Yoxuwa 12:1 - BIBELE Mahungu Lamanene

¹ Vaisraele va hlurile tihosi ta tiko leri nga ntsungeni wa nambu wa Yordani hi tlhelo ra le vuxeni, va teka tiko ra tona. Tiko ra kona ri sukela enkoveni wa Arinoni ri ya fika entshaveni ya Hermoni, ri katsa tindhawu hinkwato leti nga eka Nkova wa Yordani, hi tlhelo ra le vuxeni.

Xitsonga (Bibele)

¹ Hi tona tihosi leti nga hluriwa hi vana va Israele, leti va tekeke tiko ra tona ehase ka Yordani, evuxeni, ku suka exinambyaneni xa Arinoni ku ya fika entshaveni ya Hermoni, ni rivala hinkwaro ra le vuxeni:

Yoxuwa 12:1 Referans Kwoze

Vaavanyisi 11:18

“Loko va suka kona, va tsemakanyile mananga, va ta hi le handle ka tiko ra Edomu ni ra Mowabu, Vaisraele a va nghenanga etikweni ra Mowabu. Kambe va fambile va ya gova entsungeni wa nambu wa Arinoni, wu nga wona ndzilekana evuxeni bya tiko ra Mowabu.

Yoxuwa 1:15

ku kondza HOSI Xikwembu xi wisisa vamakwenu ku fana na n'wina; kutani na vona va ta teka tiko leri HOSI Xikwembu xa n'wina xi va nyikaka rona; hi kona n'wina mi nga ta tlhelela etikweni leri mi nyikiweke rona, kutani tiko leri Muxe nandza wa HOSI Xikwembu a mi nyikeke rona hi tlhelo ra le vuxeni bya nambu wa Yordani ri ta va ndzhaka ya n'wina.”

Tinhlayo 21:24

Kutani Vaisraele va dlaya Sihoni ni vanhu va yena, va va tekela tiko ra vona, ku suka eArinoni ku ya fika enambyeni wa Yaboko, endzilekaneni wa tiko ra Vaamori. Ndzilekana wa kona a wu ri ni makhokholo.

Tinhlayo 21:13

Va suka kona, va khupuka va ya gova entsungeni wa nambu wa Arinoni, emananga lama sukelaka endzilekaneni wa tiko ra Vaamori (nambu wa Arinoni hi wona ndzilekana exikarhi ka tiko ra Vamowabu ni tiko ra Vaamori).

Esaya 16:2

hikuva le mahlalukweni ya nambu wa Arinoni, vavasati va Mowabu va tsutsuma va ya hala ni hala, va fana ni tinyanyana leti hlongoriweke eswisakeni swa tona.

Pisalema 133:3

Swi fana ni mberha ya Hermoni loko yi wela etintshaveni ta Siyoni, laha HOSI Xikwembu xi katekisaka vanhu xi ri kona, xi va nyika vutomi hilaha ku nga heriki.

Yoxuwa 22:4

Sweswi HOSI Xikwembu xi wisisile vamakwenu hilaha xi tshembiseke hakona; kutani n'wina tlhelelani emakaya, etikweni ra n'wina leri Muxe nandza wa HOSI Xikwembu a mi nyikeke rona entsungeni wa nambu wa Yordani.

Yoxuwa 11:17

a teka ku sukela ehansi ka ntshava ya Halaka leyi nga kusuhi na Seyira, yi hundza yi ya fika le Baali-Gadi eka Nkova wa Lebanoni, ehansi ka ntshava ya Hermoni. Yoxuwa a khoma tihosi ta kona hinkwato, a ti ba a ti dlaya.

Yoxuwa 11:3

A va rhuma ni le ka Vakanana lava a va tshama evuxeni ni le vupeladyambu; ni le ka Vaamori, ni Vahiti, ni Vaperesi, ni Vayebusi lava a va tshama emagangeni, ni le ka Vahivhi lava a va tshama ehansi ka ntshava ya Hermoni etikweni ra Mispa.

Duteronoma 4:48

Matiko ya tona a ma sukela emutini wa Arowere, egangeni ra nkova wa Arinoni edzongeni, ma ya fika entshaveni ya Siriyoni, hileswaku ntshava ya Hermoni en'walungwini,

Duteronoma 2:24

“Kutani HOSI Xikwembu xi ku: ‘Sukani mi famba, mi tsemakanya nkova wa Arinoni. Ndzi nyiketile hosi ya Hexiboni Sihoni lowa Muamori ni tiko ra yena emavokweni ya n'wina; lwanani na yena mi n'wi tekela tiko.

Tinhlayo 32:19

Hina a hi nga vi na ndzhaka exikarhi ka vona halahaya ntsungeni wa Yordani, hikuva ya hina ndzhaka hi yi kumile haleno, evuxeni bya nambu.”

Tinhlayo 32:33

Kutani Muxe a teka tiko ra Sihoni hosi ya Vaamori ni tiko ra Ogo hosi ya Baxani, a nyika va ka Gadi ni va ka Rhuveni, ni van'wana va ka Manase n'wana Yosefa; a va nyika tindhawu hinkwato ta matiko lawa ni miti ya wona hinkwayo.

Yoxuwa 13:8

Va ka Rhuveni ni va ka Gadi, swin'we ni hafu ya va ka Manase, va kumile ndzhaka ya vona leyi va yi nyikiweke hi Muxe entsungeni wa nambu wa Yordani, hi tlhelo ra le vuxeni. Tindhawu leti Muxe nandza wa HOSI Xikwembu a va nyikeke tona hi leti:

Pisalema 89:12

Hi wena u tumbuluxeke dzonga ni n'walungu, tintshava ta Taboro na Hermoni ti ba minkulungwana, ti dzunisa vito ra wena.

Pisalema 136:21

Kutani a teka tiko ra vona a ri nyika Vaisraele, — Rirhandzu ra yena hi leri nga heriki —

Tinhlayo 21:21

Kutani Vaisraele va rhuma vanhu eka Sihoni hosi ya Vaamori, va fika va ku ka yona:

Tinhlayo 32:32

Hi ta hloma matlhari hi tsemakanya nambu wa Yordani emahlweni ka HOSI Xikwembu, hi ya nghena etikweni ra Kanana; loko yi ri ndhawu leyi yi nga ta va ndzhaka ya hina, yi ta va yi ri haleno ntsungeni lowu wa Yordani.”

Duteronoma 2:32

Kutani Sihoni ni mavuthu ya yena hinkwawo va ta va ta hlangana na hina, hi lwa le Yahasi.

Duteronoma 3:1

“Kutani hi suka etikweni ra Sihoni, hi tlhandluka hi ndlela leyi kongomaka eBaxani; hiloko Ogo hosi ya le Baxani ni mavuthu ya yena hinkwawo va huma ku ta lwa na hina le Edreyi.

Duteronoma 4:44

Lowu hi wona Nawu lowu a wu nyikeke Vaisraele,

Duteronoma 4:46

Enkarhini wolowo, Vaisraele a va ri evuxeni bya nambu wa Yordani, enkoveni lowu langutaneke ni muti wa Beta-Peyori. Tiko ra kona a ri ri ra Sihoni hosi ya Vaamori, loyi a a tshama emutini wa Hexiboni. Muxe ni Vaisraele va n'wi hlurile loko va humile etikweni ra Egipta,

1 TIHOSI 4:19

Gebere n'wana Uri, etikweni ra Giliyadi, ri nga tiko ra Sihoni hosi ya Vaamori ni ra Ogo hosi ya Baxani. Naswona a ku ri ni mufambisi wa tindhuna etikweni.