Yoxuwa 17:16 - BIBELE Mahungu Lamanene

¹⁶ Va nyimba ya ka Yosefa va ku: “Tiko leri nga emagangeni i ritsongo, kambe naswona, Vakanana hinkwavo lava tshamaka erivaleni va ni makalichi ya nsimbhi, hinkwavo lava tshamaka emutini wa Beta-Xeyani ni le swimitaneni swa wona, ni lava nga eka Nkova wa Yizriele.”

Xitsonga (Bibele)

¹⁶ Vana va Yosefa va hlamula, va ku: “Ntshava leyi, a yi nga hi ringani, na swona tigolonyi ta tinsimbhi ti kona eka Vakanana hinkwavo lava akeke etikweni ra nkova, eka vanhu va Beta-Xeyani ni miti leyi nga ehansi ka vona, ni ka lava nga enkoveni wa Yizriele.”

Yoxuwa 17:16 Referans Kwoze

1 TIHOSI 4:12

Baana n'wana Ahiludu, eTaanaka, ni le Megido, ni hinkwako laha ku vandzakaneke ni le Saretani ehansi ka Yizriele, ni ku sukela eBeta-Xeyani ku ya fika le Avele-Mehola, ku hundza ni le Yokimeyama.

Vaavanyisi 4:3

Yabini ú xanisile Vaisraele swinene ku ringana malembe ya 20, hikuva a a ri ni makalichi ya nsimbhi ya 900. Kutani Vaisraele va huwelela eka HOSI Xikwembu, va kombela ku pfuniwa.

Vaavanyisi 1:19

Kutani HOSI Xikwembu xi pfuna va ka Yuda, va kota ku teka ndhawu ya le magangeni yi va ya vona. Kambe va ka Yuda a va kotanga ku hlongola Vakanana lava a va akile etimbaleni, hikuva Vakanana lava a va ri ni makalichi ya nsimbhi.

Vaavanyisi 6:33

Vamidiyani hinkwavo ni Vaamaleke ni va le vuxeni va hlengeletana, kutani va pela nambu wa Yordani, va ya gova erivaleni ra Yizriele.

Yoxuwa 17:18

Tiko ra le magangeni ri ta va ra n'wina, hambileswi ri nga ni swihlahla; mi ta ri tshetsha, ri basa, mi ri teka ri va ra n'wina ku ya fika emakumu ka rona. Mi ta hlongola Vakanana va suka etikweni leri, hambileswi va nga ni makalichi ya nsimbhi, va tlhela va tiya swinene.”

2 TIHOSI 9:37

ntsumbu wa yena wu ta fana ni vulongo, ensin'wini ya muti wa Yizriele; kutani vanhu a va nga n'wi tivi leswaku hi yena Yezabele.’ ”

2 TIHOSI 9:10

Loko a ri yena Yezabele, timbyana ti ta n'wi dya emasin'wini ya le Yizriele. A nga ka a nga lahliwi hi munhu.’ ” Kavaloko jaha ri pfula rivanti ri tsutsuma.

1 TIHOSI 21:23

Loko a ri Yezabele, HOSI Xikwembu xi vurisa sweswo xi ri: ‘Timbyana ti ta n'wi dya ensin'wini ya le Yizriele.’

1 TIHOSI 21:1

Endzhaku ka timhaka teto, ku humelela leswi: Emutini wa le Yizriele, a ku ri ni wanuna la vuriwaka Naboto, loyi nsimu ya yena ya vhinya a yi vandzakanile ni tindlu ta Akabu hosi ya le Samariya.

1 TIHOSI 18:46

Eliya a khomiwa hi matimba ya HOSI Xikwembu; a tikhama, a rhangela Akabu hi ku tsutsuma ku ya fika enyangweni ya muti wa Yizriele.

Vaavanyisi 4:13

a hlengeleta makalichi ya yena ya nsimbhi yo ringana 900, ni masocha ya yena hinkwawo, a suka na wona emutini wa Haroxete-wa-Vamatiko, a kongoma exinambyaneni xa Kixoni.

Yoxuwa 19:18

Tiko ra vona ri katsa miti leyi: Yizriele, na Kesuloto, na Xuneme;

Yoxuwa 17:11

Etikweni ra Isakara ni ra Asere, va ka Manase va ni muti wa Beta-Xeyani, ni swimitana swa wona, na muti wa Yibileyamu ni swimitana swa wona, na muti wa Dori ni swimitana swa wona, na muti wa Taanaka ni swimitana swa wona, na muti wa Megido ni swimitana swa wona. Ndhawu ya vunharhu i xifundzha xa Dori.

Yoxuwa 17:15

Kutani Yoxuwa a ku ka vona: “Loko mi tele, tlhandlukani mi ya exihlahleni, mi fika mi titshetshela ndhawu etikweni ra va Vaperesi ni Varefayimi, hikuva tiko ra le magangeni ya Efrayimi i ritsongo, a ri mi ringani.”

Yoxuwa 17:17

Kutani Yoxuwa a byela va ka Yosefa, va nga va ka Efrayimi ni va ka Manase, a ku: “Mi tele ngopfu, mi tlhela mi va ni matimba swinene, a mi fanelanga ku va ni xiphemu xin'we ntsena xa tiko.

1 TIHOSI 18:45

Hi nkarhinyana, tilo ri visingana, ku hunga xidzedze, kutani mpfula yi na hi matimba. Akabu a khandziya ekalichini ya yena, a ya le Yizriele.

Yeremiya 49:2

Hikokwalaho mina HOSI ndzi ri, ku nga ri khale ndzi ta vanga huwa ya tinyimpi, ndzi lwa ni muti wa Rhaba ntsindza wa Vaamoni; muti lowu wu ta hundzuka rhumbi, swimitana swa wona swi ta tshwa swi hela, kutani Vaisraele va ta tlhela va kuma swa vona leswi Vaamoni va nga va tekela swona, ku vula mina HOSI.

Yoxuwa 15:56

na Yizriele, na Yokideyama, na Zanowaka;

1 SAMIELE 29:1

Vafilista va hlengeleta mavuthu ya vona hinkwawo emutini wa Afeka; Vaisraele vona va gova exihlobyeni xa le Yizriele.