Yoxuwa 11:21 - BIBELE Mahungu Lamanene

²¹ Kutani enkarhini wolowo Yoxuwa a fika a dlayetela va ka Anaka lava a va tshama emagangeni, ni le Hebroni, ni le Debiri, ni le Anabu, ni le magangeni hinkwawo ya tiko ra Yuda, ni le magangeni hinkwawo ya tiko ra Israele; Yoxuwa a va herisa hinkwavo ni miti ya vona.

Xitsonga (Bibele)

²¹ Enkarhini wolowo, Yoxuwa a ta, a heta Vaanaka va le ntshaveni ya Hebroni, ni le Debiri, ni le Anabu, ni le ntshaveni hinkwayo ya Yuda, ni le ntshaveni hinkwayo ya Israele; Yoxuwa a va yirisa swin'we ni miti ya vona.

Yoxuwa 11:21 Referans Kwoze

Duteronoma 9:2

Vaaki va rona va tele, naswona va lehile; hi vona va ka Anaka lava mi va tivaka, lava mi tweke leswaku a ku na rixaka leri ri nga va tiyelaka.

Duteronoma 1:28

Xana hi tlhandluka hi ya kwihi xana? Lava hi va rhumeke va hi hete matimba hi ku hi byela leswaku vanhu va kona va tiyile, naswona va hi tlula hi ku tala; va ni miti leyikulu swinene, leyi makhumbi ya yona ma leheke ma ya dliva tilo! Etikweni rero, va vonile ni swihontlovila swa rixaka ra va ka Anaka.’

Nhlavutelo 6:2

Ndzi languta, kutani ndzi vona hanci leyo basa. Loyi a gadeke yona a a khomile vurha, a nyikiwile ni harhi ya vuhosi, a huma kukota nhenha leyi yaka eku hluleni.

Amosi 2:9

Kasi hi mina ndzi va heriseleke Vaamori, vanhu lava ringanaka ni mirhi ya kedari hi ku leha, lava tiyeke ku fana ni mirhi ya minkuhlu; ndzi mbumburhuxile mihandzu ya kona, ndzi tsema ni timitsu ta kona.

Yeremiya 9:23

HOSI Xikwembu xi vula sweswo xi ri: “Ntlhari yi nga tikurisi hi vutlhari bya yona, ni nhenha hi vunhenha bya yona, na yena la fumeke a nga tidzunisi hi rifuwo ra yena.

Yeremiya 3:23

Hakunene vukhongeri bya hava bya le switsungeni bya kanganyisa; leswi va swi endlaka etintshaveni i huwa ntsena. Ku ponisiwa ka hina Vaisraele ku huma ka wena hakunene, wena HOSI Xikwembu xa hina.

Vaavanyisi 1:20

Kalebe a nyikiwa muti wa Hebroni hilaha Muxe a a lerisile hakona, kutani a hlongola vana vanharhu va Anaka va suka eHebroni.

Yoxuwa 10:42

Yoxuwa ú kotile ku teka matiko lawa hinkwawo ni tihosi ta wona hi nkarhi wun'we hikuva HOSI Xikwembu xa Israele a xi lwela Vaisraele.

Duteronoma 2:21

Va ka Refayimi a va ri vanhu vo tiya, naswona a va tele, va tlhela va leha ku fana ni va ka Anaka; kambe HOSI Xikwembu xi va herisile, kutani Vaamoni va teka tiko ra va ka Refayimi, va tshama eka rona.

Tinhlayo 13:33

hi vonile ni va rixaka ra ka Anaka, va nga swihontlovila swa vanhu. Loko hi tiringanisa na vona, hina a ho va switsotso ntsena, ha tshemba na vona a va hi vonisa sweswo.”