Yoxuwa 11:14 - BIBELE Mahungu Lamanene

¹⁴ Swifuwo ni swilo hinkwaswo leswi phanghiweke emitini leyi, Vaisraele va titekerile swona. Kambe vanhu vona va va dlayeterile hi fumu, va va herisa, ku nga sali na xilo na xin'we lexi hanyaka.

Xitsonga (Bibele)

¹⁴ Vana Vaisraele va avelana xuma hinkwaxo, ni swifuwo swa miti leyi, kambe va dlaya hi tlhari vanhu hinkwavo va ko va va heta kunene va nga siyanga munhu.

Yoxuwa 11:14 Referans Kwoze

Yoxuwa 11:11

Vaisraele va dlayetela hinkwavo lava a va ri kona hi fumu, va va herisa, ku nga sali na xilo na xin'we lexi hanyaka; va tlhela va hisa muti lowu hi ndzilo.

Yoxuwa 10:40

Hi ndlela leyi, Yoxuwa a hlula tiko hinkwaro, ku nga tindhawu ta le magangeni ni ta le dzongeni, ni le timbaleni ni le minkoveni, a hlula tihosi ta kona hinkwato. Yoxuwa a nga siyanga na un'we wa vona, ú herisile hinkwaswo leswi hanyaka, hilaha HOSI Xikwembu xa Israele xi leriseke hakona.

Yoxuwa 8:27

Vaisraele va lo teka ntsena swifuwo ni swilo leswi va swi phangheke emutini wa Ayi, va famba na swona hilaha HOSI Xikwembu xi leriseke Yoxuwa hakona.

Duteronoma 20:14

Kambe mi ta phangha vavasati ni vana ni swifuwo, ni swilo hinkwaswo leswi nga mutini lowu wa valala va n'wina, mi titekela swona swi va swa n'wina, mi tiphina, hikuva mi ta va mi nyikiwile swona hi HOSI Xikwembu xa n'wina.

Tinhlayo 31:9

Vaisraele va khoma vavasati va Vamidiyani va famba na vona ni vana va vona; va phangha ni mintlhambi hinkwayo ya swifuwo swa vona, ni rifuwo ra vona hinkwaro,

Duteronoma 20:16

Kasi loko ku ri emitini leyi HOSI Xikwembu xa n'wina xi nga ta mi nyika yona leswaku yi va ndzhaka ya n'wina, mi ta dlaya xin'wana ni xin'wana lexi hefemulaka.

Yoxuwa 11:13

Vaisraele a va hisanga na muti na wun'we eka leyi a yi akiwile ehenhla ka marhumbi, ehandle ka muti wa Hasoro lowu Yoxuwa a wu hiseke.

Yoxuwa 11:15

Yoxuwa ú endlile hinkwaswo leswi Muxe nandza wa HOSI Xikwembu a n'wi leriseke swona, hilaha Muxe a leriseke hakona hi HOSI Xikwembu. Yoxuwa a nga siyanga na xilo na xin'we.

Yoxuwa 8:2

U fanele ku endla muti wa Ayi ni hosi ya wona leswi u swi endleke muti wa Yeriko ni hosi ya wona; kambe leswi mi nga ta phangha eka wona ni swifuwo leswi mi nga ta swi teka swi ta va swa n'wina. U fanele ku veka vanhu endzhaku ka muti lowu, va tumbelela vaaki va wona.”

2 TIKRONIKA 20:25

Kutani Yoxafati ni vanhu va yena va hatla va ya phangha nhundzu ya valala, va kuma swifuwo leswo tala, ni matlhari, ni swiambalo, ni swibya swa nkoka; va sungula ku swi tleketla, kambe swi va tsandza. Ntirho lowu wa ku phangha wu tekile masiku manharhu, hikuva nhundzu ya kona a yi tele ngopfu.