Yoxuwa 13:3 - BIBELE Mahungu Lamanene

³ (Ku sukela enkoveni wa Xihoro lowu nga vuxeni bya tiko ra Egipta, ku ya fika endzilekaneni wa Ekroni hi tlhelo ra n'walungu, ndhawu leyi a yi tiviwa yi ri ya Vakanana. A ku ri ni tihosi ta ntlhanu ta Vafilista, ku nga hosi ya Gaza, ni ya Axidodo, ni ya Axikeloni, ni ya Gati, ni ya Ekroni.) Ka ha ri ni swifundzha swa Avhimi,

Xitsonga (Bibele)

³ ku suka eXihoro, lowu khulukelaka Egipta, ku fika endzilakaneni wa Ekroni, en'walungwini, tiko leri vuriwaka ra Vakanana: hileswaku tihosi ta ntlhanu ta Vafilista, ya Gaza, ya Axidodo, ya Axikeloni, ya Gati, ya Ekroni, ni Vaavhimi;

Yoxuwa 13:3 Referans Kwoze

Yeremiya 2:18

Kutani sweswi swi mi pfuna yini ku tsutsumela le Egipta, mi ya nwa mati enambyeni wa Nilo xana? Ni ku ya le Asiriya mi ya nwa mati enambyeni wa Yufrata, swi mi pfuna yini xana?

Vaavanyisi 3:3

Vamatiko va kona hi lava: Tihosi ta ntlhanu ta Vafilista, ni Vakanana hinkwavo, ni Vasidoni, ni Vahivhi lava akeke etintshaveni ta Lebanoni, ku sukela entshaveni ya Baala-Herimoni, ku ya fika exiphandzeni xa Hamata.

Duteronoma 2:23

Vaavhimi lava a va tshama emitini leyi fambaka ku ya fika eGaza va herisiwile hi va le Kafitoro, lava va nga va tekela tiko va tshama eka rona.)

1 SAMIELE 6:4

Kutani Vafilista va vutisa nakambe va ku: “Xana hi ta rhumela mhamba muni yo riha nandzu eka Xikwembu lexi xana?” Va hlamula va ku: “Rhumelani ntlhanu wa swifaniso swa matshumba swa nsuku, ni ntlhanu wa swifaniso swa makondlo swa nsuku, hi ku ya hi ntsengo wa tihosi ta Vafilista, hikuva mi weriwile hi ntungu wo fana n'wina hinkwenu swin'we ni tihosi leti.

Yoxuwa 13:13

Kambe loko va ri Vagexuri ni Vamaakati, Vaisraele a va va hlongolanga, kutani ni namuntlha va ha tshama exikarhi ka Vaisraele.

Genesa 10:6

Vana va Hamu hi lava: Kuxi, na Egipta, na Putu, na Kanana.

Vaavanyisi 16:5

Tihosi ta Vafilista ti tlhandlukela eka yena, ti fika ti ku: “Ringeta ku xavelela Samsoni, a ku byela laha matimba ya yena lamakulu ma nga kona, leswaku hi ta tiva leswi hi nga n'wi khomisaka swona, hi n'wi boha, hi n'wi heta matimba. Un'wana ni un'wana wa hina ú ta ku nyika mali ya tisilivhere ta 1 100.”

1 SAMIELE 5:1

Vafilista va tekile Areka ya Xikwembu le Ebenezere, va ya na yona emutini wa Axidodo.

1 TIHOSI 8:65

Solomoni a dya nkhuvo hi masiku ya 7, a ri ni vanhu hinkwavo va Israele. A yi ri nhlengeletano leyikulu ya vanhu lava a va huma ku sukela exiphandzeni xa Hamata en'walungwini ku ya fika endzilekaneni wa Egipta edzongeni.

Esaya 23:3

va perile milambu yo tala; mavele ya le Xihoro lama tshoveriwaka eribuweni ra Nilo, mi endlile bindzu ha wona, mi famba mi xavisa ematikweni.

Genesa 15:18

Hi siku rero, HOSI Xikwembu xi endla ntwanano na Abrama, xi ku ka yena: “Tiko leri, ndzi ta ri nyika vatukulu va wena, ku sukela endzilekaneni wa tiko ra Egipta ku ya fika enambyeni lowukulu wa Yufrata,

1 SAMIELE 5:8

Kavaloko va rhumela rito eka tihosi ta Vafilista, ti endla nhlengeletano na vona, kutani va ti vutisa va ku: “Xana hi ta endla yini hi Areka ya Xikwembu xa Israele xana?” Tihosi ti hlamula ti ku: “Areka ya Xikwembu xa Israele a yi hundziseriwe emutini wa Gati.” Kutani va endlisa sweswo.

1 SAMIELE 5:10

Kavaloko va rhumela Areka ya Xikwembu emutini wa Ekroni. Kambe loko Areka ya Xikwembu yi fika le Ekroni, vaaki va kona va huwelela va ku: “Va tisile Areka ya Xikwembu xa Israele eka hina leswaku yi ta hi heta, hina ni va ka hina.”

1 TIKRONIKA 13:5

Hiloko Davhida a hlengeleta Vaisraele hinkwavo, ku sukela endzilekaneni wa Egipta edzongeni ku ya fika exiphandzeni xa Hamata en'walungwini, leswaku va ya teka Areka ya Xikwembu eKiriyata-Yeyarimi.