri nghwazi.

Yoxuwa 17:3

Selofihada n'wana Hefere wa Giliyadi, wa Makiri, wa Manase, a a nga ri na vana va xinuna, kambe a a ri ni vana va xisati ntsena, va nga lava: Mahela, na Nowa, na Hogila, na Milika, na Tirisa.