Yoxuwa 12:5 - BIBELE Mahungu Lamanene

⁵ a fuma ku sukela entshaveni ya Hermoni ni le Saleka, ni tiko hinkwaro ra Baxani ku ya fika endzilekaneni wa Vagexuri ni Vamaakati, ni hafu ya tiko ra Giliyadi ku ya fika endzilekaneni wa Sihoni hosi ya Hexiboni.

Xitsonga (Bibele)

⁵ a a fuma entshaveni ya Hermoni, na Saleka, na Baxani hinkwayo ku fika endzilakaneni wa Vagexuri, ni Vamaakati, ni ku fika eka hafu ya Giliyadi, endzilakaneni wa tiko ra Sihoni, hosi ya Hexiboni.

Yoxuwa 12:5 Referans Kwoze

Duteronoma 3:14

Yayiro n'wana Manase, ú tekile xifundzha hinkwaxo xa Arigobi, ri nga tiko ra Baxani ku ya fika endzilekaneni wa Vagexuri ni Vamaakati; kutani Yayiro a thya miti ya kona hinkwayo evito ra yena, ninamuntlha ya ha tiviwa hi vito ra ‘Havhota-Yayiro’.)

1 SAMIELE 27:8

Enkarhini wolowo, Davhida ni vavanuna va yena a va hamba va huma nyimpi va ya hlasela Vagexuri, ni Vagirizi, ni Vaamaleke lava a ku ri khale va tshamile etikweni rero, ku ya fika emutini wa Xuru, kusuhi ni tiko ra Egipta.

Yoxuwa 13:11

ni tiko ra Giliyadi, ni xifundzha xa Vagexuri, ni xa Vamaakati, ni ntshava hinkwayo ya Hermoni, ni tiko hinkwaro ra Baxani ku ya fika eSaleka,

2 TIHOSI 25:23

Vafambisi va mavuthu lava a va ha tumberile enhoveni ni masocha ya vona, va twa leswaku hosi ya le Babilona yi vekile Gedaliya ku va murhangeri etikweni, kutani va ya hlangana na yena emutini wa Mispa, va ri ni malandza ya vona. Lava yeke i Iximaele n'wana Netaniya, na Yohanani n'wana Kariyaka, na Seraya n'wana Tanahumeti wa Munetofa, na Yaazaniya n'wana wa Mumaaka.

2 SAMIELE 23:34

Elifalete n'wana Ahasibayi wa le Maaka; Eliyama n'wana Ahitofele wa le Gilo;

2 SAMIELE 15:8

Mina nandza wa wena, ndzi tibohile hi ku hlambanya, loko ndza ha ri le Gexuri etikweni ra Siriya, ndzi ku: ‘Loko HOSI Xikwembu xi nga ndzi vuyisela eYerusalema hakunene, ndzi ta xi humesela magandzelo.’ ”

2 SAMIELE 13:37

Loko Abixalomu a balekile, ú chavele eka Talimayi n'wana Amihudi hosi ya le Gexuri, kutani Davhida a sala a rila n'wana wa yena Aminoni nkarhi wo leha.

2 SAMIELE 3:3

Wa vumbirhi i Kileyabu, a nga n'wi kuma na Abigayele, loyi khale a a ri nkata Nabala wa le Karmele. Wa vunharhu i Abixalomu, loyi a n'wi kumeke na Maaka, N'wa-Talimayi hosi ya Gexuri.

Yoxuwa 12:1

Vaisraele va hlurile tihosi ta tiko leri nga ntsungeni wa nambu wa Yordani hi tlhelo ra le vuxeni, va teka tiko ra tona. Tiko ra kona ri sukela enkoveni wa Arinoni ri ya fika entshaveni ya Hermoni, ri katsa tindhawu hinkwato leti nga eka Nkova wa Yordani, hi tlhelo ra le vuxeni.

Yoxuwa 11:3

A va rhuma ni le ka Vakanana lava a va tshama evuxeni ni le vupeladyambu; ni le ka Vaamori, ni Vahiti, ni Vaperesi, ni Vayebusi lava a va tshama emagangeni, ni le ka Vahivhi lava a va tshama ehansi ka ntshava ya Hermoni etikweni ra Mispa.

1 TIKRONIKA 5:11

Va ka Gadi a va vandzakanile ni va ka Rhuveni, va ri etikweni ra Baxani ku ya fika le Saleka.

Yeremiya 40:8

Hiloko vafambisi lava va ya eka Gedaliya le Mispa. Lava yeke i Iximaele n'wana Netaniya, ni vana va Kariyaka va nga Yohanani na Yonatani, na Seraya n'wana Tanahumeti, ni vana va Efayi loyi wa Munetofa, na Yezaniya loyi wa ka Maaka, hinkwavo va ri ni malandza ya vona.