Yoxuwa 11:22 - BIBELE Mahungu Lamanene

²² Etikweni ra Vaisraele a ku salanga na un'we wa va ka Anaka; laha a va selenyana hi le mutini wa Gaza ni wa Gati ni wa Axidodo ntsena.

Xitsonga (Bibele)

²² A ku salanga Vaanaka etikweni ra vana va Israele va sala ntsena eGaza, na Gati na Axidodo.

Yoxuwa 11:22 Referans Kwoze

1 SAMIELE 17:4

Kutani wanuna wa xihontlovila la vuriwaka Goliyadi, wa le Gati, a huma emixaxeni ya Vafilista. Wanuna loyi a a lehile ku lava ku ringana timitara tinharhu.

Yoxuwa 15:46

ni miti hinkwayo leyi nga kusuhi na Axidodo ni swimitana swa yona ku sukela le Ekroni, ku ya etlhelo ra lwandle.

Esaya 20:1

Lembe rin'wana, Sargoni hosi ya Asiriya a lerisa mufambisi wa mavuthu ku ya hlasela muti wa Axidodo, kutani a fika a wu hlula, a wu teka.

2 TIKRONIKA 26:6

Uziya a huma nyimpi a ya lwa ni Vafilista, a hlasela miti ya Gati na Yabine na Axidodo, a wisa rirhangu ra yona; naswona a aka miti yin'wana kusuhi ni Axidodo, ni kun'wana etikweni ra Vafilista.

1 TIKRONIKA 18:1

Endzhaku ka timhaka teto, Davhida a tlhela a lwa ni Vafilista a va hlula, a heta matimba ya mfumo wa vona, a va tekela muti wa Gati ni swimitana swa wona.

1 TIKRONIKA 8:13

Vana van'wana va Elifali i Beriya, na Xema. A va ri varhangeri va mindyangu ya ka vona, emutini wa Ayaloni. Hi vona va hlongoleke vanhu va le Gati.

1 TIHOSI 2:39

Kambe siku rin'wana loko ku hundzile malembe manharhu, mahlonga mambirhi ya Ximeyi ma balekela eka Akixi, n'wana Maaka, hosi ya le Gati. Loko mhaka leyi yi fika etindleveni ta Ximeyi ni loko a twa leswaku mahlonga ya yena ma le Gati,

1 SAMIELE 5:1

Vafilista va tekile Areka ya Xikwembu le Ebenezere, va ya na yona emutini wa Axidodo.

Vaavanyisi 3:3

Vamatiko va kona hi lava: Tihosi ta ntlhanu ta Vafilista, ni Vakanana hinkwavo, ni Vasidoni, ni Vahivhi lava akeke etintshaveni ta Lebanoni, ku sukela entshaveni ya Baala-Herimoni, ku ya fika exiphandzeni xa Hamata.

Timhaka 8:40

Loko a ri Filipi, a tikuma a ri le Azoto; kutani a famba-famba emitini hinkwayo a ri karhi a twarisa Evhangeli, a kondza a fika eKhezariya.

Duteronoma 9:2

Vaaki va rona va tele, naswona va lehile; hi vona va ka Anaka lava mi va tivaka, lava mi tweke leswaku a ku na rixaka leri ri nga va tiyelaka.

Yoxuwa 15:14

Kutani Kalebe a hlongola Vaanaka vanharhu, Xexani, na Ahimani, na Talimayi, va nga vana va Anaka, a va humesa emutini lowu.

Vaavanyisi 1:18

Va ka Yuda va teka ni miti leyi: Gaza, na Axikeloni, na Ekroni, va teka ni tindhawu ta yona.

Duteronoma 2:23

Vaavhimi lava a va tshama emitini leyi fambaka ku ya fika eGaza va herisiwile hi va le Kafitoro, lava va nga va tekela tiko va tshama eka rona.)

Yoxuwa 10:41

Kutani Yoxuwa a hlasela ku sukela eKadexe-Bariniya ku ya fika eGaza, a hlasela ni tiko hinkwaro ra Goxeni ku ya fika eGibiyoni.

Yoxuwa 15:47

A ku ri ni muti wa Axidodo ni wa Gaza, ni miti ni swimitana swa yona. Miti leyi a yi katsa tindhawu leti ti fikaka endzilekaneni wa Egipta ni le lwandle ra Mediteraniya ni tindhawu leti nga eribuweni ra lwandle leri.