Yoxuwa 15:47 - BIBELE Mahungu Lamanene

⁴⁷ A ku ri ni muti wa Axidodo ni wa Gaza, ni miti ni swimitana swa yona. Miti leyi a yi katsa tindhawu leti ti fikaka endzilekaneni wa Egipta ni le lwandle ra Mediteraniya ni tindhawu leti nga eribuweni ra lwandle leri.

Xitsonga (Bibele)

⁴⁷ Axidodo ni miti ya yona ni swimitana; Gaza, ni miti ya yona ni swimitana, ku fika exinambyaneni xa Egipta ni Lwandle Lerikulu, endzilakaneni.

Yoxuwa 15:47 Referans Kwoze

Yoxuwa 15:4

Kutani wu tsemakanya wu kongoma le Asimoni, wu hundza wu ya ta hi le ndzilekaneni wa Egipta, wu ya helela elwandle. Lowu hi wona ndzilekana wa va ka Yuda wa le dzongeni.

Timhaka 8:26

Ntsumi ya Hosi yi vulavula na Filipi, yi ku ka yena: “Suka, u ya tlhelo ra dzonga endleleni leyi humaka eYerusalema, leyi rhelelaka yi ya eGaza.” (A ku tali ku famba munhu endleleni leyi.)

Sofoniya 2:4

Muti wa Gaza wu ta sala wu nga ri na munhu, ni wa Axikeloni wu ta hundzuka rhumbi; va le Axidodo va ta hlongoriwa, dyambu ri lo hosi! Va le Ekroni va ta rhurhisiwa.

Yeremiya 47:5

“Va le Gaza va byewurile tinhloko, va rila; va le Axikeloni a va ha vulavuli. N'wina masalela ya Vaanakimi, swa ku tixekelela hi mikwana enkosini, mi ta va na swona ku fikela rini ke?

Yeremiya 47:1

Lawa i mahungu hi tlhelo ra tiko ra Vafilista, lawa HOSI Xikwembu xi ma nyikeke muprofeta Yeremiya loko hosi Faro a nga si hlasela muti wa Gaza.

Yoxuwa 13:3

(Ku sukela enkoveni wa Xihoro lowu nga vuxeni bya tiko ra Egipta, ku ya fika endzilekaneni wa Ekroni hi tlhelo ra n'walungu, ndhawu leyi a yi tiviwa yi ri ya Vakanana. A ku ri ni tihosi ta ntlhanu ta Vafilista, ku nga hosi ya Gaza, ni ya Axidodo, ni ya Axikeloni, ni ya Gati, ni ya Ekroni.) Ka ha ri ni swifundzha swa Avhimi,

Eksoda 23:31

Ndzi ta ba mindzilekana ya tiko ra n'wina yi sukela eka Lwandle-ro-Tshwuka ku ya fika eLwandle ra Vafilista, ni ku suka emananga ya Sinayi ku ya fika enambyeni wa Yufrata, hikuva ndzi ta nyiketa vaaki va tiko emavokweni ya n'wina, mi va hlongola va suka emahlweni ka n'wina.

Yoxuwa 15:46

ni miti hinkwayo leyi nga kusuhi na Axidodo ni swimitana swa yona ku sukela le Ekroni, ku ya etlhelo ra lwandle.

Yoxuwa 15:48

Emagangeni a ku ri ni miti leyi: Xamiri, na Yatiri, na Soko;

Duteronoma 2:23

Vaavhimi lava a va tshama emitini leyi fambaka ku ya fika eGaza va herisiwile hi va le Kafitoro, lava va nga va tekela tiko va tshama eka rona.)

Yoxuwa 11:22

Etikweni ra Vaisraele a ku salanga na un'we wa va ka Anaka; laha a va selenyana hi le mutini wa Gaza ni wa Gati ni wa Axidodo ntsena.

1 TIHOSI 5:4

Kambe masiku lawa, HOSI Xikwembu xa mina xi ndzi nyikile ku rhula matlhelo hinkwawo. Ndzi hava nala; hambi xi ri xo hiha, ndzi hava ni xin'we.

2 TIHOSI 18:8

Naswona, hi yena loyi a hlaseleke Vafilista ku ya fika emutini wa Gaza ni le xitikwaneni xa kona, ku sukela eka swimitana swa varindzi, ku ya fika eka miti leyikulu ya makhokholo.

2 TIKRONIKA 26:6

Uziya a huma nyimpi a ya lwa ni Vafilista, a hlasela miti ya Gati na Yabine na Axidodo, a wisa rirhangu ra yona; naswona a aka miti yin'wana kusuhi ni Axidodo, ni kun'wana etikweni ra Vafilista.