Yoxuwa 12:8 - BIBELE Mahungu Lamanene

⁸ Tiko ra kona ri katsa tindhawu ta le magangeni, ni ta le timbaleni, ni ta le ka Nkova wa Yordani ni ta le swinkobyaneni, ni ta le mananga, ni ta le dzongeni, ri nga tiko ra Vahiti, ni Vaamori, ni Vakanana, ni Vaperesi, ni Vahivhi, ni Vayebusi.

Xitsonga (Bibele)

⁸ ku ri entshaveni, ni le tikweni leri nga ehansi, ni le rivaleni, ni le ku rheleleni ka tintshava, ni le mananga, ni le dzongeni: va ri Vahiti, ni Vaamori, ni Vakanana, ni Vaperesi ni Vahivhi ni Vayebusi.

Yoxuwa 12:8 Referans Kwoze

Yoxuwa 11:16

Hiloko Yoxuwa a teka tiko hinkwaro, ku nga tindhawu ta le magangeni ni ta le dzongeni, ni tiko hinkwaro ra Goxeni ni tindhawu ta le timbaleni, ni ta le ka Nkova wa Yordani, ni ta le magangeni ya tiko ra Israele, ni le timbaleni ta kona;

Yoxuwa 10:40

Hi ndlela leyi, Yoxuwa a hlula tiko hinkwaro, ku nga tindhawu ta le magangeni ni ta le dzongeni, ni le timbaleni ni le minkoveni, a hlula tihosi ta kona hinkwato. Yoxuwa a nga siyanga na un'we wa vona, ú herisile hinkwaswo leswi hanyaka, hilaha HOSI Xikwembu xa Israele xi leriseke hakona.

Yoxuwa 9:1

Timhaka leti ti fikile etindleveni ta tihosi hinkwato ta Vahiti, ni Vaamori, ni Vakanana, ni Vaperesi, ni Vahivhi ni Vayebusi, leti a ti tshama emagangeni ni le timbaleni hi tlhelo ra vupeladyambu bya nambu wa Yordani, ku lulama ni Lwandle ra Mediteraniya ku ya fika etintshaveni ta Lebanoni.

Duteronoma 9:1

“Yingisani, n'wina Vaisraele! Namuntlha mi ta pela nambu wa Yordani, mi ya tekela lava va mi tlulaka hi ku tala ni matimba etiko ra vona; mi ta teka ni miti leyikulu swinene, leyi makhumbi ya yona ma leheke, ma ya dliva tilo.

Duteronoma 7:1

“Loko HOSI Xikwembu xa n'wina xi mi fikisa etikweni leri mi yaka eka rona ku ya ri teka ri va ra n'wina, xi ta hlongola vanhu lava va mi tlulaka hi ku tala ni ku tiya va suka emahlweni ka n'wina, ti nga tinxaka leti ta 7: Vahiti, ni Vagirigaxi, ni Vaamori, ni Vakanana, ni Vaperesi, ni Vahivhi, ni Vayebusi.

Eksoda 23:23

“Ntsumi ya mina yi ta rhanga emahlweni ka n'wina, yi ya mi fikisa eka Vaamori, ni Vahiti, ni Vaperesi, ni Vakanana ni Vahivhi, ni Vayebusi, kutani ndzi ta nyamalarisa vanhu lava.

Eksoda 3:8

Hikokwalaho, ndzi rhelerile ku ta va lamulela emavokweni ya Vaegipta, ndzi va humesa etikweni leriya, ndzi va yisa etikweni lero nona, leri anameke, tiko leri khulukaka ntswamba ni vulombe, ku nga laha ku akeke Vakanana, ni Vahiti, ni Vaamori, ni Vaperesi, ni Vahivhi, ni Vayebusi.

Genesa 10:17

ni Vahivhi, ni Vaariki, ni Vasini,

Genesa 12:9

Kutani Abrama a ya emahlweni ni riendzo ra yena ro ya edzongeni.

Genesa 13:7

Tlhandlakambirhi, a ku ri ni ku holova exikarhi ka varisi va swifuwo swa Abrama ni varisi va swifuwo swa Lota. Enkarhini lowu, Vakanana ni Vaperesi a va ha tshama etikweni leri.

Yoxuwa 3:10

Kutani Yoxuwa a ku ka vona: “Mi ta swi tiva leswaku Xikwembu lexi hanyaka xi le xikarhi ka n'wina, naswona xi nga ka xi nga tsandzeki ku hlongola Vakanana, ni Vahiti, ni Vahivhi, ni Vaperesi, ni Vagirigaxi, ni Vaamori, ni Vayebusi, va suka emahlweni ka n'wina.

Vaavanyisi 1:9

Kutani mavuthu lawa ya va ka Yuda ma rhelela ma ya hlasela Vakanana lava a va tshama emagangeni, ni le dzongeni, ni le timbaleni.