Yoxuwa 15:7 - BIBELE Mahungu Lamanene

⁷ Kutani ndzilekana wu tlhandluka wu sukela eka Nkova wa Akora wu kongoma eDebiri, hi tlhelo ra n'walungu; wu jika wu kongoma eGiligala, ku langutana ni xiphandze xa Adumimi lexi nga tlhelo ra dzonga ra nkova, kutani wu hundza wu kongoma etiveni ra Eni-Xemexi, wu ya helela le Eni-Rogele.

Xitsonga (Bibele)

⁷ kutani ndzilakana wu khandziya etlhelo ra Debiri, kusuhi ni nkova wa Akora, wu ya en'walungwini, wu kongoma eGiligala, lowu langutanaka ni ndlela leyi khandziyaka ya Adumimi, yona yi le dzongeni ka xinambyana; wu hundza ekusuhi ni mati ya Eni-Xemexi, wu ya fika eEni-Rogele.

Yoxuwa 15:7 Referans Kwoze

1 TIHOSI 1:9

Adoniya a endla gandzelo hi ku tlhava tihomu ni tinyimpfu ni marhole lama nonisiweke, exivandleni lexi vuriwaka “Ribye-ra-Nyoka”, kusuhi ni xihlovo xa Rogele. Kutani a rhamba vamakwavo hinkwavo vana va xinuna va hosi, ni vakulukumba hinkwavo va le vuhosini bya Yuda.

2 SAMIELE 17:17

Enkarhini wolowo, Yonatani na Ahimaasi a va yimile exihlobyeni xa Rogele kusuhi na Yerusalema. Kutani a ku ri ni nandza wa xisati loyi a a toloverile ku ya a ya va tivisa timhaka, hikuva vana a va nga lavi ku voniwa va ya eYerusalema; kutani a va fikisa timhaka ta kona eka hosi Davhida.

Yoxuwa 7:26

Vaisraele va fumba maribye ehenhla ka ntsumbu wa Akani ma endla nhulu leyikulu leyi nga kona ni namuntlha; kutani vukari bya HOSI Xikwembu byi vohla. Hikwalaho, ndhawu leyi ni namuntlha ya ha vuriwa Nkova wa Akora (hileswaku “Nkova-wa-Khombo”).

Hosiya 2:5

Mana wa vona ú endlile vunghwavava, yena loyi a va velekeke, ú hanyile hi ndlela yo khomisa tingana. Ú vurile a ku: ‘Ndzi ta famba ni swigangu swa mina, leswi swi ndzi nyikaka vuswa ni mati, swi ndzi nyika ni swiambalo swa xixika ni swa ximumu, ni mafurha yo tola, ni byalwa.’

Esaya 65:10

Rivala ra Xaroni ri ta hundzuka madyelo ya tinyimpfu, eka Nkova wa Akora, ku ta vundza tihomu, tiko hinkwaro ri ta va ra vanhu va mina lava va ndzi khongelaka.

Yoxuwa 15:15

Kutani Kalebe a suka eHebroni a ya hlasela muti wa Debiri lowu khale a wu vuriwa muti wa Kiriyata-Sefere.

Yoxuwa 10:43

Kutani Yoxuwa ni Vaisraele hinkwavo va tlhelela emixaxeni eGiligala.

Yoxuwa 7:24

Kutani Yoxuwa ni Vaisraele lava a a ri na vona hinkwavo va teka Akani n'wana Zera, va teka ni silivhere, ni xiambalo, ni gadi ra nsuku, ni vana va yena va xinuna ni va xisati, ni tihomu ta yena, ni timbhongolo, ni tinyimpfu, ni ntsonga wa yena, ni swilo hinkwaswo leswi a a ri na swona, va famba na swona va ya eka Nkova wa Akora.

Yoxuwa 4:19

Vaisraele va khupukile nambu wa Yordani hi siku ra vu-10 ra n'hweti yo sungula, kutani va ya gova eGiligala, evuxeni bya ndzilekana wa Yeriko.

Yoxuwa 15:6

Wu famba wu kongoma eBeta-Hogila, wu hundza wu ya ta hi le n'walungwini wa Beta-Araba, wu ya fika eribyeni ra Bohani n'wana Rhuveni.

Yoxuwa 18:17

Kutani ndzilekana wu jika wu kongoma etlhelo ra le n'walungwini, wu famba wu ya le Eni-Xemexi. Ku suka kona wu famba wu ya eGeliloto, ku langutana ni xiphandze xa Adumimi, wu rhelela wu kongoma eribyeni ra Bohani n'wana Rhuveni.