Yoxuwa 14:4 - BIBELE Mahungu Lamanene

⁴ Va ka Yosefa a va ri ni tinyimba timbirhi, yi nga ya ka Manase ni ya ka Efrayimi. Va ka Levhi, Muxe a nga va tsemelanga xiphemu xa vona etikweni, kambe ú lo va nyika ntsena miti yo tshama eka yona, ni madyelo ya swifuwo swa vona leswikulu ni leswitsongo.

Xitsonga (Bibele)

⁴ Hikuva vana va Yosefa, Manase na Efrayimi, a ti ri tinyimba timbirhi; kutani a ku nyikiwangi Valevhi ku averiwa etikweni, loko yi nga ri miti ya ku aka eka yona, ni matikwana ya yona lama fanelaka mitlhambi ya vona ni rifuwo ra vona.

Yoxuwa 14:4 Referans Kwoze

Genesa 48:5

Hikokwalaho, Efrayimi na Manase, va nga vana va wena lava velekiweke laha Egipta mina ndzi nga si fika, va ta hlayiwa va ri vana va mina, ku fana na Rhuveni kumbe Simiyoni va nga vana va mina.

Genesa 41:51

Kutani Yosefa a thya n'wana lowa mativula evito ra Manase, hikuva a a ku: “Xikwembu xi endlile leswaku ndzi rivala maxangu ya mina hinkwawo, ndzi nga ha tsundzuki ni le kaya.”

Genesa 46:20

etikweni ra Egipta, Yosefa ni nsati wa yena Asnati N'wa-Potifera muprista wa muti wa Ono, va kumile vana vambirhi, Manase na Efrayimi.

Genesa 48:1

Endzhaku ka timhaka leti, Yosefa a twa leswaku tata wa yena wa vabya, kutani a suka a ya kona ni vana va yena Manase na Efrayimi.

Tinhlayo 26:28

Mindyangu ya vana va Yosefa hi leyi: Wa ka Manase ni wa ka Efrayimi.

2 TIKRONIKA 30:1

Hezekiya a rhamba vanhu hinkwavo va Israele na Yuda ku ta eTempeleni eYerusalema, va ta dya nkhuvo wa Paseka ya HOSI, Xikwembu xa Israele; a rhamba ni va ka Efrayimi ni va ka Manase hi ku va tsalela mapapila.

Genesa 41:52

Kutani Yosefa a thya n'wana wa yena wa vumbirhi evito ra Efrayimi, hikuva a a ku: “Xikwembu xi ndzi nyikile vana etikweni leri ndzi xanisekeke eka rona.”

Genesa 48:6

Loko va ri vana va wena lava velekiweke endzhaku ka lavambirhi, vona a va nga hlayiwi va ri vana va mina; kutani ndzhaka ya vona va ta yi kuma eka vamakwavo.

Yoxuwa 16:4

Va ka Yosefa, va nga va nyimba ya ka Manase ni va nyimba ya ka Efrayimi, va kumile ndzhaka ya vona.