Yoxuwa 17:15 - BIBELE Mahungu Lamanene

¹⁵ Kutani Yoxuwa a ku ka vona: “Loko mi tele, tlhandlukani mi ya exihlahleni, mi fika mi titshetshela ndhawu etikweni ra va Vaperesi ni Varefayimi, hikuva tiko ra le magangeni ya Efrayimi i ritsongo, a ri mi ringani.”

Xitsonga (Bibele)

¹⁵ Yoxuwa a ku eka vona: “Leswi u nga tiko leri teleke, khandziya exihlahleni, u tixakatsela masimu etikweni ra Vaperesi, ni ra Varefayimi, leswi ntshava ya Efrayimi yi laleke eka wena.”

Yoxuwa 17:15 Referans Kwoze

Genesa 14:5

Hi lembe ra vu-14, Kedoro-Lawomere ni tihosi leti a ti yima na yena, va hlula muti wa Refayimi le Axiteroti-Karnayimi, ni muti wa Suzimi eHamu, ni muti wa Emini eXave-Kiriyatayimi,

Genesa 13:7

Tlhandlakambirhi, a ku ri ni ku holova exikarhi ka varisi va swifuwo swa Abrama ni varisi va swifuwo swa Lota. Enkarhini lowu, Vakanana ni Vaperesi a va ha tshama etikweni leri.

Luka 12:48

kambe loyi a nga ku tiviki, kutani a tshuka a endlile leswi faneriwaka hi ku biwa, ú ta biwa kutsongo. Un'wana ni un'wana la nyikiweke leswo tala, ku ta laviwa leswo tala eka yena; ni loyi vanhu va n'wi fuyiseke leswo tala, ku ta laveka leswo tala ngopfu eka yena.

Ezra 9:1

Endzhaku ka loko swilo leswi swi endliwile, varhangeri va ta eka mina va fika va ku: “Vaisraele, ni Valevhi, ni vaprista, va tinyiketile eka manyala lama endliwaka hi vamatiko, a va tihambanisanga ni Vakanana, ni Vahiti, ni Vaperesi, ni Vayebusi, ni Vaamoni, ni Vamowabu, ni Vaegipta, ni Vaamori.

2 SAMIELE 5:22

Vafilista va tlhela va vuya, va tata nkova wa Refayimi.

2 SAMIELE 5:18

Vafilista a va fikile, va tata nkova wa Refayimi.

Eksoda 33:2

Ndzi ta rhumela ntsumi leyi yi nga ta mi rhangela emahlweni; ndzi ta hlongola Vakanana, ni Vaamori, ni Vahiti, ni Vaperesi, ni Vahivhi, ni Vayebusi.

Genesa 15:20

ni Vahiti, ni Vaperesi, ni Varefayimi,

Yoxuwa 17:14

Va nyimba ya ka Yosefa va ya eka Yoxuwa va fika va ku: “Hikwalaho ka yini u hi nyika xindhawana xitsongo leswaku xi va ndzhaka ya hina xana? Hina hi tele, hikuva HOSI Xikwembu xi hi katekisile.”

Yoxuwa 17:16

Va nyimba ya ka Yosefa va ku: “Tiko leri nga emagangeni i ritsongo, kambe naswona, Vakanana hinkwavo lava tshamaka erivaleni va ni makalichi ya nsimbhi, hinkwavo lava tshamaka emutini wa Beta-Xeyani ni le swimitaneni swa wona, ni lava nga eka Nkova wa Yizriele.”

2 SAMIELE 18:6

Kutani mavuthu ya Davhida ma huma ma ya ehandle ku ya lwa ni Vaisraele; nyimpi ya kona a yi lweriwa eswihlahleni swa Efrayimi.

Vaavanyisi 17:1

A ku ri ni wanuna un'wana emangangeni ya Efrayimi. Vito ra yena a a ri Mika.