Yoxuwa 15:2 - BIBELE Mahungu Lamanene

² Ndzilekana wa vona hi tlhelo leri ra dzonga a wu sukela laha Lwandle-ra-ku-fa ri helelaka kona, ensongeni lowu languteke edzongeni.

Xitsonga (Bibele)

² Ndzilakana wa vona wa le dzongeni wu suka emakun'wini ya Lwandle ro Dunga, tlhelo ra lwandle leri langutaka edzongeni;

Yoxuwa 15:2 Referans Kwoze

Ezekiele 47:8

Kutani mupimi a ku ka mina: “Mati lawa, ma khuluka ma kongoma etlhelweni ra le vuxeni ma kondza ma ya fika enkoveni wa Yordani, kutani ma ya nghena eLwandle-ra-ku-fa. Loko ma nghena elwandle leri, ma hundzula mati ya rona layo dzunga ma va layo nandziha.

Esaya 11:15

HOSI Xikwembu xi ta phyisa mati ya nsonga wa lwandle ra Egipta; xi ta ndzuluta voko ra xona ehenhla ka nambu wa Yufrata, kutani moya wa xona lowo hisa wu ta ta, wu avanyisa nambu, ku huma swinambyana swa 7, leswi munhu a nga swi tsemakanyaka a nga susanga ni tintanghu.

Genesa 14:3

Kutani tihosi leti hinkwato ti yima swin'we ti ya hlengeletana eka Nkova wa Sidimi (ri nga Lwandle-ra-ku-fa).

Ezekiele 47:18

Hi tlhelo ra le vuxeni, ndzilekana wu ta sukela emutini wa Hasari-Enana, exikarhi ka matiko ya Hawurana ni ya Damaska, wu lulama ni nambu wa Yordani wu ri karhi wu kongoma edzongeni, wu hundza exikarhi ka muganga wa Giliyadi ni tiko ra Israele, wu ya fika eTamari kusuhi ni Lwandle-ra-ku-fa. Ndzilekana wa le vuxeni wu ta va wona lowu.

Yoxuwa 3:16

kutani mati lama khulukaka ma ta hi hala tlhelo ra le henhla ka nambu ma yima, ma endla ndhundhuma ma ya fika ni le mutini wa Adama lowu nga kusuhi na Saretani. Mati lama khulukaka ma rhelela ma kongoma eLwandle ra Araba, ri nga Lwandle-ra-ku-fa, ma tsemeka, ma nga ha khuluki, kutani Vaisraele va pela nambu wa Yordani, ku langutana na Yeriko.

Tinhlayo 34:3

Hi tlhelo ra dzonga ri ta sukela emananga ya Sini, ri lulama ni tiko ra Edomu, kutani ndzilekana wa rona hi tlhelo leri ra dzonga wu ta sukela laha Lwandle-ra-ku-fa ri helelaka kona evuxeni.

Yoxuwa 15:1

Va ka Yuda va averiwile tindhawu ta vona hi ku ya hi mindyangu ya vona. Tiko ra vona hi tlhelo ra le dzongeni a ri navile ku ya fika endzilekaneni wa tiko ra Edomu, ni ku ya fika emananga ya Sini kwale dzongeni.

Yoxuwa 15:3

Ndzilekana lowu wu famba wu ya ta hi le dzongeni ra xiphandze xa Akrabimi, wu hundza wu ya fika eSini; wu tlhandluka wu ya ta hi le dzongeni ra Kadexe-Bariniya, wu lulama na Hesironi, wu ya fika le Adara, kutani wu jika wu kongoma eKaraka.