Yoxuwa 13:6 - BIBELE Mahungu Lamanene

⁶ Vaaki hinkwavo va le magangeni ya Lebanoni, ku ya fika eMisrefoto-Mayimi, ku katsa ni Vasidoni, mina ndzi ta va hlongola va suka emahlweni ka Vaisraele. Wena u fanele ku avela Vaisraele tiko leri, yi va ndzhaka ya vona, hilaha ndzi ku leriseke hakona.

Xitsonga (Bibele)

⁶ ni vaaki hinkwavo va ntshava ku suka eLebanoni, ku fika eMisrefoto-Mayimi; Vasidoni hinkwavo, Ndzi ta va hlongola emahlweni ka vana Vaisraele. Avanyisa ntsena matiko lawa hi vuhlolotwana, yi ta va ndzhaka ya Israele hilaha ndzi ku leriseke hakona.

Yoxuwa 13:6 Referans Kwoze

Yoxuwa 11:8

Kutani HOSI Xikwembu xi va nyiketa emavokweni ya Vaisraele, va va hlasela, va va hlongorisa ku kondza va ya fika emutini lowukulu wa Sidoni ni le Misrefoto-Mayimi. Hi tlhelo ra le vuxeni, va va hlongorisile ku kondza va ya fika eka Nkova wa Mispa, va va dlayetela ku nga sali na un'we wa mhamba.

Yoxuwa 23:13

tivani leswaku HOSI Xikwembu xa n'wina a xi nga ha yi emahlweni xi hlongola vamatiko lava va suka exikarhi ka n'wina, kutani va ta va ntlhamu ni rindzi eka n'wina, ni nkhavi etsheveni, ni mitwa ematihlweni ya n'wina, mi kondza mi hela laha tikweni leri ro saseka leri HOSI Xikwembu xi mi nyikeke rona.

Yoxuwa 23:4

Vonani, ndzi mi averile matiko hinkwawo lawa ma ha saleke, ni hinkwawo lawa ndzi ma tekeke, ku sukela enambyeni wa Yordani ku ya fika eLwandle ra Mediteraniya evupeladyambu, leswaku ma va ndzhaka ya tinyimba ta n'wina.

Tinhlayo 33:54

Mi ta avelana tiko hi ku tirhisa vuhlolotwana. Mi ta nyikiwa ndzhaka ya n'wina hi ku ya hi ntalo wa vanhu va nyimba yin'wana ni yin'wana: Nyimba leyi nga ni vanhu lavo tala, yi ta nyikiwa ndhawu leyikulu, kasi nyimba leyi nga ni vanhu vatsongo yi ta nyikiwa ndhawu leyitsongo. Munhu un'wana ni un'wana ú ta kuma leswi vuhlolotwana byi nga ta komba swona, swi va swa yena.

Yoxuwa 13:7

Sweswi avela tinyimba leta 9 ni hafu ya va ka Manase etiko leri, yi va ndzhaka ya vona.”

Pisalema 80:8

U tsuvurile murhi wa vhinya etikweni ra Egipta, u ya wu byala etikweni leri u hlongoleke vamatiko va suka eka rona.

Yoxuwa 1:6

U fanele ku tiya, u va ni xivindzi, hikuva hi wena u nga ta fikisa vanhu lava etikweni leri ndzi tshembiseke vatata wa vona hi ku hlambanya leswaku ndzi ta va nyika rona ri va ndzhaka ya vona.

Yoxuwa 11:12

Kutani Yoxuwa a hlasela miti leyi hinkwayo ni tihosi ta yona, a dlayetela vaaki va yona hi fumu, a va herisa hilaha Muxe nandza wa HOSI Xikwembu a leriseke hakona.

Yoxuwa 23:5

HOSI Xikwembu xa n'wina xi ta hlongola vaaki va wona va suka emahlweni ka n'wina, kutani mi ta teka matiko ya vona ma va ya n'wina, hilaha HOSI Xikwembu xi tshembiseke hakona.