Yoxuwa 13:7 - BIBELE Mahungu Lamanene

⁷ Sweswi avela tinyimba leta 9 ni hafu ya va ka Manase etiko leri, yi va ndzhaka ya vona.”

Xitsonga (Bibele)

⁷ Kutani sweswi, avela tiko leri hi vuhlolotwana, yi va ndzhaka ya tinyimba ta ntlhanu na mune, ni ya hafu ya nyimba ya Manase.”

Yoxuwa 13:7 Referans Kwoze

Tinhlayo 33:54

Mi ta avelana tiko hi ku tirhisa vuhlolotwana. Mi ta nyikiwa ndzhaka ya n'wina hi ku ya hi ntalo wa vanhu va nyimba yin'wana ni yin'wana: Nyimba leyi nga ni vanhu lavo tala, yi ta nyikiwa ndhawu leyikulu, kasi nyimba leyi nga ni vanhu vatsongo yi ta nyikiwa ndhawu leyitsongo. Munhu un'wana ni un'wana ú ta kuma leswi vuhlolotwana byi nga ta komba swona, swi va swa yena.

Yoxuwa 13:6

Vaaki hinkwavo va le magangeni ya Lebanoni, ku ya fika eMisrefoto-Mayimi, ku katsa ni Vasidoni, mina ndzi ta va hlongola va suka emahlweni ka Vaisraele. Wena u fanele ku avela Vaisraele tiko leri, yi va ndzhaka ya vona, hilaha ndzi ku leriseke hakona.

Yoxuwa 13:8

Va ka Rhuveni ni va ka Gadi, swin'we ni hafu ya va ka Manase, va kumile ndzhaka ya vona leyi va yi nyikiweke hi Muxe entsungeni wa nambu wa Yordani, hi tlhelo ra le vuxeni. Tindhawu leti Muxe nandza wa HOSI Xikwembu a va nyikeke tona hi leti:

Pisalema 78:55

Xikwembu xi hlongorile vamatiko va suka emahlweni ka Vaisraele, xi nyika Vaisraele tiko ra kona leswaku ri va ra vona; kutani va titshamele emitini ya kona hi ku ya hi tinyimba ta ka vona.

Pisalema 105:44

Xi va nyikile tiko ra vanhu vambe, va dya mihandzu ya nyuku wa van'wana.

Ezekiele 45:1

Loko Vaisraele va avelana miganga ya tiko leri va nyikiweke rona, va ta veka etlhelo muganga wun'we, va wu hlayisela HOSI Xikwembu; wu ta leha ni ku anama 12 500 m, wu va lowu hlawulekeke matlhelo hinkwawo.

Tinhlayo 34:13

Muxe a byela Vaisraele a ku: “Leri hi rona tiko leri mi nga ta avelana rona hi vuhlolotwana, ri nga tiko leri HOSI Xikwembu xi leriseke leswaku ri nyikiwa tinyimba ta 9, ni hafu ya nyimba yin'wana.

Yoxuwa 14:2

Ndzhaka ya vona va va averile hi ku tirhisa vuhlolotwana, hilaha HOSI Xikwembu xi leriseke Muxe hakona leswaku a avela tinyimba ta Israele ta 9 ni hafu.