Yoxuwa 11:23 - BIBELE Mahungu Lamanene

²³ Hiloko Yoxuwa a teka tiko hinkwaro hilaha HOSI Xikwembu xi leriseke Muxe hakona. Kutani Yoxuwa a ri nyika Vaisraele hi ku ya hi tinyimba ta vona, leswaku yi va ndzhaka ya vona. Kutani ku va ni ku rhula etikweni.

Xitsonga (Bibele)

²³ Yoxuwa a teka tiko hinkwaro hilaha Yehovha a byeleke Muxe hakona, kutani Yoxuwa a ri nyika Israele, yi va ndzhaka ya yena, a nyika nyimba yin'wana ni yin'wana hi ku averiwa ka vona; kutani tiko ri wisa, ri nga vi na ku lwa.

Yoxuwa 11:23 Referans Kwoze

Pisalema 46:9

Xi siverile tinyimpi ku ya fika evugimamusi, vurha xi tshovile, xi bvinyile ni matlhari; makalichi ya nyimpi xi ma hisile!

Yoxuwa 23:1

Loko ku hundzile nkarhi wo leha, HOSI Xikwembu xi wisisile Vaisraele matlhelo hinkwawo, va nga ha karhatiwi hi valala va vona. Enkarhini lowu, Yoxuwa a a dyuharile swinene.

Yoxuwa 22:4

Sweswi HOSI Xikwembu xi wisisile vamakwenu hilaha xi tshembiseke hakona; kutani n'wina tlhelelani emakaya, etikweni ra n'wina leri Muxe nandza wa HOSI Xikwembu a mi nyikeke rona entsungeni wa nambu wa Yordani.

Yoxuwa 18:10

Yoxuwa a va vutisela timhaka eka HOSI Xikwembu hi ku tirhisa vuhlolotwana eXilo; kutani a avela Vaisraele tiko, nyimba yin'wana ni yin'wana yi kuma xiphemu xa yona.

Yoxuwa 11:18

Yoxuwa ú lwile ni tihosi leti nkarhi wo leha swinene.

Duteronoma 25:19

Hikokwalaho, loko HOSI Xikwembu xa n'wina xi ta va xi mi wisisile ni ku mi sirhelela eka valala va n'wina lava nga ta va va mi rhendzerile matlhelo hinkwawo, etikweni leri xi nga ta mi nyika rona ri va ndzhaka ya n'wina, mi fanele ku herisa Vaamaleke emisaveni, ku nga sali na un'we loyi vanhu va nga ta va tsundzuka ha yena; mi nga yi rivali mhaka leyi.

Duteronoma 1:38

Yoxuwa n'wana Nuni, yena loyi a ku tirhelaka, hi yena la nga ta nghena eka rona; n'wi tiyise, hikuva ú ta pfuna Vaisraele ku kuma tiko leri leswaku ri va ndzhaka ya vona.

Eksoda 34:11

“Hlayisani leswi ndzi mi lerisaka swona namuntlha. Mina ndzi ta hlongola Vaamori, ni Vakanana, ni Vahiti, ni Vaperesi, ni Vahivhi, ni Vayebusi, va suka emahlweni ka n'wina.

Nehemiya 9:24

Kutani vatukulu va vona va nghenile va teka tiko leri ri va ra vona; wena u va hlulerile Vakanana, vona vaaki va tiko, u va nyiketa emavokweni ya Vaisraele, u nyiketa ni tihosi ta Vakanana ni vanhu lava tshamaka etikweni rero leswaku Vaisraele va ta endla leswi va swi tsakelaka ha vona.

Ezekiele 45:8

Hi mukhuva lowu, tihosi ti ta averiwa muganga lowu nga ta va wa tona etikweni ra Israele; kutani a ti nga ha xanisi vanhu va HOSI Xikwembu; ti ta tshika Vaisraele va va ni miganga ya vona hi voxe hi ku ya hi tinyimba ta vona.

Yoxuwa 12:7

Yoxuwa ni Vaisraele va hlurile tihosi ta tiko leri nga vupeladyambu bya nambu wa Yordani. Tiko ra kona ri sukela eBaali-Gadi eka Nkova wa Lebanoni, ri ya fika entshaveni ya Halaka leyi nga kusuhi na Seyira. Kutani Yoxuwa a teka tiko ra tona a ri nyika Vaisraele hi ku ya hi tinyimba ta vona leswaku ri va ra vona.