Yoxuwa 16:4 - BIBELE Mahungu Lamanene

⁴ Va ka Yosefa, va nga va nyimba ya ka Manase ni va nyimba ya ka Efrayimi, va kumile ndzhaka ya vona.

Xitsonga (Bibele)

⁴ Vana va Yosefa, Manase na Efrayimi, va kuma kona ku averiwa ka vona.

Yoxuwa 16:4 Referans Kwoze

Yoxuwa 17:14

Va nyimba ya ka Yosefa va ya eka Yoxuwa va fika va ku: “Hikwalaho ka yini u hi nyika xindhawana xitsongo leswaku xi va ndzhaka ya hina xana? Hina hi tele, hikuva HOSI Xikwembu xi hi katekisile.”

Yoxuwa 16:5

Tindhawu ta va ka Efrayimi hi ku ya hi mindyangu ya vona hi leti: Evuxeni ndzilekana wa ndhawu leyi va ka Efrayimi va averiweke yona wu sukela le Ataroti-Adara, wu famba wu ya fika emutini wa Beta-Horoni-wa-le-gangeni.

Genesa 41:52

Kutani Yosefa a thya n'wana wa yena wa vumbirhi evito ra Efrayimi, hikuva a a ku: “Xikwembu xi ndzi nyikile vana etikweni leri ndzi xanisekeke eka rona.”

Yoxuwa 14:4

Va ka Yosefa a va ri ni tinyimba timbirhi, yi nga ya ka Manase ni ya ka Efrayimi. Va ka Levhi, Muxe a nga va tsemelanga xiphemu xa vona etikweni, kambe ú lo va nyika ntsena miti yo tshama eka yona, ni madyelo ya swifuwo swa vona leswikulu ni leswitsongo.

Yoxuwa 18:5

Va ta avanyisa tiko hi swiphemu swa 7; va ka Yuda va ta ya emahlweni va tshama endhawini ya vona ya le dzongeni, ni va ka Yosefa endhawini ya vona ya le n'walungwini.

Ezekiele 47:13

HOSI N'wini wa hinkwaswo ú vurisa sweswo ú ri: “Ndzi ta mi komba mindzilekana leyi mi nga ta yi ba etikweni; loko mi phakelana miganga ya rona hi ku ya hi tinyimba ta 12 ta Vaisraele, mi nga rivali ku phakela va ka Yosefa kambirhi.